MCHINA AFA MAJI GOLDEN TULP HOTEL JIJINI DAR-ES-SALAAM

	Friday, December 27, 2013 11:50 AM RAIA wa China Wangi Jian(47), amepoteza maisha baada ya kuzidiwa maji akiwa kwenye bwawa la kuogelea katika hoteli ya Golden Tulip ya jijini Dar es Salaam.
Akitoa taarifa hiyo, Kamanda wa Polisi mkoa wa Kinondoni, Camilius Wambura, amesema tukio hilo, lilitokea juzi majira ya saa 7:30 mchana hotelini hapo. Kamanda amesema, raia huyo alikuwa na wenzake wengine wakiwa wanasherehekea sikukuu ya Krismas katika hoteli hiyo. Amesema marehemu huyo aliingia katika bwawa hilo na baadae alizidiwa maji alizama na kuokolewa na wenzake na kumkimbiza hospitali ya karibu Na baadae kuhamishiwa Hospitali ya Aga Khan na baadaye kutakiwa kuhamishiwa Hospitali ya Taifa Muhimbili na alifariki dunia wakati wanaelekea huko. Katika tukio lingine la aina hiyo Ally Sheki [18] mkazi wa Banana amefariki dunia wakati akiogelea katika ufukwe wa Coco Beach jijini Dar es Salaam. Sheki alipoteza maisha baada ya kubebwa na wimbi zito la maji akiwa anaogelea katika fukwe hiyo. Wimbi hilo lilimsababisha azame majini na baadae kuokolewa na wasamaria wema akiwa tayari ameshapoteza maisha. Tukio hilo lilitokea juzi majira ya 9 alasiri