KESI YA NGONO-RIBERY & BENZEMA, YAFUTWA!!

>>NI KESI YA NGONO NA ‘CHANGU’ CHINI YA UMRI HALALI!

KESI ya Mastaa wa France, Franck Ribery na Karim Benzema, waliokuwa wanashitakiwa kwa kutembea na Changudoa alie chini ya Umri halali, imefutwa hii leo huko Paris, France.

Ribery, Miaka 30, Winga wa Bayern Munich, na Straika wa Real Madrid Benzema, Miaka 26, wote walikanusha Mashitaka kuwa walilipia ngono kwa Mwanadada Zahia Dehar wakati akiwa chini ya Miaka 18.

Wachezaji hao wawili walishitakiwa kwa kutembea na Dehar akiwa na Miaka 16 kwenye Kesi ya Benzema na Miaka 17 kwenye Shitaka la Ribery.

Huko France, Kisheria, ngono na Msichana alie zaidi ya Miaka 15 ni halali lakini kulipia ngono kwa Msichana alie chini ya Miaka 18 ni Kosa la Jinai.

Kulipia ngono kwa Msichana alie zaidi ya Miaka 18 ni ruksa.

Kesi iliendelea licha ya Mahakama ya Juu huko France kutoa msimamo kuwa ni wale wanaojua kuwa Msichana yuko chini ya Umrii halali ndio washitakiwe kwa kuvunja Sheria.

Wakati Ribery alikiri kutembea na Dehar lakini hakujua kuwa yuko chini ya Miaka 18, Benzema yeye alikanusha moja kwa moja kuwahi kukutana na Dehar.

Dehar, ambae sasa ana Miaka 21, alitoa Ushahidi kuwa alifanya ngono na Wachezaji hao na kulipwa Fedha baada ya kuwadanganya Umri wake.