MABASI YAENDAYO KASI NI UFUMBUZI SAHIHI WA FOLENI JIJINI DAR ES SALAAM

                   Mwandishi ,Kenneth John wa    ,Dar

Tatizo  la  foleni  za  magari   barabarani  jijini  Dar  es  es  salaam   ni   kikwanzo  kikubwa  sana  kwa  wakazi  waishio  jijini  humo  kwa  muda  mrefu  sasa,Na  mbaya  zaidi  foleni   hizo  zimekuwa  zikikwamisha  shughuli  nyingi  za  kiuchumi  na  kibiashara  kwa  wakazi  wa  jiji  hilo  na  hata    kuhatarisha  kuvunja  ndoa  za   watu,  au  kuvunja  kabisa.Swala  ambalo   linachangia    kusababisha    uchumi  wa  mtu  mmoja  mmoja  na  Taifa  kwa  ujumla  kuzidi   kudidimia  siku   hadi    siku .

Lakini  serikali  imekuwa  ikijaribu   njia  mbalimbali  katika  kukabiliana  na  tatizo  hili, ikiwemo   pamoja  na  kuweka  mataa    sehemu  nyingi  za  makutano   ya   barabara ,  na   mara  nyingine  hata  kusambaza  askari  wa  barabarani  sehemu  hizo  za  makutao  ya  barabara  hususani  nyakati  za  asubuhi  na  jioni,  huku  wakiamini  kuwa  kwa  kufanya  hivyo   inaweza  kusaidia  kwa  kiasi  fulani  kupunguza  foleni  hizo  au  hata  kufanya   tatizo  hilo  kuisha  kabisa. Lakini  pamoja  na  jitihada  zote  hizo  tatizo  hilo  limekuwa  likiendelea  kukithiri  siku  hadi  siku.

Na  baada  ya  jitihada  zote  hizo  na  mbinu  mbalimbali  katika  kutatua  tatizo  la  foleni  za  magari  jijini. Serikali  sasa  ikaamua  kuja  na  njia  nyingine   mbadala  ambayo  inadhaniwa  labda  itakuwa  ni    muarobaini  wa   tatizo   hilo  la   foleni  za  barabarani  na  kufanya  kuwa  historia.

Mnamo  Septemba  9, 2012   Rais  wa  jamhuri  ya  muungano  wa  Tanzania  mheshimwa  Jakaya  Mrisho  Kikwete  aliweka  jiwe   la  msingi  kwenye  kituo  kikubwa  cha  mabasi  ya  mradi  wa  usafiri  wa  haraka  Dar  es  salaam  (DART)  Na  kitendo  hicho  kilidhihirisha  kuwa  mpango  huo  wa  ujenzi wa  mabasi  yaendayo  kasi  umeanza  rasmi.

Mradi   huo  ambao  utakuwa  na  mtandao  wa  barabara   zenye   urefu   wa   kilomita   137,  ambao   unajengwa   kwa   awamu   sita   hadi  kukamilika     kwake,   na  taarifa zinasema  kuwa  mradi   utakuwa   na njia   maalum   ya   kupita   mabasi   yenye   urefu   wa   kilomita   21, maegesho   matatu   ya   mabasi   (bus depots)   mbili   yaani   moja Ubungo   na   nyingine   Jangwani,   vituo   vikuu   vitano  ambavyo vitakuwa   Kivukoni,   Kariakoo,   Morocco,  Ubungo   na   Kimara,   na vituo   vidogo   29   ambavyo   vitajengwa   kila   baada   ya   nusu kilomita.  Mradi   unatarajia   kukamilika   na  kufunguliwa   rasmi   mwanzoni  mwa   mwaka   2015,   ambapo   inakadiliwa   kiasi   cha  Sh. bilioni 240.879   kitatumika    hadi   kakamilika  kwake,  ambapo  kwa  kukamilika  huko   watanzania   na   wakazi  wa  jiji  hilo  wanataraji,  itakuwa  ni  auheni  katika shughuli  zao  za   kila  siku,   kwani  waliowengi  wataanza  kufanya  kazi  kwa  wakati ,  kwani   watakuwa  wakifika  sehemu  zao  za  kujipatia  mkate  wao  wa  kila  siku  mapema  zaidi  tofauti  na  ilivyo  sasa,

Na   hii  pengine  inaweza  kuwa  chachu  ya  kuongeza  hata  vipato  vya  wakazi  wengi    wa  jiji  hili  japo  kwa  asilimia  chache.

Na  sasa  watu  waliowengi  wamekuwa  na   shahuku  kubwa  ya  kutaka  kujua  endapo  kweli  mradi   huo  wa   mabasi  yaendayo   kasi,  kama  utakuwa   ni  suluhisho   la  kweli  na   kamili  la  tatizo  la  foleni  katika  jiji  la  Dar  es  salaam.

Hivyo  basi  serikali  na  mamlaka  husika inabidi  kuhakikisha  kuwa ,  hawawaangushi  na  itakata  kiu  kwa   wananchi  kupitia   mradi  huo  unaoendelea, Na    umma  wa   watanzania  unaamini   kukamilika  kwa  ujenzi  huo  kweli  ktakuwa  suluhisho  la  foleni  za  magari  jijini  dar  es  salaam, kwani  ni  ukweli  kwamba  macho  ya  watanzania  wote  kwa  sasa  yapo  katika  kutazama  ujenzi  huo,  na   wakazi  wa  jiji  hilo  kwasasa wanavumilia  adha  kubwa  wanayoipata  ikiwa  ni  pamoja  na  foleni  kuongezeka  mara  dufu  kutokana  na  ujenzi  huo  kuendelea  lakini  mioyo   yao   na  nafsi   zao  zikiamini  kuwa  mwisho  wa  siku  watanufaika  na  mradi  huo..