WAPATA AJALI MBAYA WAKIUKARIBISHWA MWAKA 2014 IRINGA

Ndugu  wa Joseph Nyogele  kulia wakimjulia hali katika Hospital ya  Rufaa ya mkoa  wa Iringa  leo 

MAJANGA  yatokea  mwaka mpya mkoa  wa Iringa  baada ya dereva  boda  boda  mmoja  mjini  Iringa kuvunjika mguu na  abiria  wake kujeruhiwa  vibaya  wakati   wakisherekea mwaka mpya  2014.

Majanga  hayo  yametokea  usiku  wa january  1 mwaka  2014  ikiwa ni dakika 20  baada ya kuuaga mwaka  2013  na kuukaribisha  mwaka  2014.

Mashuhuda wa  tukio hilo  walisema  kuwa  dereva boda boda  huyo akiwa katika mwendo mkali na abiria  wake  walikuwa wakitokea  mjini Iringa  kuelekea Ilala na  baada ya  kufika eneo la Mlyuka   walijikuta  wakipata  majanga  haya baada ya  gari aina ya  Tx yenye  namba  T  397 AEZ  kuhama upande  wake na kuwavaa  watu hao ambao  walikuwa katika boda boda.

 mashuhuda  hao walisema  kuwa ajali  hiyo ilitokea majira ya saa 6.20  usiku  wa kuamkia  leo   na kuwa canhazo cha ajali hiyo ni dereva  wa  taxi hiyo ambayo pia alikuwa katika harakati  za  kusherekea mwaka 2014  .

Akizungumza kwa shida  akiwa katika hospitali ya  rufaa ya mkoa  wa Iringa dereva  wa  boda boda  hiyo Bw  Joseph Nyogele  alisema  kuwa akiwa katika harakati za kuikwepa Taxi hiyo alijikuta akigongwana  kuvunjika mguu wake  wa  kushoto  huku abiria  wake  akipoteza fahamu.

Kamanda   wa polisi mkoa  wa Iringa  Ramadhan Mungi  alithibitisha  kutokea kwa ajali hiyo na kuwa mbali  ya  ajali  hiyo wakati  wa mkoa  wa  Iringa wameuaga mwaka 2013 na kuukaribisha mwaka  2014  kwa amani na utulivu na kuwa  hakuna  vurugu  zilizojitokeza  wakati  wa mkesha  huo .

Alisema  kuwa  wananchi  waliheshimu  agizo la  jeshi la  polisi katika kuwataka  kutofanya vurugu na  kuwa  hakuna  vurugu zilizojitokeza na hakuna  eneo ambalo  wananchi  walichoma mataili .

 Afisa  muunguzi  wa  zamu katika Hospital  hiyo ya  Rufaa ya mkoa  wa  Iringa  Eda  Sanga alisema  kuwa  mwendesha boda boda  huyo Nyogele  alivunjika  mguu wake  wa kushoto na kuwa  mguu huo umekatwa na  sasa hali  yake  inaendelea vema  huku abiria  wake  ametibiwa na kuruhusiwa .

wakati  huo huo Sanga alisema kuwa   jumla ya  watoto 13  wamezaliwa  wakati wa mkesha wa  mwaka mpya na kuwa kati ya watoto hao  7 ni  wa kiume na watano wa kike na watoto  watatu kati yao  wamezaliwa kwa njia ya upasuaji na   mama  zao  wanaendelea  vizuri .