TAARIFA YA JESHI LA POLISI MKOA WA MBEYA KWA VYOMBO VYA HABARI

 

·      

   MTU MMOJA AUAWA KATIKA WILAYA YA MBEYA.

·         JESHI LA POLISI MKOA WA MBEYA LAWASHIKILIA WATU WAWILI WAKIWA NA POMBE HARAMU YA MOSHI.

·         JESHI LA POLISI MKOA WA MBEYA LINAMSHIKILIA MTU MMOJA AKIWA NA MTAMBO WA KUTENGENEZEA DOLA BANDIA.

·         JESHI LA POLISI MKOA WA MBEYA LAWASHIKILIA WATU 13 WAKIWA NA BHANGI.

MTU MMOJA AUAWA KATIKA WILAYA YA MBEYA.

MTU MMOJA ALIYETAMBULIKA KWA JINA LA JAPHET MWANIZUVA (35) MKAZI WA KIJIJI CHA MWASHIWAWALA ALIFARIKI DUNIA WAKATI AKIENDELEA KUPATIWA MATIBABU KATIKA HOSPITALI YA RUFAA MBEYA MAJIRA YA SAA 06:00HRS ASUBUHI. AWALI MNAMO TAREHE 01.02.2014 MAJIRA YA SAA 18:26HRS JIONI HUKO KATIKA KIJIJI CHA MWASHIWAWALA MAREHEMU ALIJERUHIWA KWA KUKATWA NA KITU CHENYE NCHA KALI KICHWANI NA LAITON WILLY. CHANZO CHA MAUAJI HAYO NI WIVU WA KIMAPENZI BAADA YA MTUHUMIWA KUMKUTA MAREHEMU AKIWA NA MKE WAKE SHAMBANI NA ALISHAWAHI KUMUONYA MARA NYINGI. MTUHUMIWA ALIKIMBIA MARA BAADA YA TUKIO NA JUHUDI ZA KUMTAFUTA ZINAENDELEA.  KAMANADA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA MAHALI ALIPO MTUHUMIWA WA TUKIO HILI AZITOE KATIKA MAMLAKA HUSIKA ILI AKAMATWE NA SHERIA ICHUKUE MKONDO WAKE.

JESHI LA POLISI MKOA WA MBEYA LAWASHIKILIA WATU WAWILI WAKIWA NA POMBE HARAMU YA MOSHI.

JESHIO LA POLISIN MKOA WA MBEYA LINAWASHIKILIA WATU WAWILI 1. SHIDA GIBSON (29) NA GODFREY MADOKI (32) WOTE WAKAZI WA KISALASI – MAMBA WAKIWA NA POMBE HARAMU YA MOSHI [GONGO] UJAZO WA LITA 3.5. WATU HAO WALIKAMATWA MNAMO TAREHE 03.02.2014 MAJIRA YA SAA 12:30HRS MCHANA KIJIJI CHA KAMABA WILAYA YA CHUNYA KATIKA MSAKO ULIFANYWA NA JESHI LA POLISI. WATUHUMIWA NI WAUZAJI NA WATUMIAJI WA POMBE HIYO. TARATIBU ZA KUWAFIKISHA MAHAKAMANI ZINAFANYIKA. KAMANADA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA KUTUMIA POMBE HARAMU YA MOSHI [GONGO] KWANI NI KINYUME CHA SHERIA NA NI HATARI KWA AFYA YA MTUMIAJI.

JESHI LA POLISI MKOA WA MBEYA LINAMSHIKILIA MTU MMOJA AKIWA NA MTAMBO WA KUTENGENEZEA DOLA BANDIA.

JESHI LA POLISI MKOA WA MBEYA LINAMSHIKILIA MTU MMOJA ALIYETAMBULIKA KWA JINA LA BRAITH MUYUTU (38) MKAZI WA CHINGOLA – ZAMBIA AKIWA NA MTAMBO WA KUTENGENEZEA DOLA BANDIA PAMOJA NA VIPANDE VYA KARATASI [BLACK DOLLAR] NA VIPANDE VYA MADINI BANDIA. MTUHUMIWA ALIKAMATWA KATIKA MSAKO ULIOFANYIKA TAREHE 04.02.2014 MAJIRA YA SAA 10:00HRS ASUBUHI HUKO TUNDUMA KATIKA ENEO LA MPAKANI KATI YA TANZANIA NA ZAMBIA WILAYA YA MOMBA. TARATIBU ZAIDI ZA KISHERIA ZINAFANYWA  DHIDI YA MTUHUMIWA. KAMANADA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUTOA TAARIFA ZA WAHALIFU/UHALIFU KATIKA JESHI LA POLISI ILI WAKAMATWE NA HATUA ZA KISHERIA ZICHUKULIWE.

JESHI LA POLISI MKOA WA MBEYA LAWASHIKILIA WATU 13 WAKIWA NA BHANGI.

JESHI LA POLISI MKOA WA MBEYA LINAWASHIKILIA WATU 13 KWA KOSA LA KUPATIKANA NA BHANGI. KATIKA MSAKO ULIOFANYIKA TAREHE 04.02.2014 MAJIRA YA SAA 23:00HRS USIKU HUKO KATIKA MTAA TAZARA – TUNDUMA KELI BULAYA (46) MKAZI WA MUFULILA – ZAMBIA AKIWA NA WENZAKE 11 WALIKAMATWA NA ASKRI POLISI WAKIWA NA BHANGI KETE 226 SAWA NA UZITO KILO 01 NA GRAM 130 PAMOJA NA MICHE YA BHANGI 120. AIDHA KATIKA MSAKO ULIOFANYIKA ENEO LA IGURUSI STENDI YA MABASI WIALYA YA MBARALI MOSES ANGOMWILE (34) MKAZI WA IGURUSI ALIKAMATWA NA ASKARI POLISI AKIWA NA BHANGI KETE 47 SAWA NA UZITO WA GRAM 235. WATUHUMIWA NI WAUZAJI/WATUMIAJI WA BHANGI HIYO. TARATIBU ZA KUWAFIKISHA MAHAKAMANI ZINAFANYIKA.  KAMANADA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA KUTUMIA DAWA ZA KULEVYA KWANI NI KINYUME CHA SHERIA NA NI HATARI KWA AFYA YA MTUMIAJI. AIDHA ANATOA WITO KWA JAMII KUTOA TAARIFA KWA JESHI LA POLISI ZA MTU/WATU WANAOLIMA/KUUZA DAWA ZA KULEVYA ILI WAKAMATWE NA SHERIA ICHUKUE MKONDO WAKE.

Signed by:

[ROBERT MAYALA - ACP]

Kny:KAMANDA WA POLISI MKOA WA MBEAYA.