LIGI KUU ENGLAND: JUMANNE LEO & JUMATANO USIKU BIGI MECHI ARSENAL v MAN UNITED!!

>>VINARA CHELSEA WAGENI WA WBA!

RATIBA MECHI ZIJAZO:

Jumanne Februari 11

2245 Cardiff v Aston Villa

2245 Hull v Southampton

2245 West Ham v Norwich

2300 West Brom v Chelsea

Jumatano Februari 12

2245 Arsenal v Man United

2245 Everton v Crystal Palace

2245 Man City v Sunderland

2245 Newcastle v Tottenham

2245 Stoke v Swansea

2300 Fulham v Liverpool

LIGI KUU ENGLAND ipo tena Viwanjani Jumanne na Jumatano Usiku kwa Timu zote 20 kucheza na Vinara wa Ligi, Chelsea, wao wako Ugenini huko The Hawthorns Jumanne Usiku kucheza na West Bromwich Albion lakini, bila shaka, Wadau wengi wataisubiri kwa hamu Mechi ya Jumatano Usiku huko Emirates ambako Arsenal, ambao ndio kwanza wametoka kutandikwa Bao 5-1 na Liverpool, watawakaribisha Mabingwa wa England, Manchester United, ambao nao walipokonywa ushindi Dakika ya mwisho baada Fulham kusawazisha na kupata Sare ya Bao 2-2.

Man City, ambao wako Nafasi ya Tatu, baada ya Wikiendi kubanwa kwa Sare ya 0-0 huko Carrow Road walipocheza na Norwich City, Jumatano wako Nyumbani Etihad kuivaa Sunderland ambayo ina kawaida ya kuifunga City kila wakicheza Stadium of Light.

Kwa Arsenal, Mechi hii na Man United ni muhimu hasa baada ya kuchapwa 5-1 na Liverpool na kutolewa kwenye uongozi wa Ligi lakini pia ni mwanzo wa Mechi ngumu ambapo zitafuata Mechi na Tottenham Hotspur, Chelsea, Manchester City na Everton hadi mwanzoni mwa Machi.

Timu zote, Arsenal na Man United, zimekiri matokeo ya Mechi za mwisho ni mabaya kwao na kila mmoja anatafuta afueni kwenye pambano lao.

Mwanzoni mwa Msimu, kwenye Mechi ya kwanza huko Old Trafford, Man United iliifunga Arsenal Bao 1-0 Mfungaji akiwa Robin van Persie ambae ni Nahodha wa zamani wa Arsenal.

Wakati Arsenal bado wako kwenye nafasi nzuri ya kupigania Ubingwa, kwa Man United kuutetea Ubingwa wao sasa ni kitu kigumu mno na iliyobaki ni kusaka kufuzu 4 Bora ili kucheza UEFA CHAMPIONZ LIGI Msimu ujao.

Lakini hata hii 4 Bora ni kibarua kigumu kwani wako Nafasi ya 7, Pointi 15 nyuma ya Vinara Chelsea na 9 nyuma ya Liverpool ambayo iko Nafasi ya 4.

Akikiri ugumu wa hali yao, Meneja David Moyes amesema ili wafanikiwe sasa inabidi washinde Mechi zao zote.

MSIMAMO:

NA	TIMU	P	W	D	L	F	A	PTS	GD
1	Chelsea FC	25	17	5	3	47	20	27	56
2	Arsenal FC	25	17	4	4	48	26	22	55
3	Man City	25	17	3	5	68	27	41	54
4	Liverpool	25	15	5	5	63	30	33	50
5	Tottenham	25	14	5	6	32	32	0	47
6	Everton FC	25	12	9	4	37	26	11	45
7	Man United	25	12	5	8	41	31	10	41
8	Newcastle	25	11	4	10	32	34	-2	37
9	Southampton	25	9	9	7	36	29	7	36
10	Swansea	25	7	6	12	32	35	-3	27
11	Hull City	25	7	6	12	25	30	-5	27
12	Aston Villa	25	7	6	12	27	36	-9	27
13	Stoke City	25	6	8	11	26	40	-14	26
14	Crystal Palace	25	8	2	15	18	34	-16	26
15	West Ham	25	6	7	12	26	33	-7	25
16	Norwich City	25	6	7	12	19	37	-18	25
17	Sunderland	25	6	6	13	25	38	-13	24
18	West Brom	25	4	11	10	29	37	-8	23
19	Cardiff City	25	5	6	14	19	44	-25	21
20	Fulham FC	25	6	2	17	24	55	-31	20

RATIBA MECHI ZIJAZO:

Jumamosi Februari 22

1545 Chelsea v Everton

1800 Arsenal v Sunderland

1800 Cardiff v Hull

1800 Man City v Stoke

1800 West Brom v Fulham

1800 West Ham v Southampton

2030 Crystal Palace v Man United

Jumapili Februari 23

1630 Liverpool v Swansea

1630 Newcastle v Aston Villa

1900 Norwich v Tottenham