KESHO LIGI KUU ENGLAND BIG MECHI MAN CITY V/S LIVERPOOL UWANJA WA ETIHAD

  JE MAN CITY INAWEZA KUMZUIA SUAREZ?

NI ‘PIGA UA’ ALHAMISI, BOKSING DEI HUKO ETIHAD!!

JUMAPILI LIVERPOOL WAPO STAMFORD BRIDGE KUIKWAA CHELSEA!

NI WAZI Msimu huu Timu za Ligi Kuu England huwa zinagwaya kwenda Etihad kupambana naManchester City ambako katika Mechi zao 8 za Ligi wameshinda zote kwa Jumla ya Bao 35.

Miongoni mwa Mechi hizo 8, City, walio chini ya Meneja Manuel Pellegrini, imeshusha vipigo kwa Mabingwa Watetezi Man United Bao 4-1, Tottenham 5-0 na Arsenal 6-3.

Lakini, safari hii, wageni wa City ni Liverpool ambao wanaongoza Ligi katika Kipindi hiki cha Krismasi kwa mara ya kwanza tangu Msimu wa 2008/09 na wanae Straika bora kwa sasa Luis Suarez ambae ndie Mfungaji Bora akiwa na Bao 19.

JE WAJUA?

-Liverpool wameshindwa kuwa Bingwa katika mara zote tatu za mwisho walizoongoza Ligi wakati wa Krismasi.

-Mara hizo 3 ni 1990-91 walipomaliza Nafasi ya 2, Mwaka 1996-97 walipomaliza Nafasi ya 4 na 2008/09 walipomaliza Nafasi ya 2 nyuma ya Man United.

Hata hivyo, Liverpool wakiwa Ugenini ni nyanya kidogo na katika Mechi zao 8 za Ligi za Ugenini wamefungwa Bao 13

Wachambuzi wengi walikuwa na hamu na Mechi hii kuwaona Mastraika wanaong’ara Sergio Arguero wa City na Luis Suarez wakipambana uso kwa uso lakini, kwa bahati mbaya, Aguero hatakuwepo kwa vile ni Majeruhi na badala yake City wanaweza kumchezesha Alvaro Negredo au Edin Dzeko.

USO kwa USO:

-Mechi 6 kati ya 9 zilizopita za Ligi kati ya City na Liverpool zilimalizika kwa Sare huku City wakishinda 2 na Liverpool 1 Uwanjani kwao Anfield kwa Bao 3-0.

Lakini nguzo kubwa ya Timu ya City ni Kiungo chao hatari ambacho Msimu huu kimeimarika baada kumpata Fernandinho ambae ameonyesha ushirikiano mzuri sana na Yaya Toure kiasi cha kuwaruhusu David Silva na Jesus Navas kuwa huru kutiririka na Soka lao lenye akili ambalo huzichanganya ngome nyingi na kutoa mwanya wa Goli nyingi.

Kwa kawaida kukosekana kwa Mkongwe na Nahodha wa Liverpool, Steven Gerrard, kungekuwa pigo kubwa kwa Liverpool lakini katika Mechi za hivi karibuni kutokuwepo kwake kwa sababu ya maumivu kumefungua njia kwa Liverpool kutumia Viungo Chipukizi, kina Allen, Lucas, Henderson, Coutinho na Sterling,   wanaokwenda mbio mithili ya umeme na kumlainishia umaliziaji Luis Suarez.

LIGI KUU ENGLAND:

MSIMAMO:

NA	TIMU	P	GD	PTS
1	Liverpool	17	23	36
2	Arsenal	17	16	36
3	Man City	17	31	35
4	Chelsea	17	14	34
5	Everton	17	13	34
6	Newcastle	17	2	30
7	Tottenham	17	-5	30
8	Man United	17	8	28
9	Southampton	17	4	24
10	Stoke	17	-4	21
11	Swansea	17	0	20
12	Hull	17	-6	20
13	Aston Villa	17	-6	19
14	Norwich	17	-14	19
15	Cardiff	17	-12	17
16	West Brom	17	-5	16
17	West Ham	17	-8	14
18	Crystal Palace	17	-16	13
19	Fulham	17	-17	13
20	Sunderland	17	-18	10

RATIBA MECHI ZIJAZO:

[Saa za Bongo]

Alhamisi Desemba 26

1545 Hull v Man United

1800 Aston Villa v Crystal Palace

1800 Cardiff v Southampton

1800 Chelsea v Swansea

1800 Everton v Sunderland

1800 Newcastle v Stoke

1800 Norwich v Fulham

1800 Tottenham v West Brom

1800 West Ham v Arsenal

2030 Man City v Liverpool

Jumamosi Desemba 28

1545 West Ham v West Brom

1800 Aston Villa v Swansea

1800 Hull v Fulham

1800 Man City v Crystal Palace

1800 Norwich v Man United

2030 Cardiff v Sunderland

Jumapili Desemba 29

1630 Everton v Southampton

1630 Newcastle v Arsenal

1900 Chelsea v Liverpool

1900 Tottenham v Stoke