WADAU WA SOKA NA KUDIWA KWA DENI LA TFF LA MWAKA 2011

WADAU wa soka wamelitupia lawama Shirikisho la Soka Tanzania (TFF) kuwa ni aibu kwa chombo hicho kufuga madeni hadi mali zake kutaka kukamatwa.

Kauli za wadau zimekuja siku moja baada ya Kampuni ya Udalali ya Flamingo Auction Mart kupewa idhini na Mahakama ya Hakimu Mkazi Kinondoni kukamata magari mawili ya shirikisho hilo kufidia deni la sh mil. 51 zinazodaiwa na Safina Holding Campany.

Wakizungumza kwa nyakati tofauti jana, Frederick Mwakalebela aliyewahi kuwa Katibu Mkuu wa Shirikishio hilo, amelitupia lawama shirikisho hilo na Baraza la Vyama vya Soka Afrika Mashariki na Kati (Cecafa) wenye mamlaka na michuano hiyo ya Chalenji.

Hata hivyo, Mwakalebela alielekeza lawama kwa Cecafa akisema wakiwa waandaaji wa michuano hiyo, walipaswa kutoa sapoti kumaliza deni hilo badala ya kuwa mzigo kwa mwejeji, TFF.

Mwakalebela alisema hata kama Cecafa wakishindwa kutoa sapoti, ni bora kwenye mgao wa uwanjani likatolewa fungu kulipia madeni kama hayo.

Naye Katibu Mkuu wa Simba, Selestine Mwesigwa, akisema kitendo hicho ni aibu kwa shirikisho hilo kwani tahadhari ilipaswa kuchukuliwa kabla ya hali haijafikiwa hatua hiyo.

Alisema inashangaza kuona deni hilo linadumu kwa miaka mitatu pale michuano hiyo ilipofanyika chini ya udhamini wa bia ya Tusker.

Mwesigwa alisema ni aibu ya kujitakia kwa TFF na haitoi picha nzuri kwa klabu ambazo ziko chini yake.

Aidha Mwesigwa aliongeza kuwa ni wakati wa TFF kuwa makini katika mambo yake kwani ni muda mrefu tangu kwisha kwa chalenji ya mwaka 2011.

Katibu Mkuu wa TFF, Angetile Osiah, alisema jana deni hilo lilitokana na gharana za malazi kwa waamuzi wa michuano ya chalenji.