WANAWAKE WAMESHAURIWA KUGOMBEA NAFASI YA MBALMBALI ZA UONGOZI

 

Na Martha Magessa

Wanawake wameshauriwa kugombea nafasi mbalimbali za uongozi kupitia siasa au serikali za mitaa bila kusubiri nafasi za kuteuliwa.

Mbunge wa viti maalumu mkoani Iringa Lediana Mng'ong'o amesema, wanawake wadumishe umoja na kutumia fursa za kugombea nafasi za uongozi ili kuweza kuzikomboa jamii kwani mwanamke ni nguzo ya taifa.

Mbunge huyo wa viti maalum, amesema hayo katika kikao cha umoja wa wanawake wa Iringa vijijini kupitia chama cha mapinduzi ambapo wamekuwa na umoja wao ambao umekuwa ukisaidia kudumisha amani nchini.

Ameongeza kuwa, licha ya kudumisha umoja wanawake wanatakiwa kutoa ushirikiano kwa kutoa elimu juu ya maambukizi ya virusi vya ukimwi na kupinga unyanyasaji wa kijinsia.

Aidha wanawake hao, wameeleza faida za kujiunga na kikundi cha umoja hao kwani wameweza kusomesha familia zao.

Katika kikao hicho mbunge huyo wa viti maalumu amechangia kikundi hicho cha wanawake shilingi laki tano kwaajili ya kuwaongezea miradi mbalimbali wanawake hao.

Hata hivyo, mwenyekiti  wa UWT Wilaya ya Iringa vijijini kwa niaba ya kikundi cha wanawake hao amesema, wataendeleza umoja huo ili kuweza kulinda taifa na kupingana na wanasiasa wasiotekeleza majukumu yao katika jami