LEO OLD TRAFFORD MOTO, MOYES ATAKA JIBU BAADA KIPIGO!!

NI MAN UNITED v NEWCASTLE BILA ROONEY & RVP!!

 LEO PIA SOUTHAMPTON v MAN CITY, STOKE v CHELSEA!!

 JUMAPILI: ARSENAL v EVERTON!!

David Moyes ametaka Manchester United isimamishe kupotea kwa Msimu wao wakati leo wakikabiliana na Newcastle Uwanjani Old Trafford.

Juzi Jumatano, wakiwa hapo hapo Old Trafford, Man United walijikuta wakichapwa Bao 1-0 na Everton kwa Bao la Dakika ya 86.

Kipigo hicho kiliwaacha Man United wakielea Nafasi ya 9 Pointi 12 nyuma ya Vinara wa Ligi Arsenal.

Kipigo hicho ni balaa jingine kwa David Moyes ambae amemrithi Sir Alex Ferguson Msimu huu kwani tayari washapokea vichapo vinne Msimu huu baada Mechi 14 wakati Msimu uliopita katika Mechi zote 38 walifungwa mara 5 tu.

Hata hivyo, Moyes bado ana imani Man United watafanya vyema ikiwa watajinusuru mapema.

Akiongea na MUTV, TV ya Man United, Moyes alisema: “Nimesikitishwa lakini tunaendelea tena na Gemu nyingine. Hatukufikia malengo yetu na Everton. Lakini huku zipo Gemu nyingi na tunaendelea.”

Nae Meneja wa Newcastle, Alan Pardew, anaamini Moyes atapata majibu sahihi hivi karibuni.

Lakini Man United leo ina tatizo kubwa kwani itawakosa Nyota wao wakubwa wawili, Wayne Rooney, ambae yupo Kifungoni Mechi 1 baada kuzoa Kadi za Njano 5, na Robin van Persie ambae huenda asicheze kwa vile anakabiliwa na maumivu ya Nyonga.

Kusuasua kwa Mabingwa Man United kumeleta matumaini kwa Arsenal kupaa kileleni baada kuifunga Bao 2-0 Hull City na Jumapili wako kwao kucheza na Everton.

Leo Jumamosi, Chelsea wanasafiri kwenda kucheza na Stoke City na Manchester City, wakiwa Pointi 6 nyuma ya Arsenal na walio Nafasi ya Tatu, wanakwenda kucheza Ugenini na Southampton ambao wameporomoka hadi Nafasi ya 8 baada ya vipigo vitatu mfululizo.

Liverpool, ambao wako Nafasi ya 4, watakuwa Wenyeji wa West Ham na watataka ushindi mwingine mkubwa baada ya kuifumua Norwich City Bao 5-1 katika Mechi iliyopita ambayo Straika wao Luis Suarez alipiga Bao 4.

LIGI KUU ENGLAND

RATIBA

[Saa za Bongo]

Jumamosi Desemba 7

1545 Man United v Newcastle

1800 Crystal Palace v Cardiff

1800 Liverpool v West Ham

1800 Southampton v Man City

1800 Stoke v Chelsea

1800 West Brom v Norwich

2030 Sunderland v Tottenham

Jumapili Desemba 8

1630 Fulham v Aston Villa

1900 Arsenal v Everton

Jumatatu Desemba 9

2300 Swansea v Hull

MSIMAMO:

NA	TIMU	P	GD	PTS
1	Arsenal	14	19	34
2	Chelsea	14	14	30
3	Man City	14	26	28
4	Liverpool	14	13	27
5	Everton	14	9	27
6	Tottenham	14	-2	24
7	Newcastle	14	-2	23
8	Southampton	14	5	22
9	Man Utd	14	4	22
10	Aston Villa	14	0	19
11	Swansea	14	1	18
12	Hull	14	-6	17
13	West Brom	14	-2	15
14	Stoke	14	-6	14
15	Cardiff	14	-9	14
16	Norwich	14	-16	14
17	West Ham	14	-3	13
18	Fulham	14	-14	10
19	Crystal Palace	14	-14	10
20	Sunderland	14	-17	8