Ndugu kuvaana fainali za Tennis,Marekani

Venus Williams

Mcheza tennis wa Marekani Venus Williams anaelekea kupambana na mdogo wake Serena Williams katika fainali za Miami Open baada ya jana kumshinda Caroline Wozniacki katika hatua ya 16 bora.

 

Serena Williams

Katika mashindano hayo yanayoendelea huko Miami Marekani, Venus alimshinda mpinzani wake huyo raia wa Denmark kwa set 6-3 7-6 (7-1) katika kipindi cha dakika 98.
Awali mchezaji huyo hakuwa katika ubora wake kwa takribani miezi saba baada ya kugundulika kuwa hali yake ya kiafya kuwa si njema mnamo mwaka 2011, lakini sasa ameshinda michezo saba kati ya nane aliyocheza dhidi ya wachezaji walio katika viwango vya kumi bora. Wakati dada akifanya hayo Serena alimgaragaza Svetlana Kuznetsova kwa ushindi wa set 6-2 6-3 kuingia katika robo fainali.

 

Bofya kusoma Zaidi

Riadha Tanzania warejea mbio za Nyika

wanariadha wakiwa mbioni

Timu ya taifa ya riadha ya Tanzania imerejea nyumbani Tanzania baada ya kumalizika kwa michuano ya mbio za Nyika za Dunia iliyofanyika nchini China.

Kocha wa timu hiyo, Fancis John amewasifu wachezaji wake kwa kufanya vizuri miongoni mwa 51 zilizoshiriki.Kenya, kama kawaida yake, ilitawala mbio hizo.
Kenya ni miongoni mwa nchi zinazoongoza katika riadha Afrika na duniani kwa ujumla na wakimbiaji wake, Agnes Tirop (19) na Geoffrey Kamworor wakishinda kwa upande wa wanawake na wanaume.
Kamworor alimaliza mbio za kilomita 12 katika dakika 34 na sekunde 52 mbele ya Mkenya mwenzie, Bedan Karoki, hukun Muktar Edris wa Ethiopia akimaliza wa tatu katika dakika 35 minutes na sekunde 6.
Ismail Juma wa Tanzania alimaliza nafasi ya 9 akitumia muda wa 35:55.

 

Bofya kusoma Zaidi

MABEKI WAIPA USHINDI URENO, RONALDO KIMYA, GERMANY YASHINDA!

Portugal wamekwea kilele cha Kundi I la EURO 2016 baada ya kuichapa Serbia 2-1:hapo Jana.
Bao za Portugal zilifungwa kila Kipindi na Mabeki wao Ricardo Carvalho na Fabio Coentrao huku mashine yao ya Magolj Cristiano Ronaldo akiwa kimya.
Bao la Serbia lilifungwa na Kiungo wa Chelsea Nemanja Matic.
Huu ni ushindi wa 3 mfululizo wa Portugal kwenye EURO 2016 chini ya Kocha mpya Fernando Santos ambae alishika hatamu mara baada ya kufungwa Mechi ya ufunguzi ya Kundi I na Albania.
Sasa Portugal wanaongoza Kundi I wakiwa Pointi 2 mbele ya Denmark wenye Mechi 1 mkononi.
Katika Kundi D, Germany wamerudi kwenye reli baada ya kuipiga Georgia Ugenini Bao 2-0 kwa Bao za Kipindi cha Kwanza za Marco Reus na Thomas Muller.
Katika Mechi nyingine ya Kundi D, Scotland, wakicheza kwao huko Hampden Park Jijini Glasgow, wameicharaza Timu mpya Gibraltar Bao 6-1 lakini Wageni hao wameweka historia ya kufunga Bao lao la kwanza katika Mashindano ya UEFA tangu wajiunge nao.
   
EURO 2016
Jumapili Machi 29
MATOKEO
Romania 1 Faroe Islands 0
Scotland 6 Gibraltar 1
Northern Island 1 Finland 1
Albania 2 Armenia 1
Georgia 0 Germany 2
Hungary 0 Greece 0
Ireland 1 Poland 1
Portugal 2 Serbia 1
Jumanne Machi 31
2145 Israel v Belgium

Bofya kusoma Zaidi

KIRAFIKI JUMANNE - ITALY v ENGLAND, NETHERLANDS v SPAIN!

