IRINGA YAMLILIA MWANAFUNZI ALIYEFUTIWA MATOKEO KWA UDANGANYIFU

 

  katibu  wa kikao cha uteuzi wa wanafunzi Bi Wamoja  Ayub ambae ni katibu tawala mkoa akifunga  kikao  cha uteuzi  ,kulia kwake ni ofisa  elimu  msingi mkoa Bw  Joseph Mwinyikambi

...........................................................................................................................

SERIKALI  mkoani  Iringa  imepongeza   ufaulu mzuri  wa  wanafunzi  wa  darasa  la  saba  mwaka  huu 2013   kuwa ni ufaulu mzuri  uliouwezesha  mkoa  wa  Iringa kushika nafasi  ya  tatu  kitaifa kati ya  mikoa 25 Tanzania bara ,huku   ukimlilia  mwanafunzi  mmoja  wa  shule  ya  Msingi Mabaoni wilayani Mufindi  ambae amefutiwa matokeo yake  kutokana  na udanganyifu .

Huku  wabunge   wawili  kati ya 9 waliohudhurika  kikao  hicho akiwemo  Mbunge  wa  jimbo la Mufindi  kusini Mendrady  Kigola  na mbunge wa  jimbo la Mufindi Kaskazin Bw Mahamudu Mgimwa  wakiipongeza  wizara ya elimu na mafunzo ya  ufundi  kutokana na utendaji kazi mzuri kwa  kuwezesha  watahiniwa  wanafunzi  14,956  wakiwemo  wavulana   7,042  na  wasichana 7,914  sawa  na  asilimia  65.25 mkoani Iringa kuchaguliwa  kujiunga na kidato cha kwanza  mwaka 2014.

Akizungumza  leo katika  ukumbi  wa  Siasa ni   Kilimo wakati wa  kikao  cha uchaguzi  wa   wanafunzi  waliofaulu mtihani   wa darasa  la  saba  mwaka  huu , katibu  wa kikao   hicho Wamoja  Ayub ambae ni katibu  tawala  wa  mkoa  wa  Iringa alisema  kuwa  mkoa  wa Iringa unajivunia kuendelea  kushika nafasi  ya tatu kwa  miaka miwili mfululizo  sasa.

Hata  hivyo  alisema  kuwa lengo la  mkoa  wa Iringa  kwa  mwakani  kuongeza  jitihada  zaidi  ili  ikiwezekana  kuushusha  mkoa  wa  Dar  es Salaam katika nafasi  ya Kwanza na Kilimanjaro katika nafasi  ya  pili na mkoa  wa Iringa kushika  nafasi  ya kwanza kitaifa  katika matokeo ya  darasa la  saba mwakani 2014

Kuhusu  udanganyifu katika mitihani  alisema  kuwa suala  hilo  lina madhara  makubwa  kitaifa  na  kuwa suala  hilo  limekuwa  likipigiwa  kelele na  serikali  kutokana na athari  zake  kuwa kubwa kwa  wanafunzi wanaohusika na udanganyifu kama  ilivyo kwa  mwanafunzi Atupelye Mligo wa  shule ya Msingi Mabaoni Mufindi aliyefutiwa matokeo yake .

Pia  alisema  kwa  mwalimu  aliyehusika na  tukio  hilo la udanganyifu mwalimu Edwin Ambokele  wa  shule ya msingi Makungu  kwa  sasa kesi  yake  ipo mahakamani  akisubiri  mkono  wa  sheria  unasemaje  katika suala  hilo.

Bi  Wamoja  alisema  kuwa  jambo  hilo ni la aibu kwa  mkoa  wa Iringa na Taifa  kwa ujumla  hivyo  aliwaonya  walimu na  maofisa  elimu mkoani Iringa  kuendelea  kukemea  suala  hilo  ili lisije  tokea  tena katika mkoa  wa Iringa .

