 |
| Bw Mario Kihongo katibu uchumi ,mipango na fedha (CCM) kata ya Maboga Mheshimiwa Mbunge Dr Wiliam Mgimwa enzi za uhai wake alikuwa karibu sana na wananchi na hata maisha aliyopata kuishi ni tofauti na viongozi wengine katika serikali hii ya rais Jakaya Kikwete. "Natambua ni mapenzi ya Mungu ila kweli tulimpenda sana mbunge wetu alikuwa ni mtu wa kujishusha asiyependa kujilimbikizia mali zaidi ya kuwatumikia wananchi ....kweli kifo chake ni pigo kubwa na hatujui kama tutakuja kumpata kiongozi anayefanana na Dr Mgimwa katika jimbo la kalenga" Alikuwa ni kiongozi wa kushirikiana vema na wananchi wake katika shida na raha mfano kata yetu ya Maboga mheshimiwa Dr Mgimwa ametusaidia mnala wa simu kata ya Maboga na alikuwa si wa kujisikia kweli kifo chake kimetugusa sana kweli hatuna la kusema ni Mungu ndie anajua . Hata hivyo alisema ni pengo kubwa ambalo wamelipata na hadi sasa hawajui ni nani wa kuliziba pengo hilo na jimbo hilo la kalenga limepata kuwa na wabunge zaidi ya watatu ila ni yeye pekee ndie aliyepata kutengeneza miundo mbinu katika maeneo mengi ya jimbo. Katika uadilifu kweli ushahidi upo wazi kutokana na mazingira ya nyumbani kwake Magunga ambapo nyumba yake ni ya kawaida sana ukilinganisha na nyumba za wananchi wa kawaida na ni vigumu kuamini kama hapa ndipo nyumbani kwa waziri wa fedha ama mbunge kwani alikuwa mwadilifu kama hayati baba wa Taifa Mwalimu Julius K. Nyerere kwa kuwajali wananchi kwanza kuliko yeye na familia yake. |
 |
| Dismas Mbwela binam wa Dr Mgimwa .................................................................................................................... Dr Mgimwa alikuwa ni mtu wa maendeleo na alikuwa habagui na kitu akisema alikuwa akikitekeleza na pale inaposhindikana alikuwa akirudi na kutueleza ukweli kuwa imeshindikana na kutoa sababu za kushindikana tofauti na viongozi wengine ambao hupenda kusema uongo hata pale inaposhindikana kutimiza ahadi zao Kweli katika familia yetu alikuwa ni mlezi wa kweli asiyembagua mtu na siku zote alikuwa ni mshauri wa familia na hata akirejea kutoka bungeni alikuwa akiishi kijijini tofauti na wabunge wengine ambao wamekuwa wakiishi mbali na wapiga kura wao. |
 | ||||||||||||||||||||||||||||||||||||||
| Bw Martine Simangwa aliyekuwa katibu wa mbunge Dr Wiliam Mgimwa . ............................................................... Aliyekuwa katibu wa mbunge Dr Mgimwa Martine Simangwa alisema kuwa katika uhai wake mbunge huyo alikuwa akitaraji kuanza kutimiza ahadi zake ambazo alipata kuwaahidi wananchi hasa ile ya kusambaza mabati katika shule za msingi na sekondari. Simangwa alisema walitegemea kugawa bati zaidi ya 1170 katika shule na idara ya afya na kuwa bati hizo alipanga kuzifanya ndani ya wiki mbili zijazo na siku zote alisisitiza kuwa lazima atimizi ahadi hiyo ya mabati . " Mimi kama katibu wake na niliyefanya nae kazi kwa karibu zaidi nitaendelea kukumbatia urithi pekee alioniachia mimi na wana Kalenga ambapo mara kwa mara alisema kuwa ili nchi na wananchi waweze kusonga mbele katika uchumi ni lazima kupata elimu bora na kujiendeleza kwa elimu " Alisema kuwa moja kati ya mambo ambayo alijipanga kuyamalizia kutekeleza kabla ya mwakani wakati wa uchaguzi mkuu ni pamoja na kuendelea kumalizia viporo vya ahadi zake katika sekta ya elimu, afya , miundo mbinu na baadhi ya maeneo kutatua kero ya maji na kila wakati hata akiwa Afrika ya kusini katika matibabu pindi wanapofanya mawasiliano alikuwa ni mtu mwenye kupenda kurejea ili kuendelea na ziara ya kutekeleza ahadi zake kwa wananchi wa jimbo la Kalenga.
TANZIA
WAKUU
WA IDARA/VITENGO
WATUMISHI
WOTE
WIZARA
YA FEDHA
TUNASIKITIKA KUTANGAZA
KIFO CHA WAZIRI WA FEDHA MHE. DKT.
WILLIAM A. MGIMWA (MB) KILICHOTOKEA TAREHE 01 JANUARI, 2014 HUKO AFRIKA
KUSINI, KATIKA HOSPITALI YA KLOOF MEDI – CLINIC, PRETORIA.
MWILI WA MAREHEMU UNATARAJIA KUWASILI SIKU YA JUMAMOSI TAREHE 04/01/2014 NA UTASAFIRISHWA KWENDA
MKOANI IRINGA SIKU YA JUMAPILI TAREHE 05/01/2014
KWA MAZISHI.
MUNGU AILAZE ROHO YA MAREHEMU
MAHALI PEMA PEPONI. AMEN
2
JANUARI, 2014
OFISI
YA WAZIRI MKUU
RATIBA
YA MAZISHI YA ALIYEKUWA WAZIRI WA FEDHA
DKT.
WILLIAM A. MGIMWA
|
0 comments:
Post a Comment