1900 Switzerland v USA
2145 Italy v England
2145 Netherlands v Spain
2245 Portugal v Cape Verde 
England wanasaka ushindi wao wa 8 mfululizo huko Turin ambako watacheza Mechi ya Kirafiki na wenyeji wao Italy.
Ijumaa, England iliichapa Lithuania 4-0 kwenye Mechi ya Kundi E la EURO 2016 ambalo wao ndio Vinara lakini Italy walinusurika kichapo kwa kusawazisha mwishoni walipotoka 2-2 ugenini na Bulgaria kwenye Mechi ya Kundi H la EURO 2016 ambalo wao wako Nafasi ya Pili.
Mara ya mwisho kwa Italy na England kukutana ni huko Manaus kwenye Mechi ya Kundi lao la Fainali za Kombe la Dunia Mwaka Jana huko Brazil na Italy kushinda kwa Bao la mwishoni la Mario Balotelli.
Lakini safari hii England imeongezwa ukali kwa kuibuka kwa Chipukizi hatari wa Tottenham, Harry Kane, ambae Ijumaa aliichezea England kwa mara ya kwanza na kupiga Bao lake la kwanza Sekunde 79 tu tangu aingizwe kwenye Mechi hiyo akitoka Benchi katika Kipindi cha Pili.
Mechi nyingine ya mvuto hiyo Jumanne ni ile ya Amsterdam Arena ambako Spain watasaka kisasi cha kunyukwa 5-1 na Netherlands Miezi 9 iliyopita huko Brazil kwenye Mechi ya Makundi ya Fainali za Kombe la Dunia.
Pengine hii ni nafasi nzuri kwa Spain kulipa kisasi kwani Netherlands itawakosa Mastaa wao wakubwa Robin van Persie na Arjen Robben ambao ni Majeruhi.

Bofya kusoma Zaidi

HAWA NDIO WATOTO WA MARAISI WA AFRIKA WAREMBO KULIKO WOTE

Diana Karuguire Museven

Hizi ni baadhi ya mabinti wa marais wa Afrika ambao wanatikisa sana katika mitandao mbalimbalikutokana na sifa zao tofauti

AngePaul Kagame

Ni binti wa Rais wa Rwanda, Paul Kagame. Alizaliwa mwaka 1989. Kwenye mitandao amekuwa akisifiwa kuwa ni ndiye binti mrembo kuliko wengine.

Faith Sakwe Jonathan

Huyu ni mtoto wa Rais wa Nigeria, Goodluck Jonathan. Amefunga ndoa Aprili, mwaka huu. Naye anatajwa na mitandao kwamba ni mrembo.

Nyepudzayi Bona Mugabe

Ana miaka 24. Ni binti wa Rais wa Zimbabwe, Robert Gabriel Mugabe. Ni binti aliyetikisa mitandaoni kutokana na mambombalimbali ya kijamii. Amefunga ndoa hivi karibuni

Sifa Joseph Kabila

Amezaliwa mwaka 2001, baba yake ni Rais wa Jamhuri ya Kidemokrasia ya Congo, Joseph Kabila. Anatajwa kuwa binti mtulivu na msikivu.

Ngina Uhuru Kenyatta

Mwaka huu amekamata wa 23, baba yake ni Rais wa Kenya, Uhuru Jomo Kenyatta. Mitandao inamtaja kwamba ana mvuto, pia anaongoza kwa kuwa na marafiki wengi wa kike.

Stella Mutale Sata

Baba yake ni Rais wa Zambia, Mutale Sata. Binti mwenyewe yupo poa sana kwa sasa ana miaka 20 tu.

Ni binti wa Rais wa Uganda, Joel Kaguta Museven. Amefunga ndoa. Mitandao inamtaja ni binti aliyetulia ndiyo maana akapigwa jicho na mwanaume na kufunga ndoa. 


