FUSO KUIMARISHA SEKTA YA USAFIRISHAJI TANZANIA BAADA YA KUZINDUA AIN MPYA ZA MALORI NCHINI

 

Toleo jipya la Fuso aina ya FJ ikiwa kwenye muundo wa tipper lenye uwezo wa kubeba tani 25 maalum kwa ajili ya sekta ya ujenzi na uchimbaji wa madini.

Toleo jipya la Fuso aina ya FI lenye uwezo wa kubeba tani 12.

Aina mbalimbali za Fuso zilizoingia nchini tayari kutoa suluhisho na Changamoto za kimaendeleo hapa nchini.

Sekta ya usafiri nchini inatarajiwa kuwa na mabadiliko makubwa baada ya kampuni ya uwakala wa magari ya Diamond Motors Limited (Sehemu ya Hansa Group) kutambulisha aina mpya ya magari ya Fuso yenye uwezo wa kubeba mizigo yenye uzito mkubwa na ya kati katika soko la Tanzania.

Katika miaka ya hivi karibuni sekta za usafiri, madini, kilimo na ujenzi imechangia kwa kiasi kikubwa ukuaji wa Uchumi nchini huku ikishuhudiwa ushindani mkubwa wa kibiashara kwa makampuni ya magari ya kimataifa ambapo aina hizi za Fuso zinatarajiwa kuongeza kasi ya ushindani Kwani gari zote zimetengenezwa kuongeza faida kwa mteja.

Akitoa Maelezo ya kina ya Fuso mpya, Meneja Mkuu wa Diamond Motors Limited nchini Tanzania ambao ndio wasambazaji wakuu wa magari ya Fuso, Bw. Vikram Verma alisema kuwa soko la Tanzania litarajie kupata faida kubwa kutokana na ujio mpya wa Fuso FA, FI, na FJ. Ikiwa na injini iliyoundwa kuhimili uzito na mazingira magumu, matoleo haya yanampa mtumiaji thamani ya juu.

Toleo la FA ina uwezo wa chini, wenye kubeba mzigo wa tani 9, toleo FI yenye uwezo wa kubeba tani 12 na FJ inao uwezo wa kubeba tani 25 ambapo FA ina muundo mmoja, wakati toleo la FJ na FI ina miundo miwili inayokuruhusu kufanya kazi katika sekta tofauti

“Tuna nia ya kuunga mkono maendeleo ya uchumi wa Tanzania na juhudi za wawekezaji, Fuso yetu mpya imetengenezwa kuleta mapinduzi katika sekta ya usafirishaji Tanzania. Aina mpya wa Fuso sio tu yenye ubora wa kuaminika bali yenye uwezo wa kipekee wa kubeba mzigo, tofauti na malori mengine yenye uwezo kama wa Fuso, utatumia kiasi kidogo cha mafuta na gharama ndogo za matengenezo. Hayo ndio yanayofanya Fuso kua tofauti na njia nyingine za usafirishaji katika biashara zilizopo Tanzania”, alisema Vikram Verma katika Mahojiano.

Maendeleo ya uchumi wa Tanzania unasisitiza uhitaji wa njia bora za usafirishaji ikiwa uchumi unaendelea kukua kila siku. Kumekua na Juhudi za serikali kutengeneza miundombinu na huduma zinazosaidia kukua kwa biashara za nje na ndani na kuimarisha mahusiano na uwekezaji kutoka nje ya Tanzania.

Fuso zote za uwezo wa kati na mkubwa, zina ubora wa kimataifa, zilizopitia majaribio ikiwemo kuendeshwa zaidi ya kilomita milioni 9. Lori hili lina injini na nguvu ambayo imetengenezwa kuhimili mazingira na imeundwa kwa teknolojia za kisasa kutoka Japani na Ujerumani ikiwemo teknolojia ya Common Rail.

Fuso imekua rafiki wa mazingira kwa kukupatia lori lenye utoaji mdogo wa gesi ya kaboni. Ikikupatia muda mrefu wa matengenezo, spea zinazodumu muda mrefu na gharama ndogo za matengenezo ununuapo Fuso yenye uwezo wa kati au mkubwa unakua na uhakika wa kupata faida.