KIUNGO WA ARSENAL AARON RAMSEY ATEMBELEA KENYA

NAIROBI, Kenya
KIUNGO wa Arsenal Aaron Ramsey, ametembelea nchini Kenya kufuatia kumalizika kwa msimu wa 2012-2013 wa Ligi Kuu ya England.

Kwa mujibu wa mtandao wa Supersport.com uliofanya mahojiano na mchezaji huyo wa kimataifa wa Wales akiwa nchini humo, Ramsey alikutana na watu mbalimbali wakiwamo watoto.

Baadhi ya maswali ambayo Supersport.com ilimuuliza Ramsey, kwa nini mwaka 2007 aliichagua Gunners kati ya timu nyingi zilizokuwa zinafuatilia saini yake, ikiwemo Newcastle United, na Manchester United.

Ramsey alijibu kuwa anaipenda Arsenal FC kwa jinsi ilivyo.
“Sera yao ya kukuza vipaji vya wachanga ni muhimu sana kwangu na ilichangia sana mimi kujiunga na klabu hiyo", alisema.