RADI YAUA WANAFUNZI WAWILI WA SEKONDARI MKOANI RUKWA

Hii ni picha ya baadhi ya wanafunzi ila picha hii hauhusiani na habari  hii picha na maktaba

Wanafunzi wawili wa Kidato cha Pili katika Shule ya Sekondari ya Mangwe wilayani Kalambo huko mkoani Rukwa wamefariki dunia huku mmoja akijeruhiwa baada ya kupigwa na radi siku ya Jumanne mchana, baada ya mvua kunyesha kwa muda wa saa moja ikiambatana na ngurumo ma radi

Mwenyekiti Kamati ya wa Ulinzi na Usalama ambaye pia ni Mkuu wa Wilaya hiyo Moshi Chang’a amewataja marehemu kuwa ni Hadija Simuyeba na Elisia Soteli huku aliyeachwa na majeruhi ni Helena Kalunguzi.

Wanafunzi hao walikumbwa na janga hilo walipokuwa wamejipumzisha ndani ya bweni baada ya vipindi vya masomo ya asubuhi. Majeruhi anaendelea vizuri kituo cha afya Mwindi, huku jitihada zikifanywa ili ahamishiwe katika hospitali ya mkoa kwa tiba zaidi.