BONYEZA HAYA MANENO TUKUTUMIE HABARI ZETU MARA TU ZINAPOTOKEA

Bofya kusoma Zaidi

STERLING AIZUNGUSHA ANFIELD KUSAINI MKATABA MPYA,

Raheem Sterling amelaumiwa na Veterani wa Liverpool Jason McAteer kwa kuzungusha kukubali Mkataba mpya na Liverpool.
Huku kukiwa na habari nzito kuwa Chipukizi huyo moto mwenye Miaka 20 anaechezea pia England yuko mbioni kwenda Spain kujiunga na Barcelona au Real Madrid, Liverpool iltaka haraka kumfunga kwa kumpa Mkataba mpya mnono lakini kambi ya Sterling imegoma.
Mkataba wa sasa wa Sterling na Liverpool unakwisha 2017.
Jason McAteer, Beki wa zamani alieichezea Liverpool Miaka mingi, anahisi Mchezaji huyo anashauriwa vibaya baada ya mazungumzo ya pande mbili kuvunjika na kupelekwa hadi mwishoni mwa Msimu kuanza upya.
McAteer amesema: "Mazungumzo yamekwama. Inaelekea Sterling anatafuta jambo! Lakini ajue hapa ni sehemu nzuri kubaki kwa Miaka kadhaa ili kukuza Soka lake badala ya kuhamia nje kwenye Utamaduni mwingine ambao unaweza kumwathiri!"

Bofya kusoma Zaidi

Hatima ya Ngassa bado haijajulikana Yanga

 

Yanga imetamka kuwa haina lengo la moja kwa moja kuachana na mshambuliaji wao Mrisho Ngassa na katika kuthibitisha hilo kwa vitendo, tayari uongozi wa klabu hiyo umeweka mezani Sh. 80 Milioni wakimtaka asaini dili jipya la kumbakisha timu hiyo.

Mmoja wa mabosi wa klabu hiyo aliyeko katika kamati ya usajili alisema kuwa uongozi wao chini ya mwenyekiti wa klabu hiyo, Yusuf Manji hauna nia ya kutaka kumtosa Ngassa ambapo tayari wameshampatia ofa hiyo kuhakikisha anasaini mkataba mpya.

Bosi huyo alisema katika ofa hiyo, Ngassa amepewa masharti mawili muhimu ambapo ametakiwa kutumia sehemu ya fedha hizo kumaliza deni lake la benki analodaiwa huku mshahara wake wa Sh. Mil. 4 ukibaki kama ulivyo.

Hata hivyo sharti hilo la mshahara linaenda tofauti na ofa ambayo Ngassa alitaka kupatiwa na klabu hiyo akitakia alipwe dola 3,500 (Sh. Mil 6.5) kwa mwezi ombi ambalo uongozi wa Yanga umeligomea.

“Hatuna nia ya kumuondoa Ngassa kuna vitu ambavyo anakosea, anaongea sana, haangalii kwamba juhudi zetu tunazozifanya tumeshampatia ofa hiyo afikirie sasa kama kweli anataka kubaki hapa,” alisema bosi huyo.

“Tumempa hiyo ofa lakini tatizo lake ni moja anataka mshahara mkubwa sana, kiasi ambacho ametaka tumpatie ni kikubwa sana kama atakuwa muelewa katika hili atakubali kusaini.”

Ngassa amekuwa akionekana kujuta kwa maamuzi yake ya kukataa ofa ye kwenda El Merreikh ya Sudan iliyomtaka wakati akiwa Simba kwa mkopo akitokea Azam ili tu akipige Yanga na kukumbana na adhabu ya kuwalipa Wekundu wa Msimbazi fedha alizosaini awali kabla ya kukimbilia Jangwani.

 

Bofya kusoma Zaidi

Tenga: CAF, CECAFA zinamuunga mkono Blatter urais FIFA

Shirikisho la Soka Tanzania (TFF) na Baraza la Vyama vya Soka Afrika Mashariki na Kati (CECAFA) yameungana na Shirikisho la Soka Afrika (CAF) kumpigia upatu Rais wa FIFA, Sepp Blatter katika uchaguzi mkuu ujao wa shirikisho hilo la kimataifa.

