MOURINHO: “HAMNA MVINYO MSIMU HUU!” ADAI:UBINGWA MSIMU HUU HAMNA MPAKA UJAO!!

>>AGUSIA MECHI YA ETHAD NA CITY JUMATATU IJAYO!

KWA mujibu wa Meneja wao, Chelsea watakuwa wamekamilika Msimu ujao kwa kutwaa Ubingwa lakini Msimu huu watazisukuma Arsenal na Manchester City hadi mwishoni kwenye mbio za Ubingwa kama ilivyodokezwa hii leo na Jose Mourinho.

LIGI KUU ENGLAND

MSIMAMO=Timu za Juu:

NA	TIMU	P	GD	PTS
1	Arsenal	22	24	51
2	Man City	22	38	50
3	Chelsea	22	23	49
4	Liverpool	22	25	43
5	Tottenham	22	3	43
6	Everton	22	15	42
7	Man United	22	9	37

Jumatano Usiku, Chelsea itakuwa kwao Stamford Bridge kucheza na West Ham kwenye Mechi ya Ligi huku wakiwa Nafasi ya 3, Pointi 1 nyuma ya Man City walio Nafasi ya Pili na 2 nyuma ya Vinara Arsenal.

Lakini, Leo hii akiongea na Wanahabari ambao waligawiwa Mvinyo kusherehekea Miaka yake 51 ya Kuzaliwa, kwenye Mahojiano maalum kwa ajili ya Mechi yao ya Kesho na West Ham, Mourinho alitamka: “Nafasi ya kunywa Shampeni hapo baadae ni nzuri lakini si Msimu huu”

Mourinho alifafanua kuwa lengo lao ni kujenga Timu imara kwa ajili ya Msimu ujao na tayari ameshamuuza Kiungo wa SpainJuan Mata kwa Man United na kumnunua Kijana wa Misri Mohamed Salah kutoka Klabu ya Uswisi, Basle ambae anaungana na mpya mwingine Kiungo Nemanja Matic kutoka Benfica.

Akigusia Mechi kubwa ya Jumatatu ijayo ya Ligi ambayo watasafiri kwenda huko Etihad kucheza na Man City, Mourinho alisema: “Tunataka kucheza na City tukiwa tuna ushindani na sio kuwa nyuma Pointi 10.”

RATIBA MECHI ZIJAZO:

Jan 29: Chelsea V West Ham [Ligi]

Feb 3: Man City V Chelsea [Ligi]

Feb 8: Chelsea V Newcastle [Ligi]

Feb 11: West Brom V Chelsea [Ligi]

Feb 15: Man City V Chelsea [FA CUP]

Feb 22: Chelsea V Everton [Ligi]

Feb 26: Galatasaray V Chelsea [UCL]

Akiigusia Mechi yao na West Ham, Mourinho alikiri itakuwa ni Mechi ngumu kwao na pia watamkosa Straika wao Fernando Torres ambae ameumia lakini Mourinho ameonyesha imani yake kubwa kwa Samuel Eto'o hasa baada kupiga Hetitriki walipoichapa Man United Bao 3-1 Jumapili iliyopita Uwanjani Stamford Bridge.