KESHO BIG MECHI CHELSEA v LIVERPOOL:ANGALIA VIKOSI VITAKAVYO CHEZA KWA TIMU ZOTE MBILI

 ADAI: ‘INAWAPA NAFASI NZURI KUJITAYARISHA KWA MECHI!’

>>SUAREZ KUIVAA CHELSEA MARA YA KWANZA TANGU ‘AMNGATE’ IVANOVIC!!

Liverpool wanacheza na Chelsea Jumapili Uwanjani Stamford Bridge na Meneja wa Chelsea Jose Mourinho anaamini Ratiba ‘nyepesi’ ya Liverpool, bila ya michuano ya Ulaya, itawasidia sana Liverpool kumudu presha ya mbio za Ubingwa kwa Msimu huu.

Chelsea wanaingia kwenye Mechi hii wakiwa Nafasi ya Tatu na Pointi 1 mbele ya Liverpool ambayo Juzi ilichapwa Bao 2-1 na Man City huko Etihad na kuporomoshwa kutoka kileleni mwa Ligi hadi Nafasi ya 4.

Ingawa Mourinho anaamini Man City ndio wenye nafasi kubwa ya kutwaa Ubingwa lakini anakubali Luis Suarez ndie anaeipa Liverpool makali yanayoifanya iwe juu Msimu huu.

MSIMAMO-Timu za Juu:

NA	TIMU	P	GD	PTS
1	Arsenal	18	18	39
2	Man City	18	32	38
3	Chelsea	18	15	37
4	Liverpool	18	22	36
5	Everton	18	12	34
6	Newcastle	18	6	33
7	Man United	18	9	31
8	Tottenham	18	-5	31
9	Southampton	18	7	27
10	Stoke	18	-8	21

Mourinho amesema: “Wanaweza kutwaa Taji kwa vile ni wazuri, kwa vile Brendan Rodgers ni mzuri lakini pia wana muda wa kutosha kujitayarisha kimbinu kwa vile hawamo UEFA CHAMPIONZ LIGI na EUROPA LIGI!”

Pia Mourinho alieleza: “Wachezaji wangu watacheza Mechi 60 Msimu huu na Liverpool Mechi 40. Hii ni tofauti kubwa. Vipaji pamoja na ari pamoja na msaada huu, ndio unaweza kuwafaya wawe Mabingwa!”

Mechi hii ya Chelsea na Liverpool inamkutanisha Mourinho na Brendan Rodgers ambae alikuwa Kocha wa Timu ya Vijana na baadae Timu ya Rizevu ya Chelsea wakati Mourinho yuko Stamford Bridge katika Kipindi chake cha Kwanza kati ya Mwaka 2004 na 2007.

Uso kwa Uso- Chelsea v Liverpool:

-Chelsea wameshinda Mechi mbili tu kati ya 13 za Ligi walizocheza na Liverpool (Ushindi: 2, Sare: 4, Kufungwa: 7).

-Mechi 5 kati ya 7 walizoshinda Chelsea zilikuja kwenye himaya ya Jose Mourinho.

-Luis Suarez ndie aliefunga Mabao ya kusawazisha, yote Kipindi cha Pili, katika Mechi mbili za Ligi Msimu uliopita.

Macho kwenye Mechi hii yatakuwa juu ya Luis Suarez na Beki wa Chelsea Branislav Ivanovic kwani hii ni mara ya kwanza kukutana uso kwa uso tangu Mwezi Aprili kwenye Mechi ambayo Suarez alimng’ata Meno Ivanovic, bila Refa kuona, na baadae Suarez kufungiwa Mechi 10 kwa kosa hilo, Kifungo ambacho kilimalizika mwanzoni mwa Msimu huu.

VIKOSI VINATARAJIWA:

Chelsea: Cech; Ivanovic, D Luiz, Terry, Cole, Ramires, Mikel; Mata, Oscar, Hazard; Torres

Liverpool: Mignolet, Johnson, Skrtel, Sakho, Cissokho, Henderson, Allen, Lucas, Sterling, Suarez, Coutinho

REFA: Howard Webb

RATIBA:

[Saa za Bongo]

Jumamosi Desemba 28

1545 West Ham v West Brom

1800 Aston Villa v Swansea

1800 Hull v Fulham

1800 Man City v Crystal Palace

1800 Norwich v Man United

2030 Cardiff v Sunderland

Jumapili Desemba 29

1630 Everton v Southampton

1630 Newcastle v Arsenal

1900 Chelsea v Liverpool

1900 Tottenham v Stoke