Uchaguzi wa Rais wa FIFA umepangwa kufanyika wakati wa Mkutano Mkuu wa shirikisho hilo lenye mamlaka ya juu kisoka ulimwenguni utakaofanyika Zurich, Uswisi Mei 28-29, mwaka huu na Kamati ya Uchaguzi ya FIFA imempitisha Blatter na watu wengine watatu akiwamo kiungo nguli wa zamani wa Urono, Luis Figo kuwania kiti hicho.
Akizungumza na waandishi wa habari kwenye ofisi za makao makuu ya TFF jijini hapa leo, Rais wa CECAFA na Mjumbe wa Kamati ya Utendaji ya CAF, Leodegar Tenga, amesema baraza hilo linaunga mkono msimamo wa Bara la Afrika uliowekwa katika Mkutano Mkuu wa CAF uliofanyika mwaka jana jijini Sao Paulo, Brazil kuwa wanachama wote wa CAF watamuunga mkono Rais wa sasa wa FIFA, Blatter kutetea nafasi yake katika uchaguzi ujao.

Aidha, Tenga ambaye aliwahi kuwa rais wa TFF, ametumia fursa hiyo kuishukuru familia ya TFF kwa kumuunga mkono katika kugombea tena nafasi ya ujumbe wa Kamati ya Utendaji ya CAF katika uchaguzi ujao utakaofanyika Aprili 7-8, mwaka huu jijini Cairo, Misri. Tenga ni mgombea pekee wa nafasi hiyo kwa Kanda ya Afrika Mashariki na Kati baada ya mpinzani wake kujitoa.

“Mkutano Mkuu wa CECAFA uliofanyika Desemba 2014 jijini Nairobi, Kenya ulipitisha azimio la kumuunga mkono Sepp Blatter katika uchaguzi mkuu ujao wa FIFA. Nikiwa Mwenyekiti wa CECAFA, niko hapa leo kusisitiza msimamo wetu huo,” Tenga amesema na kuongeza:
“Blatter amekuwa mbele kuunga mkono maendeleo ya soka kwa nchi changa hasa barani Afrika. Amesimama imara pia kupinga ubaguzi katika soka. Afrika imeona anatufaa.”
Rais wa TFF, Jamal Malinzi, ambaye alikuwa amefuatana na Tenga katika mkutano na waandishi wa habari leo, ametoa tamko rasmi kuwa TFF atampigia kura Blatter katika uchaguzi ujao.

 

Bofya kusoma Zaidi

Wanajangwani waenda kuipa nguvu Yanga dhidi ya Platinum

Mashabiki na wapenzi wa klabu ya Dar es Salaam Young Africans, ambao ndio wawakirishi pekee wa Tanzania katika michuano ya Kombe la Shirikisho barani Africa, leo asubuhi wameondoka nchini na kuelekea Zimbabwe kuishangilia timu yao itakapominyana na FC Platinum wiki hii.

Mashabiki hao wameondoka kwa usafiri wa basi dogo aina ya Toyota Coaster  wakipanga kupitia Iringa, Mbeya na Tunduma kasha kutumbukia Zimbabwe.

FC Platinum ambao ndio wenyeji wa mchezo huo wa marudiano ambao utapigwa siku ya Jumamosi wiki hii, watawakaribisha Yanga wakiwa na kumbukumbu ya kipigo cha bao 5-1 kunako Uwanja wa Taifa jijini Dar es Salaam kwenye mchezo wa kwanza.

Kikosi cha kazi cha Yanga, kitaondoka nchini kesho Jumatano kwa Usafiri wa ndege ya kukodi ya Serikali.

 

Bofya kusoma Zaidi

Soma kujua KICHOPO mtibwA Sukari !Bila kumpa pesa Mexime hupewi nafasi ya kucheza

Na Baraka Mbolembole, Dar es Salaam,

Mchezaji ambaye amecheza timu ya Taifa wa miaka 12 mfululizo huku akichezea klabu moja tu maishani na kubeba majukumu ya unahodha klabuni na timu ya Taifa anaweza kushindwa kuwa kocha  bora mwenye mafanikio endapo tuhuma za kuomba pesa kwa wachezaji ili awapange katika mechi zitafika mbali na kuainika ni za kweli.

