JOSE MOURINHO: ‘WEST HAM INA STAILI YA KARNE YA 19!’

>>JOSE AKASIRISHWA KUGANGAMALA KWA WEST HAM!!  

>>BIG SAM: “HAKUBALI, TUMEMSHINDA MBINU!!”!

Jose Mourinho ameishutumu West Ham kwa kucheza ‘Soka la Karne ya 19’ baada ya kuibana Chelsea Jana Usiku huko Stamford Bridge na kutoka Sare ya 0-0 kwenye Mechi ya Ligi Kuu England na kuwabakisha Nafasi ya 3.

Chelsea walikuwa na Mashuti 39 Golini na West Ham, waliojihami muda mwingi wa Mchezo, wakiwa na Shuti 1 tu.

Jose Mourinho, akikerwa baada ya Mechi, alisema: “Hii si Ligi bora, hili ni Soka la Karne ya 19!”

Aliongeza: “Kitu pekee ningeweza kufanya ni kuja na Msumeno wa ‘Black and Decker’ kupasua Ukuta!”

Ingawa Chelsea walikuwa na Mashuti mengi Golini, lakini ni 9 tu yalilenga Goli na Kipa wa West Ham, Adrian, aliokoa Mipira mitatu tu toka kwa John Terry, Samuel

Eto'o na Frank Lampard huku Oscar na Demba Ba, alietokea Benchi, wakizuiwa na Posti.

DONDOO MUHIMU:

-West Ham wamemudu kutofungwa Bao katika Mechi 10 za Ligi wakiungana na Arsenal kwa Rekodi hiyo!

Jaribio pekee la West Ham Golini lilikuwa Kichwa cha James Tomkins kuokolewa na Kipa Petr Cech..

Mourinho alizidi kulalamika: “Ni ngumu kucheza Soka wakati Ni Timu moja tu inayotaka kucheza!”

Lakini Meneja wa West Ham, Sam Allardyce, ambae Timu yake bado ni moja ya Timu 3 za Mkiani, alijibu: “Hakubali, hawezi? Hakubali kwa sababu tumemshinda mbinu- hawezi kumudu! Mwache aseme lolote sisi hatujali! Napenda kuwaona Wachezaji wa Chelsea wakilia kwa Refa, wakijaribu kumtisha, Jose akirukaruka pembeni na kusema tunacheza Soka bovu!”

Big Sam, kama anavyoitwa Sam Allardyce, alibainisha kuwa mbinu yao kubwa ilikuwa ni kwenye Sehemu mbili, ya kwanza ikiwa ni kuwazuia Hazard, Oscar, Willian na Eto'o kufunga na nyingine ni kuwabana Chelsea wasifunge kwenye ‘Mipira iliyokufa.’

LIGI KUU ENGLAND

MSIMAMO:

NA	TIMU	P	W	D	L	F	F	GD	PTS
1	Man City	23	17	2	4	68	26	42	53
2	Arsenal	23	16	4	3	45	21	24	52
3	Chelsea	23	15	5	3	43	20	23	50
4	Liverpool	23	14	4	5	57	28	29	46
5	Tottenham	23	13	4	6	30	31	-1	43
6	Everton	23	11	9	3	35	24	11	42
7	Man United	23	12	4	7	38	27	11	40
8	Newcastle	23	11	4	8	32	28	4	37
9	Southampton	23	8	8	7	31	27	4	32
10	Aston Villa	23	7	6	10	26	32	-6	27
11	Swansea	23	6	6	11	29	33	-4	24
12	Norwich	23	6	6	11	18	35	-17	24
13	Hull	23	6	5	12	22	29	-7	23
14	Crystal Palace	23	7	2	14	15	31	-16	23
15	West Brom	23	4	10	9	27	33	-6	22
16	Stoke	23	5	7	11	22	37	-15	22
17	Sunderland	23	5	6	12	22	36	-14	21
18	West Ham	23	4	7	12	22	33	-11	19
19	Fulham	23	6	1	16	22	50	-28	19
20	Cardiff	23	4	6	13	17	40	-23	18

RATIBA MECHI ZIJAZO:

[Saa za Bongo]

Jumamosi Februari 1

15: 45 Newcastle v Sunderland

15: 45 West Ham v Swansea

18:00 Cardiff v Norwich

18:00 Everton v Aston Villa

18:00 Fulham v Southampton

18:00 Hull v Tottenham

18:00 Stoke v Man Utd

Jumapili Februari 2

16:30 West Brom v Liverpool

19:00 Arsenal v Crystal Palace

Jumatatu Februari 3

23:00 Man City v Chelsea