WATU WANNE WAPOTEZA MAISHA IRINGA AKIWEMO MTOTO KUTUMBUKIA KTK NDOO YA MAJI NA KUFA

RPC Mungi 

Watu wanne{4} wamefariki  dunia katika matukio manne tofauti mkoani Iringa akiwemo mtoto wa mwaka mmoja na nusu kufa baada ya kutumbukia katika ndoo ya maji.

Mwandishi  wetu kutoka  Iringa Diana Bisangao anahabarisha  kuwa akizungumza na mtandao huu  ofisini kwake leo, kamanda wa polisi mkoa wa Iringa Ramadhani Mungi alithibitisha kutokea kwa tukio hilo lililotokea mnamo tarehe 29 januari majira ya saa 9:00 kamili mchana maeneo ya Ugele  kata ya  mtwivila manipaa ya Iringa .

Alimtaja mtoto huyo aliyejulikana kwa jina Neema Lukosi na kusema kuwa alikuwa anacheza karibu na ndoo yenye maji hadi kufikia hatua ya kuingia kwenye ndoo hiyo ambapo maji yalimzidi nguvu hadi kufa papohapo.

Mungi alisema kuwa chanzo kifo cha mtoto huyo ni uzembe wa mzazi wake kushidwa kumwangalia hivyo kuwataka wazazi au walezi kuwa makini na watoto wao ili kuwaepushia mambo ya hatari.

Katika tukio linguine huko katika maeneo ya Kata ya Malenga Makali tarafa ya Ismani Iringa vijijini , Hilda Mzena (36) ambaye ni mkulima alifariki dunia baada ya kuuliwa na mtu mmoja jina John Mgoni kwa kukatwa na kitu chenye ncha kali sehemu mbalimbali za mwili wake huku chanzo kikiwa ni wivu wa kimapenzi na mtuhumiwa anatafutwa na polisi.

Wakati huohuo huko maeneo ya Kijiji cha Igunga kata ya Ilula wilaya ya Kilolo mtu anaejulikana kwa jina la Hamis Govela (57) alifariki dunia baada ya kujinyonga kwa kutumia kamba ya koti lake.

Na  tukio lingine Erasto Ilomo (35) alifariki dunia baada ya kuanguka njiani akiwa anatembea

Kamanda Mungi alisema kuwa Tukio hilo lilitokea maeneo ya magari mabovu kata ya kitanzini manispaa ya Iringa na kuongeza kuwa mtu huyo alidondoka ghafla na kufa hapohapo na jeshi lapolisi linaendelea na uchunguzi ili kufahamu chanzo  cha kifo chake.