MOYES ANAANDAA PAUNI MILIONI 25 KUMNASA KROOS TOKA BAYERN!!

Zipo habari nzito zimeibuka kuwa Kiungo wa Germany, Toni Kroos, yupo tayari kuihama Bayern Munich baada kuvunjika Mazungumzo na Klabu hiyo kuhusu kuboresha Mkataba wake na hili limetoa mwanya kwa Klabu nyingine kumyemelea huku Bayern ikiwa tayari kumuuza ikiwa Dau litafika Pauni Milioni 25.

Toni Kroos amekuwa akiitaka Bayern imlipe Mshahara sawa na Mastaa wengine kama kina Franck Ribbery na madai yake ni kulipwa Pauni 150,000 kwa Wiki ambazo Bayern inatia ngumu kumlipa lakini Manchester United imejitokeza kuwa tayari kumlipa.

Ijumaa iliyopita Meneja wa Man United, David Moyes, alikwenda kumtazama Kroos akiichezea Bayern ilipoifunga Borussia Moenchengladbach 2-0 na kukaribshwa Uwanjani na Wakala wa Kroos, Sascha Breese, na pia kukaa pamoja nae huku wakiongea kwenye Mechi hiyo.

Mkataba wa Kroos na Bayern unamalizika mwishoni mwa Msimu ujao na Mtendaji Mkuu wa Bayern, Karl-Heinz Rummenigge, amekiri kukwama kwa Mazungumzo ya Mkataba mpya kwa vile hawawezi kukidhi matakwa ya Staa huyo wa Germany kwa kuhofia kuleta machafuko miongoni mwa Wachezaji wao kuhusu Vipato.