JUAN MATA: CHELSEA YAIKUBALI RASIMI OFA YA MAN UNITED YA PAUNI MILIONI 37!! KUFANYA VIPIMO LEO USIKU

>>LEO KUPIMWA AFYA OLD TRAFFORD, KUSAINI MKATABA MIAKA 4 ½!!

OFA ya Manchester United, inayoaminika kuwa kwenye maeneo ya Pauni Milioni 37, ya kumnunua Juan Mata imekubaliwa na Chelsea.

Kiungo huyo, anaetoka Spain mwenye Miaka 25, atapimwa Afya yake huko Manchester hii leo kabla ya kukamilisha Uhamisho wake.

Mata anatarajiwa kusaini Mkataba wa Miaka minne na nusu na Man United.

Inasemekana Jana, Mata, ambae ameichezea Spain mara 32, aliagana na Wachezaji wenzake wa Chelsea ambako alichezea tangu Mwaka 2011 alipohamia kutoka Valencia ya Spain.

Mata na Chelsea:

-2011-12: Mechi 54 Goli 12 na kutwaa UEFA CHAMPIONZ LIGI, FA CUP

-2012-13: Mechi 64 Goli 20, na kutwaa Europa Ligi

-2013-14: Mechi 17 Goli 1

Hadi sasa Man United imekataa kuthibitisha kutoa Ofa ya kumnunua Mata lakini inaeleweka Ofa hii ilipitishwa mikononi mwa Mawakala.

WASIFU:

Jina: Juan Manuel Mata García

Kuzaliwa: 28 Aprili 1988 (Miaka 25)

Namba ya Jezi: 10

Timu za Vijana

1998–2003   Real Oviedo

2003–2006   Real Madrid

Timu za Kwanza

[Magoli kweye Ligi tu]

2006–2007 Real Madrid B Mechi 39 Goli 10

2007–2011 Valencia Mechi  129 Goli 33

2011– Chelsea Mechi 82 Goli 18

Timu ya Taifa

2004  Spain U16 Mechi 3 Goli 2

2004  Spain U17 Mechi 2 Goli 1

2006–2007 Spain U19 Mechi 13 Goli 12

2007  Spain U20 Mechi 5 Goli 3

2007–2011 Spain U21 Mechi 19 Goli 5

2012  Spain U23 Mechi 4

2009– Spain Mechi 32 Goli 9

Meneja wa Man United, David Moyes, Jana Usiku alipokuwa akihojiwa na Wanahabari mara baada ya Man United kutupwa nje ya Capital One Cup na Sunderland Uwanjani Old Trafford, alikataa kujibu Swali lolote kuhusu Uhamisho huu.

Kabla ya Mahojiano hayo, Wanahabari walitahadharishwa kwamba Moyes atajibu Maswali yanayohusu Mechi na Sunderland tu na alipoulizwa kuhusu Mata, Moyes alijibu: “Hatusemi lolote.”

Ikiwa Dili hii itakamilika, basi itavunja Rekodi ya Man United ya kununua Mchezaji kwa Bei ghali ambayo iliwekwa Septemba 2008 walipomnunua Dimitar Berbatov kutoka Tottenham kwa Pauni Milioni 30.75.