UCL: BARCA YAIPIGA CITY 2-0 ETIHAD, PSG YAINYUKA 4-0 LEVERKUSEN!

   

UCL, UEFA CHAMPIONZ LIGI, imerudi kwa makeke kwa Timu za Nyumbani zote kutandikwa wakati Barcelonawalipoiwasha Manchester City 2-0 huko Etihad na Paris Saint-Germain kuitandika Bayer Leverkusen Bao 4-0 huko Bay Arena, Jijini Leverkusen, Ujerumani, hizo zikiwa Mechi za Kwanza za Raundi ya Mtoano ya Timu 16.

Raundi ya Mtoano ya Timu 16

MATOKEO:

Jumanne Februari 18

Manchester City 0 FC Barcelona 2

Bayer 04 Leverkusen 0 Paris Saint-Germain 4

MANCHESTER CITY 0 BARCELONA 2

PENATI ya Dakika ya 54 ya Lionel Messi iliwafungulia njia Barcelona na kupata ushindi wa Bao 2-0 walipocheza na Manchester City Uwanjani Etihad katika Mechi ya Kwanza ya Raundi ya Mtoano ya Timu 16 ya UEFA CHAMPIONZ LIGI.

Penati hiyo ilitolewa baada ya Demichelis kumwangusha Messi aliekuwa anaenda kukutana na Kipa Joe Hart na pia kusababisha Beki huyo wa Man City kupewa Kadi Nyekundu na Refa Jonas Eriksson kutoka Sweden.

DONDOO MUHIMU:

-BARCA hawana mawindo mema Jiji la MANCHESTER:

-JIJINI MANCHESTER, BARCA wamecheza Mechi 4 Old Trafford na hawakushinda hata moja kwa Kufungwa 2, Sare 2 dhidi ya MAN UNITED!

-Wamecheza na Man City Mechi 6 za Kirafiki na Kushinda 3, Kufungwa 3 moja ikiwa ni ya Ufunguzi wa City of Manchester Stadium Tarehe 10 Agosti 2003 na City kushinda Bao 2-1 kwa Bao za Nicolas Anelka na Trevor Sinclair na la Barca kufungwa na Javier Saviola.

Barcelona walifunga Bao lao la Pili katika Dakika ya 90 kupitia Dani Alves baada ya kazi nzuri ya Neymar alieingia Kipindi cha Pili.

Timu hizi zitarudiana huko Nou Camp hapo Machi 12 na City watahitaji kushinda Bao 3-0 ili wasonge Robo Fainali.

VIKOSI:

MANCHESTER CITY [Mfumo 4-5-1]: Hart, Zabaleta, Kompany, Demichelis, Clichy, Jesús Navas, Silva, Fernandinho, Y. Touré, Kolarov, Negredo

Akiba: Pantilimon, Richards, Lescott, Nasri, Javi García, Džeko, Jovetić.

BARCELONA [Mfumo 4-3-3]: Víctor Valdés, Piqué, Mascherano, Jordi Alba, Daniel Alves, Fàbregas, Xavi Hernández, Iniesta, Busquets, Alexis Sánchez, Messi

Akiba: Pinto, Bartra, Adriano, Song, Sergi Roberto, Pedro Rodríguez, Neymar.

REFA: Jonas Eriksson [Sweden]

BAYER LEVERKUSEN  0 PARIS SAINT-GERMAIN 4

Wakicheza kwao BayArena Jijini Lerkusen, Nchini Germany, Bayer Leverkusen wametandikwa Bao 4-0 na Paris Saint-Germain ambao hadi Mapumziko walikuwa mbele kwa Bao 3-0.

Bao za PSG zilifungwa na Blaise Matuidi, Dakika ya 3, na mbili za Zlatan Ibrahimovic, kwenye Dakika ya 39 kwa Penati na jingine kwa mzinga mkali nje ya Boksi katika Dakika ya 42 huku Bao la 4 likipachikwa na Yohan Cabaye kwenye Dakika ya 88.

Kuanzia Dakika ya 59, Leverkusen walicheza Mtu 10 baada ya Emir Spahic kupewa Kadi Nyekundu kufuatia Kadi za Njano mbili.

VIKOSI:

Leverkusen: Leno, Hilbert, Spahic, Toprak, Guardado, Bender, Rolfes, Castro, Sam, Kiessling, Son

Akiba: Yelldell, Reinartz, Wollscheid, Hegeler, Oztunali, Boenisch, Brandt.

PSG: Sirigu, van der Wiel, Alex, Thiago Silva, Maxwell, Verratti, Motta, Matuidi, L. Moura, Ibrahimovic, Lavezzi

Akiba: Douchez, Pastore, Cabaye, Marquinhos, Menez, Digne, Rabiot.

REFA: Viktor Kassai (Hungary)

UEFA CHAMPIONZ LIG

Raundi ya Mtoano ya Timu 16

RATIBA

[Saa za Bongo]

Jumatano Februari 19

22:45 AC Milan v Atletico de Madrid

22:45 Arsenal FC v Bayern Munich

Jumanne Februari 25

20:00 Zenit St. Petersburg v BV Borussia Dortmund

22:45 Olympiacos CFP v Manchester United

Jumatano Februari 26

22:45 Schalke 04 v Real Madrid CF

22:45 Galatasaray Spor Kulübü v Chelsea FC

MARUDIANO

Jumanne Machi 11

22:45 Bayern Munich v Arsenal FC

22:45 Atletico de Madrid v AC Milan

Jumatano Machi 12

22:45 FC Barcelona v Manchester City

22:45 Paris Saint-Germain v Bayer 04 Leverkusen

Jumanne Machi 18

22:45 Chelsea FC v Galatasaray Spor Kulübü

22:45 Real Madrid CF v Schalke 04

Jumatano Machi 19

22:45 BV Borussia Dortmund v Zenit St. Petersburg

22:45 Manchester United v Olympiacos CFP