MPANGO WA KUKOMESHA UKATILI KWA WATOTO WAZINDULIWA

 

MTOTO ZAINA HEMED AMBAYE NI WADARASA LA SABA KATIK SHULE YA MSINGI BUGURUNI VIZIWI AKIZUNGUMZA KWA NIABA YA WATOTO WOTE KATKA MKUTANO HUO ALIKUWA NA MKALIMAN AMBAYE KWENYE PICHA HAONEKANI
......................................................................................................................

              Mwandishi Kenneth John wa  ,Dar 

Serikali  ya  Tanzania  kwa  kushirikiana  na   mfuko  wa  maendeleo   ya  watoto  wa   umoja  wa mataifa  (UNICEF), ujumbe  wa  umoja  wa  ulaya  (EU)  Tanzania ,Shirika  la  save  chidren  pamoja  na  shirika  la  Plan  International (PLAN)   leo   wamezindua   mpango  wa  pamoja  wa  kukomesha  ukatili  dhidi  ya  watoto  Tanzania.

Akizungumza  katika  uzinduzi  huo  waziri  wa  afya   na  ustawi  wa  jamii  Dkt   Seif  Rashid  alisema  kuwa  kila  hamashauri  zinawajibu   wa  kusajili  watoto  wote  ambao  wanaishi  katika   mazingira  hatarishi , pamoja  na  kutoa  taarifa  za  matokeo  yote  ambayo  yanaenda  sambamba  na  kusababisha  athari  kwa  watoto.

Pia  aliongeza  kuwa  kunahitajika  kuwa  na  maafisa  jamii   ambao  wanauwezo  wa  kuhakikisha  wanampa  ushirikiano  wa  kutosha  mtoto   pamoja  na  kuzungumza  na  mtoto  kwa  uwazi   zaidi.   

Mradi  huo  unalengo  la  kusaidia  uanzishwaji  wa  mifumo  ya  kumlinda  mtoto  ili  kuweza  kudhibiti  na  kukabiliana  na  kila  aina  ya  ukatili  dhidi  ya  watoto , hasa  watoto  wa  kike  na  hatua  hiyo  itasaidia  utekelezaji    wa  mipango  iliyopo  ya  kupambana  na  ajira   kwa  watoto    pamoja  na  kuanzisha  shule  salama  Zanzibar.

Aidha  mradi  huo  pia  unalengo  la  kusaidia  watoto  na  familia  zao,kuimarisha  ulinzi  katika  mazingira  ya  jamii   na  shule   salama, pia  mradi   umelenga  kufikia  malengo  ya  muda  mrefu,kuwa  na  mfumo  wenye  jukumu  la  mstari  wa  mbele    pamoja  na  kuwa  na  mfumo    endelevu  kwa  ajili  ya  kutambua, kuzuia , kukabiliana  na  kusaidia  watoto   kwa  kuujumuisha  katika  mfumo  wa  mamlaka  za  serikali  za  mitaa  na  taratibu  za  jamii  kwa  kutumia  ,matokeo    yatakayopatikana   kuhamasisha   mgao  wa  mara  kwa  mara   wa  bajeti  kwaajili  ya   ulinzi  wa  mtoto  katika  ngazi  ya  wilaya  na  katika  ngazi  ya  kitaifa.

Na  kwa  upande  wa  mwakilishi  wa  UNICEF  nchini  Dkt  Jama  Gulaid  alisema  kuwa   ushirikiano   huo  ni  hatua  muhimu   ya  kuimarisha  mifumo  ya  ulinzi   wa  watoto   ilikukabiliana  na  ukatili   dhidi  ya  watoto   nchini,pamoja  na  kutoa   fursa   ya  kuimarisha  muungano  kwaajili  ya  maendeleo   ya  watoto   katika  ya  Umoja  wa  Ulaya,

Pamoja  na  hayo  yote   kwa  mujibu  wa   ripoti  ya  utafiti  wa  ukatili   dhidi  ya  watoto   Tanzania  uliotolewa  na  serikali  ya   na  UNICEF   mwaka  2011   ulidhihirisha  kwamba   msichana   mmoja  kati  ya  watatu   na  mvulana  mmoja   kati  ya  saba   nchini  Tanzania  hukubwa  na  manyanyaso  ya  kijinsia   kabla  ya  kufikisha  umri  wa   miaka  kumi   nane,Pia   tafiti  ilibaini  kuwa   viwango  vya   unyanyasaji  wa  kimwili   viko  juu  sana  kwani  karibu   wasichana  na  wavulana  watatu   kati  ya  wanne   wamepigwa  ngumi, kuchapwa  au  kupigwa  mateke  wakati  wa  utoto  wao, huku  robo  ya  watoto   wote  wamefanyiwa  ukatili  wa  kihisia,na  ripoti  hiyo  ilionyesha  kuwa  watoto  wengi  hawashtaki  matukio  hayo,wachache  hutafuta  huduma  stahiki  na  wachache   zaidi  hupatiwa  huduma  ya  matibabu  au   msaada.