MOYES AJIPA MOYO YA UBINGWA, MOURINHO AKILI CHELSEA IKO MATATANI!

WAKATI David Moyes akijipa moyo kwa kusisitiza Manchester United bado wamo kwenye mbio za Ubingwa licha ya kushindiliwa vipigo viwili mfululizo Nyumbani kwao ndani ya Siku 4, Jose Mourinho ameungama kuwa Chelsea ipo matatani baada Jana kunyukwa Bao 3-2 na Stoke City huko Britannica Stadium.

SOMA ZAIDI:

DAVID MOYES: MAN UNITED WANAWEZA KUTWAA UBINGWA!

Wamepokea vipigo viwili mfululizo ndani ya Siku 4 wakiwa kwao Old Trafford kitu ambacho hakijatokea tangu 2002 na wapo Pointi 12 nyuma ya Vinara Arsenal ambao wanacheza leo na Everton na pengo hilo linaweza kuwa Pointi 15 wakishinda leo, lakini Meneja wa Mabingwa Manchester United, David Moyes, amesisitiza bada nafasi ya kutwaa Ubingwa ipo.

Ametamka: “Nasimama imara nikiamini tutakuwa karibu. Natumai tutakuwepo kwenye kinyang’anyiro mwishoni mwa Msimu!”

MAN UNITED==ZINAZOFUATA:
10 Des	Man Utd v Shakhtar	UCL
15 Des	Aston Villa v Man Utd	LKE
18 Des	Stoke v Man Utd	LC
21 Des	Man Utd v West Ham	LKE
26 Des	Hull v Man Utd	LKE
28 Des	Norwich v Man Utd	LKE
1 JAN	Man Utd v Tottenham	LKE

Alipohojiwa kwanini ana imani kubwa kiasi hicho alijibu: “Wachezaji-nafanya kazi na Mabingwa!”

Jumatano iliyopita, Man United ilitunguliwa Bao 1-0 na Everton na Jana Newcastle pia walishindiliwa 1-0.

Moyes ameeleza: “Gemu ile na Everton na hii na Newcastle ziko sawa na kama tungeshinda hakuna Mtu angehoji. Hatukushinda, na kwa sababu sisi ni Manchester United, ni lazima tufanye vyema. Lazima tucheze vizuri zaidi, tuwe na pasi bora na tutumie nafasi zetu vizuri.”

JOSE MOURINHO AKIRI CHELSEA IKO MATATANI!

Jose Mourinho amesema Chelsea iko matatani baada ya kuumwaga uongozi wa Bao 1-0 na kuchapwa Bao 3-2 hapo Jana walipocheza na Stoke City.

Akionyesha kuwa na hasira, Jose Mourinho, mara baada ya kipigo hicho, alisema: “Sijisikii vizuri kiasi cha kuelezea Gemu ilikuwaje. Tupo matatani. Inasumbua kuona jinsi tunavyofungwa Magoli namna hii. Sipendi, na mimi sitayarishi Timu yangu iwe hivi.”

Kwa mara ya kwanza tangu Kipindi cha Aprili hadi Mei 1998, Chelsea imeruhusu kufungwa Bao 3 au zaidi katika Mechi mfululizo za Ligi Kuu England.

Katika Mechi zao 3 zilizopita dhidi ya Stoke, Sunderland  na Southampton, Chelsea imeruhusu Bao 7.

CHELSEA-MECHI ZINAZOFUATA:
11 Des	Chelsea v Steau	UCL
14 Des	Chelsea v Palace	LC
17 Des	Sunderland v Chelsea	LKE
23 Des	Arsenal v Chelsea	LKE
26 Des	Chelsea v Swansea	LKE
29 Des	Chelsea v Liverpool	LKE
1 Jan	S’mpton v Chelsea	LKE

Chelsea sasa wako Nafasi ya 3 wakiwa wamefungana Pointi na Liverpool ambao wako Nafasi ya Pili kwa ubora wa Magoli na wote wako nyuma ya Vinara Arsenal kwa Pointi 4 lakini Arsenal watakuwa Pointi 7 mbele ikiwa wataifunga Everton baadae leo.

Hilo halikumteteresha Mourinho ambae amedai: “Ukitutizama sisi na kutulinganisha na Man City, Man Utd, Tottenham, Liverpool….sidhani kama tunafanya vibaya! ”

LIGI KUU ENGLAND

RATIBA

[Saa za Bongo]

Jumapili Desemba 8

1630 Fulham v Aston Villa

1900 Arsenal v Everton

Jumatatu Desemba 9

2300 Swansea v Hull

MSIMAMO:

NA	TIMU	P	GD	PTS
1	Arsenal	14	19	34
2	Liverpool	15	16	30
3	Chelsea	15	13	30
4	Man City	15	26	29
5	Everton	14	9	27
6	Tottenham	15	-1	27
7	Newcastle	15	-1	26
8	Southampton	15	5	23
9	Man Utd	15	3	22
10	Aston Villa	14	0	19
11	Swansea	14	1	18
12	Stoke	15	-5	17
13	Hull	14	-6	17
14	Norwich	15	-14	17
15	West Brom	15	-4	15
16	Cardiff	15	-11	14
17	West Ham	15	-6	13
18	Crystal Palace	15	-12	13
19	Fulham	14	-14	10
20	Sunderland	15	-18	8