VPL: SIMBA YANUSURIKA KWA MTIBWA SUGAR >>SARE YAIPANDISHA SIMBA NAFASI YA 3!

>>COASTAL SARE TENA HUKO MBEYA, ASHANTI YASHINDA!

MATOKEO:

Jumatano Februari 5

Mtibwa Sugar 1 Simba 1

Tanzania Prisons 0 Coastal Union 0

Rhino Rangers 2 JKT Oljoro 2

JKT Ruvu 0 Ashanti United 1

Huko Morogoro, kwenye Mechi ya VPL, Ligi Kuu Vodacom, Simba iliponea chupuchupu kufungwa na Mtibwa Sugar na kulazimisha Sare ya Bao 1-1.

Mtibwa Sugar walitangulia kufunga katika Dakika ya 8 kwa Bao la Mchezaji wa zamani wa Simba, Mussa Hassan Mgosi, na Simba kusawazisha Kipindi cha Pili kwa mashine yao ya Magoli, Amis Tambwe, kufunga Dakika ya 50.

Mtibwa walipata dosari kubwa katika Dakika ya 69 kwa Nahodha wao Shaban Nditi kupewa Kadi Nyekundu na Refa Deonisia Kyura kwa kumkashifu Refa huyo.

Matokeo haya yamewanufaisha kidogo Simba kwa kufungana kwa Pointi na Mbeya City lakini wao kukamata Nafasi ya 3 kwa ubora wa Magoli na sasa wako Pointi 4 nyuma ya Yanga walio Nafasi ya Pili na 5 nyuma ya Vinara Azam FC.

Katika Mechi nyingine za VPL zilizochezwa Leo, huko Uwanja wa Sokoine Jijini Mbeya, Tanzania Prisons na Coastal Union zilitoka Sare ya 0-0, na Ashanti United ikicheza Ugenini Uwanja wa Azam Complex iliifunga JKT Ruvu Bao 1-0 wakati Rhino Rangers na JKT Oljoro, zikicheza huko Tabora, zilitoka Sare ya Bao 2-2.

MSIMAMO:

NO	TEAMS	P	W	D	L	GF	GA	GD	PTS
1	Azam FC	16	10	6	0	29	10	19	36
2	Young Africans	16	10	5	1	34	12	22	35
3	Simba SC	16	8	7	1	33	14	19	31
4	Mbeya City	16	8	7	1	22	13	9	31
5	Mtibwa Sugar	16	5	7	4	20	19	1	22
6	Kagera Sugar	16	5	6	5	15	15	0	21
7	Coastal Union	16	3	10	3	11	8	3	19
8	Ruvu Shootings	14	4	6	4	16	16	0	18
9	JKT Ruvu	15	6	0	9	13	19	-6	18
10	Ashanti United	16	3	4	9	14	28	-14	13
11	Rhino Rangers	16	2	6	8	11	20	-9	12
12	JKT Oljoro	16	2	6	8	12	17	-5	12
13	Tanzania Prisons	14	1	7	6	6	16	-10	10
14	Mgambo JKT	15	2	3	10	7	26	-19	9

RATIBA MECHI ZIJAZO:

Jumapili Februari 9

JKT Oljoro v Kagera Sugar

Rhino Rangers v Coastal Union

Mbeya City v Mtibwa Sugar

JKT Ruvu v Ruvu Shooting