FA CUP: LEO ARSENAL v TOTTENHAM, WENGER AONYA MASTAA WAKE!

>>LEO PIA: ROVERS v CITY, EVERTON v QPR!!

>>JUMAPILI: MAN UNITED v SWANSEA, DERBY v CHELSEA, LIVERPOOL v OLDHAM!!

ARSENE WENGER amewaonya Mastaa wake kutoteleza wakati Tottenham leo watakapotua Uwaja wa Emirates kucheza Mechi ya Raundi ya Tatu ya FA CUP.

Msimu uliopita, Arsenal ilibwagwa nje ya Kombe hili kwenye Raundi ya Tano na Timu ya Daraja la chini, la Championship, Blackburn Rovers.

Huo ulikuwa ni mfululizo wa kubolonga kwa Arsenal na kushindwa kutwaa Kombe lolote tangu Mwaka 2005.

Lakini safari hii, Wenger anaamini Timu yake, ambayo ndio Vinara wa Ligi Kuu England, wanajiamini zaidi na wana ari ya ushindi.

Wenger amesema: “Nimebahatika kushinda FA CUP mara 4 na hii inamaanisha najitahidi kila mara kushinda. Nina nia kubwa kulitwaa tena ingawa ni muda mrefu sasa.”

Aliongeza: “Ukweli, nakumbuka Mwaka Jana tulitolewa tuko Nyumbani na Blackburn, na hilo sio jambo zuri kwetu na lazima tujitahidi kupita. Hatujatwaa Mataji muda mrefu, na hii ni fursa tunayotaka kuikamata!”

Mara ya mwisho kwa Arsenal kutwaa FA CUP ni Mwaka 2005 walipoifunga Manchester United na hilo ndio Kombe lao la mwisho kabisa kutwaa tangu wakati huo.

Ingawa Wenger ana matumaini makubwa lakini hii ni Dabi ya London na lolote linaweza kutokea hasa kwa vile, Tottenham, chini ya Meneja mpya, Tim Sherwood, wapo na morali kubwa hasa baada ya kuwafunga Mabingwa wa England Man United Bao 2-1 Siku ya Mwaka mpya kwenye Mechi ya Ligi.

Ukiondoa Mechi hii ya Arsenal v Tottenham, Raundi ya Tatu ya FA CUP haina Mechi zinazotarajiwa kuwa za vuta nikuvute na Liverpool, Aston Villa na Sunderland zote zinacheza na Timu za Daraja la Tatu, Oldham Athletic, Sheffield United na Carlisle United.

Chelsea wao watakuwa Ugenini kucheza na Derby County ambayo ipo Daraja la chini tu ya Ligi Kuu England, Championship, wakiongozwa na Meneja wa zamani wa England, Steve McClaren.

Man City nao pia wako Ugenini kucheza na Blackburn Rovers.

Mechi ambayo ni kushangaza ni ile kati ya Timu ambayo haipo kwenye Ligi, Macclesfield Town, watakaokuwa Nyumbani kuikaribisha Sheffield Wednesday, inayocheza Daraja la Championship, wakiwa wapo Nafasi 63 juu ya Macclesfield Town katika Mfumo wa Ligi za England.

RATIBA

RAUNDI ya TATU

Jumamosi Januari 4

[Saa za Bongo]

1545 Blackburn v Manchester City

[Zote zinazofuata Saa 1800]

Bournemouth v Burton

Ipswich v Preston

Grimsby v Huddersfield

Brighton v Reading

Everton v QPR

Bolton v Blackpool

Macclesfield v Sheffield Wednesday

Aston Villa v Sheffield United

Norwich v Fulham

Charlton v Oxford United

Wigan v MK Dons

Rochdale v Leeds

Newcastle v Cardiff

Southampton v Burnley

Stoke v Leicester

Doncaster v Stevenage

Kidderminster v Peterborough

West Brom v Crystal Palace

Middlesbrough v Hull

Southend v Millwall

Bristol City v Watford

Yeovil v Leyton Orient

Barnsley v Hartlepool au Coventry

2015 Arsenal v Tottenham

Jumapili Januari 5

1500 Nottingham Forest v West Ham

1700 Sunderland v Carlisle

1715 Derby v Chelsea

1800 Liverpool v Oldham

1800 Port Vale v Plymouth

1930 Manchester United v Swansea

THE FA CUP WITH BUDWEISER

MSIMU 2013-14

TAREHE ZA RAUNDI:

-RAUNDI YA 3: Jumamosi Januari 4 [KLABU ZA LIGI KUU ENGLAND HUANZA]

-RAUNDI YA 4: Jumamosi Januari 25

-RAUNDI YA 5: Jumamosi Februari 15

-RAUNDI YA 6: Jumamosi Machi 8

-NUSU FAINALI: Jumamosi Aprili 12 & Jumapili Aprili 13

-FAINALI: Jumamosi Mei 17