LIGI KUU ENGLAND: MECHI ZA WIKIENDI

>>FUNGUA DIMBA JUMAMOSI: HULL v CHELSEA!

>>FUNGA DIMBA JUMAMOSI: MAN UNITED v SWANSEA!

SOMA ZAIDI:

+++++++++++++++++++++++

RATIBA:

Jumamosi Januari 11

[Saa za Bongo]

1545 Hull v Chelsea

1800 Cardiff v West Ham

1800 Everton v Norwich

1800 Fulham v Sunderland

1800 Southampton v West Brom

1800 Tottenham v Crystal Palace

2030 Man United v Swansea

+++++++++++++++++++++++

HULL CITY v CHELSEA

-KC Stadium

Hull City wameshinda Mechi moja tu ya Ligi katika 7 na hiyo ni kipondo cha Bao 6-0  walipoitwanga Fulham na wanakutana na Chelsea ambayo Magoli yao hufungwa na Viungo, si Mastraika, huku Oscar, Eden Hazard na Willian, wakiwa hatari ingawa watamkosa Majeruhi Frank Lampard ambae ni Kiungo wao Veterani na mahiri kwa Mabao.

CARDIFF CITY v WEST HAM UNITED

-Cardiff City Stadium

Hii ni Mechi ya kwanza ya Ligi kwa Lejendari wa Manchester United, Ole Gunnar Solskjaer, tangu atwae Umeneja wa Cardiff City Wiki iliyopita ambapo katika Mechi yake ya kwanza kabisa waliifunga Newcastle 2-0 kwenye FA CUP.

Cardiff wanakutana na West Ham ambayo iko mashakani kwa kushinda Mechi moja tu katika 10 na katika Mechi zao mbili zilizopita walibandikwa 5-0 na Nottingham Forest kwenye FA CUP  na kuwashwa 6-0 na Man City kwenye Capital One Cup.

Balaa zaidi kwao ni kuwa wanatinga Mechi hii bila Nahodha wao mzoefu Kevin Nolan ambae yuko Kifungoni kwa Kadi Nyekundu.

EVERTON V NORWICH CITY

-Goodison Park

Norwich hawajashinda katika Mechi 5 za Ligi lakini hawatafurahia kukutana na Everton ingawa Everton haijawafunga tangu 2005.

FULHAM V SUNDERLAND

-Craven Cottage

Hii ni Mechi ya ‘Piga Ua’ kwani Sunderland wako mkiani na Fulham wanahitaji ushindi ili wawe Pointi 5 toka Timu 3 za mkiani.

SOUTHAMPTON V WEST BROMWITH ALBION

-St Mary’s

Timu hizi mbili zimeshinda Mechi 2 tu kati ya Mechi 19 za Ligi walizocheza Msimu huu.

West Brom watakuwa chini ya Meneja wa muda, Keith Downing, ambae pia ni Kocha Msaidizi na ambae amewasaidia kutofungwa katika Mechi 4 za Ligi akikaimu Nafasi hiyo, kwa mara ya mwisho baada kuteuliwa Meneja mpya Pepe Mel kutoka Spain

TOTTENHAM V CRYSTAL PALACE

-White Hart Lane

Tangu Tim Sherwood achukue Umeneja na kumrudisha Uwanjani Emmanuel Adebayor, Tottenham wamekuwa moto kwa kunyakua Pointi 10 katika Mechi za Ligi 4 huku Adebayor akipiga Bao 3.

Katika Mechi ya kwanza ya Ligi Msimu huu, Penati ya Roberto Soldado iliwapa ushindi Tottenham dhidi ya Cardiff.

MANCHESTER UNITED V SWANSEA CITY

-Old Trafford

Hii ni mara ya pili kwa Man United kukutana na Swansea City Uwanjani Old Trafford ndani ya Siku 6.

Swansea walishinda kwa mara ya kwanza kabisa walipoifunga Man United 2-1 kwenye Kombe la FA Jumapili iliyopita lakini pengine Meneja wa Swansea, Michael Laudrup, angependelea Pointi zaidi baada ya kutoshinda katika Mechi 6 za Ligi zilizopita.

Lakini wanakutana na Man United ambayo haijashinda Mechi yeyote kwa Mwaka 2014 baada kuchapwa Mechi zao zote 3 Mwaka huu na ambao wanatarajiwa kuingia na moto mkali.

NEWCASTLE UNITED V MANCHESTER CITY

-St James’ Park

Tangu Manuel Pellegrini atue Manchester City ndio kwanza wameshinda Mechi mbili za Ugenini hivi Juzi na inaelekea wanaweza kushinda Mechi hii kwa vile Newcastle hawajaifunga City tangu 2005.

STOKE CITY V LIVERPOOL

-Britannia Stadium

Liverpool wanaweza kuimarika kwa kurudi kilingeni kwa Straika Daniel Sturridge lakini wana tatizo kubwa la Mechi za Ugenini ambapo wameambua Pointi 4 tu kati Mechi zao 6 zilizopita.

Stoke, ambao walifungwa kwa Bao la Sturridge huko Anfield Mwezi Agosti, hawajafungwa katika Mechi 7 za Ligi za Nyumbani na hawajafungwa na Liverpool wakiwa kwao Britannia kwenye Ligi Kuu kwa kushinda Mechi 3 na Sare 2.

ASTON VILLA V ARSENAL

-Villa Park

Hii ni nafasi murua kwa Arsene Wenger kulipiza kisasi kwa kubamizwa Bao 3-1 kwao Emirates Siku ya ufunguzi wa Msimu mpya wa Ligi Mwezi Agosti.

Straika wa Aston Villa Christian Benteke alipiga Bao 2 katika kipigo hicho cha 3-1 lakini hajafunga Bao katika Mechi 12 za Ligi na hili linachangia Villa kufunga Bao 7 tu katika Mechi zao 10 za Nyumbani.

RATIBA:

[Saa za Bongo]

Jumapili Januari 12

1705 Newcastle v Man City

1910 Stoke v Liverpool

Jumatatu Januari 13

2300 Aston Villa v Arsenal

MSIMAMO:

NA	TIMU	P	GD	PTS
1	Arsenal	20	21	45
2	Man City	20	34	44
3	Chelsea	20	19	43
4	Liverpool	20	23	39
5	Everton	20	13	38
6	Tottenham	20	-1	37
7	Man Utd	20	9	34
8	Newcastle	20	4	33
9	Southampton	20	3	27
10	Hull	20	-3	23
11	Aston Villa	20	-6	23
12	Stoke	20	-11	22
13	Swansea	20	-2	21
14	West Brom	20	-4	21
15	Norwich	20	-16	20
16	Fulham	20	-21	19
17	Cardiff	20	-17	18
18	Crystal Palace	20	-16	17
19	West Ham	20	-11	15
20	Sunderland	20	-18	14