MGOMO WA WAFANYABIASHARA IRINGA WAANZA KUTAFUTIWA UFUMBUZI ,BAADA YA MGOMO WA LEO

  TRA WASEMA WAHAJAMNYANYSA MFANYABIASHARA YETOTE

Meneja  wa TRA Iringa 

WAFANYABIASHARA  mkoani Iringa wafanya mgomo baridi  wa  kufungua maduka yao huku wakipita mitaani kuwafanyia  vurugu wenzao wanaogoma kufunga maduka yao kama sehemu ya hatua ya kuishinikiza serikali kuachana na kuwalazimisha kununua  mashine za kodi za kielektroniki (EFD)

 Hatua  hiyo imepelekea serikali mkoa wa Iringa ikitoa onyo kali kwa  kikundi cha  wafanyabiashara  wanaowafanyia fujo wengine  na kuliagiza jeshi la polisi  kuwakamata .

Akizungumza na  wanahabari   ofisini kwake  mkuu wa mkoa  wa Iringa Dr Christine Ishengoma alisema  wamepata  taarifa  ya  kuwepo kwa  kikundi cha  watu  wachache  ambao  wanawafanyia  vurugu  wenzao ambao  wanataka  kufungua maduka  hayo na tayari msako mkali  umeanza toka  leo  ili  kuwakamata  watu hao.

 

“ mimi  ni mwenyekiti  wa kamati ya ulinzi na usalama  pia  mkoa hivyo sitapenda kuona amani  inavurugwa na  wachache ….pia  tutambue wapo  wenye  mikopo; kwa faida yao, ya jamii na kwa maendeleo ya mkoa wa Iringa naomba warudi kwenye biashara wakati serikali ikichukua kilio chao na kukifanyia kazi,” alisema.

 

Taarifa za wafanyabishara hao ya kufunga maduka yao mpaka pale serikali itakapositisha matumizi ya mashine hizo, ilianza kuenea jana kwa kupitia mitandao ya simu na taarifa kutoka kwa kikundi kinachoendesha kampeni hiyo.

Biashara pekee zilizokuwa zikiendelea kwa jana ni zile za vyakula katika masoko mbalimbali ya mjini Iringa.

 

Huku maduka ya nguo nay ale ya vifaa mbali mbali  yalionekana kufungwa huku bar na  maeneo ya  soko na  vyakula  ndio yalionekana  kufanya kazi .

 

Mwenyekiti wa Chama cha Wafanyabiashara, wenye Viwanda na Kilimo (TCCIA) Mkoa wa Iringa, Lucas Mwakabungu alisema wamepanga kukutana na wafanyabiashara hao saa tisa mchana wa huu ili kuwashauri wasiendelee na mgomo.

 

“Tunachukua kero yao na tunawaahidi tutakaa meza ya pamoja na serikali ili tufikie muafaka; mfanyabishara nayajua umuhimu wa mzunguko wa fedha yake hatakiwa kupoteza mapato kwa migomo kama hii,” alisema.

 

Hata  hivyo alisema  kuwa  mgomo  huo  ni batili kwani hauna  baraka  za  TCCIA mkoa  wa Iringa na  kuungana na  serikali ya  mkoa  kutaka  wahusika wa mgomo  huo kusakwa .

Wakizungumzia  mgomo huo wafanyabiashara  Sara  Sanga na Boniface Bukuku walisema wao ni  mmoja wa wafanyabishara wa vitu vya urembo pia  wanatakiwa kununua mashine hizo.

 

Alisema Bukuku  kuwa kwa mwaka amekadiriwa kulipa kodi ya Sh 574,000 kwa mwaka akiweka na mashine hiyo atalazimika kulipa fedha nyingi zaidi TRA,” alisema.

 

Akitoa mfano alisema kama mapato yake kwa mwezi ni Sh Milioni 2, atatakiwa kulipa wastani wa Sh200,000 kila mwezi kama kodi ya ongezeko la thamani (VAT).

 

“Kwahiyo kwa mwaka nitatakiwa kulipa Sh Milioni 2.4 pamoja na makadiro ya kodi ya Sh 574,000, jumla natakiwa kulipa kiasi kinachokaribia Sh Milioni 3,” alisema.

 

Alisema kiasi hicho cha kodi ni nje ya kodi ya pango, mishahara ya wafanyakazi na huduma zingine za uendeshaji.

 

Huku  Bi  sanga  akiadai kuwa  TRA mkoa  wa Iringa imekuwa ikiwanyanyasa  kwa kuwataka  kununua mashine hiyo  na  kuwa  wameamua  kufunga  kutokana na kubanwa kununua mashine hizo bila ya  kuwa na  elimu ya matumizi yake.

 

Mbali ya idadi  kubwa ya  wafanyabiashara  kugoma  ila baadhi yao   walidai kuwa wanalazimishwa kugoma japo  wapo  tayhari  wamenunua mashine  hizo na kuiomba serikali  kuwawekea ulinzi ili leo  waweze  kufungua maduka yao .

 

Meneja  wa TRA mkoa wa Iringa  Rosalia Mwenda  alisema  kuwa  ofisi yake imeendelea kutoa elimu kwa wafanyabiashara  hao  ikiwa ni  pamoja na kutoa elimu kupitia  semina mbali mbali  na kamwe haijapata  kuwanyanyasa  wafanyabiashara  hao.

 

Hata  hivyo  alisema  kuwa hakuna  atakayewafungia  biashara  kwa sasa  bila ya  kuwaandikia barua  na  kuwataka  wafanyabiashara  hao kwa wale wasio na elimu ya mashine  hizo kufika ofisini kwake .