AGUERO FITI, ADAI: ATAKUWA FITI KABISA KUIVAA BARCA FEBRUARI 18 ETIHAD!!

STRAIKA hatari wa Manchester City, Sergio Aguero, ametoboa kuwa bado hajawa fiti licha ya Jana kurudi Uwanjani baada kupona tatizo la Mguu na kufunga Bao Sekunde 50 tu tangu aingizwe walipoinyuka Blackburn Rovers Bao 5-0 kwenye Mechi ya Marudiano ya FA CUP Uwanjani Etihad.

Aguero amedai ataendelea kujijenga baada kuwa nje ya Uwanja na kuzikosa Mechi 8 na anategemea kuwa fiti kabisa wakati Barcelona watakapotua Etihad hapo Februari 18 kucheza Mechi ya Kwanza ya Raundi ya Mtoano ya Timu 16 ya UEFA CHAMPIONZ LIGI.

Man City hawajafungwa katika Mechi 16, wakiwa wameshinda Mechi 14, na kupachika Jumla ya Bao 99.

Aguero, Raia wa Argentina mwenye Miaka 25, akiongea na City TV, Kituo cha TV cha Man City, alitamka: “Nimefurahi kwa kurudi. Nilifanya Mazoezi na Timu Jumatatu kwa mara ya kwanza na kucheza Mechi ya kwanza. Pengine baada ya Wiki ntarudia fomu yangu na kadri ntakavyocheza ndio ntajijenga. Dhidi ya Barca ntakuwa tayari.”

Aguero amesema anategemea kupata nafasi ya kucheza kwenye Mechi ya Ligi ya Jumamosi Uwanjani Etihad na Cardiff City.

Hadi sasa, Man City wameshinda Mechi zao zote 10 za Ligi Uwanjani kwao Etihad na kufunga Jumla ya Bao 38.

Man City wapo Nafasi ya Pili kwenye Msimamo wa Ligi wakiwa Pointi 1 tu nyuma ya Vinara Arsenal.

MSIMAMO:

NA	TIMU	P	GD	PTS
1	Arsenal	21	22	48
2	Man City	21	36	47
3	Chelsea	21	21	46
4	Liverpool	21	25	42
5	Everton	21	15	41
6	Tottenham	21	1	40
7	Man United	21	11	37
8	Newcastle	21	2	33
9	Southampton	21	4	30
10	Hull	21	-5	23
11	Aston Villa	21	-7	23
12	Stoke	21	-13	22
13	Swansea	21	-4	21
14	West Brom	21	-5	21
15	Norwich	21	-18	20
16	Fulham	21	-24	19
17	West Ham	21	-10	18
18	Cardiff	21	-18	18
19	Sunderland	21	-15	17
20	Crystal Palace	21	-18	17

RATIBA:

[Saa za Bongo]

Jumamosi Januari 18

1545 Sunderland v Southampton

1800 Arsenal v Fulham

1800 Crystal Palace v Stoke

1800 Man City v Cardiff

1800 Norwich v Hull

1800 West Ham v Newcastle

2030 Liverpool v Aston Villa

Jumapili Januari 19

1630 Swansea v Tottenham

1900 Chelsea v Man United

Jumatatu Januari 20

2300 West Brom v Everton

Jumanne Januari 28

2245 Man Utd v Cardiff

2245 Norwich v Newcastle

2245 Southampton v Arsenal

2245 Swansea v Fulham

2300 Crystal Palace v Hull

2300 Liverpool v Everton

Jumatano Januari 29

2245 Aston Villa v West Brom

2245 Chelsea v West Ham

2245 Sunderland v Stoke

2245 Tottenham v Man City