UHAMISHO: ODEMWINGIE, JONES WABADILISHANA KLABU!

STRAIKA wa Cardiff City anaetoka Nigeria, Peter Odemwingie, amejiunga na Stoke City kwa kubadilishana na Kenwyne Jones, anaetoka Trinidad and Tobago, ambae ameenda Cardiff lakini habari moto zaidi ni ule uwezekano mkubwa wa Kiungo wa Germany Toni Kroos kutua Old Trafford.

SOMA ZAIDI:

PETER ODEMWINGIE AJIUNGA STOKE, KENWYNE JONES ASAINI CARDIFF!

STRAIKA wa Cardiff City anaetoka Nigeria, Peter Odemwingie, amejiunga na Stoke City kwa kubadilishana na Kenwyne Jones, anaetoka Trinidad and Tobago, ambae ameenda Cardiff.

Odemwingie, Miaka 32, amekuwa hajatulia na Cardiff tangu ajiunge nayo mwanzoni mwa Msimu na tangu aje Meneja mpya Ole Gunnar Solskjaer amekuwa hapati namba.

Nae Jones, Miaka 29, amekuwa na mzozo na Stoke City tangu agome kucheza Mechi na Liverpool kitu kilichomfanya Meneja Mark Hughes amtupe nje.

Wakati Odemwingie amesaini Mkataba wa Miezi 18 na Stoke, ule wa Jones na Cardiff haukutangazwa.

Odemwingie, ambae amefunga Bao 2 katika Mechi 17 na Cardiff atangu ahamie kutoka West Brom kwa Dau la Pauni Milioni 2, anaweza kucheza Mechi ya Jumatano ya Ligi dhidi ya Sunderland huko Stadium of Light.

Jones alijiunga na Stoke Agosti 2010 akitoka Sunderland kwa Dau la Pauni Milioni 8 na kuifungia Bao 26 katika Mechi 115.