Aidha  aliwataka  wakurugenzi na  wakuu wa wilaya   kusimamia  ujenzi  wa  vyumba  vya madarasa  ili kuwezesha  wanafunzi  waliochaguliwa  kuanza masomo kwa  wakati  hasa  akisisitiza  zaidi kwa  Halmashauri ya Manispaa ya  Iringa  ambayo  ina idadi kubwa ya  wanafunzi  waliochaguliwa  kuliko  idadi  ya  vyumba  vya madarasa  kuhakikisha   wanakamilisha  mapema ujenzi  wa  shule  ya  sekondari  Nduli  ili  wanafunzi waliopangwa katika  shule  hiyo kuanza masomo kwa  wakati.

Akisisitiza  juu ya malengo ya matokeo makubwa  sasa katika  sekta  ya  elimu alisema  kuwa Manispaa ya  Iringa  inapaswa  kufikia asilimia 90 kwa mwaka  2014  wakati  Halmashauri ya  Iringa  ina lengo la kufikia asilimia 76  wakati  Kilolo  ni  asilimia 77  huku Hlamshauri ya  Mufindi  inalengo la kufikia  asilimia 79 kuwa  hayo ni malengo  yaliyopo katika  utekelezaji wa matokeo  makubwa  sasa katika  mkoa 

Hata  hivyo   baadhi ya  wajumbe wa kikao hicho  wameeleza  kusikitishwa  kwao  na hatua ya  wabunge  ambao ni  wawakilishi wa wananchi  kushindwa  kushiriki katika  kikao  hicho nyeti  na  kuwaacha  wabunge  wawili  pekee   wa  jimbo la Mufindi kusini na Kaskazini   kushiriki kikao  hicho  huku  wengine  wote  wakishindwa  kutokea .

Wabunge  wanaounda  mkoa wa Iringa ni Prof Peter Msolla Kilolo( CCM) mchungaji Peter Msigwa -Chadema  Iringa mjini, Dr Wiliam Mgimwa - Kalenga (CCM)Mahamundu Mgimwa - Mufindi kaskazin ( CCM)Mendrady  Kigola - Mufindi  kusini (CCM) Wiliam Lukuvi - Isimani (CCM ) ,Ritta kabati - Viti maalum (CCM)-Lediana Mafulu - Viti  maalum (CCM) na Chiku Abwao -Viti Maalum (Chadema)
Mbunge  wa Kalenga Dr  Mgimwa  yawezekana  ameshindwa  kufika  kutokana na  sababu  ya kiafya  inayomsumbua  na  yupo nje  ya nchi  wakati mbunge wa Ismani Wiliam Lukuvi  pia yawezekana ameshindwa  kufika  kutokana na majukumu  ya nafasi  yake  ya uwaziri.

Akitangaza  matokeo  hayo kwa  mkoa  wa  Iringa afisa  elimu msingi Bw  Joseph Mwinyikambi  alisema  kuwa  jumla ya  wanafunzi  waliofanya  mtihani  huo  mwaka  huu ni  14956 sawa na asilimia 65.2 na  waliofaulu  ni 14,956 sawa na asilimia 65.2 huku  wanafunzi 7966 wakiwemo  wasichana  4378 na  wavulana 3588  sawa na asilimia 34.8 wakifeli  katika mtihani  huo

 Huku  wanafunzi 226  wakishindwa  kufanya mtihani  huo kutokana na sababu mbali mbali idadi  yake kwenye  mabano ,utoro (196),vifo (12), ugonjwa (13) na  mimba (5).

Wakati  Halmashauri ya Manispaa ya  Iringa   yenye idadi ya  shule za msingi 47 ikiongoza kwa kushika nafasi ya kwanza kwa miaka miwili mfululizo  sasa ikifuatiwa na Halmashauri ya Iringa  yenye  shule 138 kwa kushika nafasi ya  pili wakati Kilolo yenye shule 101  ikishika nafasi ya tatu na Mufindi yenye  shule 163  ikishika nafasi ya mwisho katika matokeo  hayo.