Kila kitu kina madhara Fulani kwa kitu kingine,  mathalani ‘ Nondo ni mharibu wa vitambaa au nguo za manyoya, na Kutu hula chuma kigumu bila shida yo yote’. Kuna wakati akili zetu wanadamu huwa kamili na wakati mwingine huwa si nzima-huwa leguvu kwa kujiendesha. Hivyo basi, ‘ Sumu ya Mtu ni Kijicho na Chuki’ Chuki ina madhara na kijicho kina aibu kubwa kuliko kitu chochote ambacho si halali kwa fikra au kwa tendo la kushawishi mtu kula kitu hicho hata kama kina ‘ ladha’ nyingi kinywani.

Kiungo mshambulizi wa Mtibwa Sugar ( Jina linahifadhiwa kwa sasa) amesema kuwa kuvurunda kwa timu hiyo msimu huu ni sababu ya kocha mkuu wa timu hiyo, Mecky Mexime. Mchezaji huyo anayejiandaa kuachana na timu hiyo mara baada ya kumalizika kwa msimu ameweka wazi kuwa Mecky ( mchezaji –nahodha wa zamani wa timu hiyo na timu ya Taifa, Taifa Stars) amekuwa akiwapanga timu yake kwa sababu zisizo za kimpira- Kifupi ni lazima umpatie pesa ili upate nafasi ya kucheza Mtibwa Sugar.

“ Tatizo la Mtibwa ni kocha ( Mecky), ukitoa sababu nyingine, mwalimu huyo amekuwa akipanga timu yake kama mchezaji utampatia pesa” anasema mchezaji huyo alijiunga na Mtibwa mwaka 2011 wakati timu hiyo ikinolewa na Mkenya, Tom Olaba. Kwanza niseme wazi kuwa Mecky ni mchezaji wa zamani ambaye Taifa linamchukulia kama mfano wa kuigwa kutokana na mchango wake mkubwa alioutoa wakati alipokuwa mchezaji wa Stars kwa miaka 12 mfululizo.

Nyakati za mwisho za uchezaji wake, Mecky alijiingiza katika mafunzo ya ukocha huku akiichezea klabu yake ya Mtibwa na mara baada ya kustaafu soka la ushindani miaka mitatu iliyopita Mecky alipewa kazi ya ukocha msaidizi katika klabu hiyo aliyoichezea kwa maisha yake yote na kushinda mara mbili ubingwa wa ligi kuu, 1999 na 2000. Wakati akiwa msaidizi wa Olaba, Mecky alisimamishwa na uongozi wa klabu hiyo baada ya kundi kubwa la wachezaji kwenda kwa utawala wa juu na kulalamikia kitendo cha Mecky kuwashawishi wachezaji kucheza chini ya kiwango ili timu ifanye vibaya na kocha mkuu Olaba aonekane hafai.

Mecky alihitaji haraka nafasi ya ukocha mkuu pale Mtibwa Sugar, akiamini kuwa uzoefu na mbinu za ufundishaji alizowahi kupata kutoka kwa walimi John Simkoko, Mshindo Msolla, Burkard Pape, James Siang’a, Salum Mayanga, Olaba, Marcio Maximo, Jan Poulsen  zingeweza kumpatia mafanikio ya haraka. Mtibwa ilimuajiri Mecky kama kocha mkuu mara baada ya kumalizika kwa mkataba wa Olaba msimu wa 2011/12 na timu hiyo iliporomoka hadi nafasi ya Tano ikimaliza nyuma ya Simba SC waliotwaa ubingwa, Azam FC waliomaliza nafasi ya pili na Yanga SC na Kagera Sugar ambazo zilikamilisha orodha ya timu nne za juu.

Yalikuwa ni matokeo mabaya zaidi kwa Mtibwa katika kipindi cha ‘ Muongo Mmoja’ lakini imani kwa Mecky ilikuwa kubwa kwa kuwa aliingia klabuni na mtazamo wa kuijenga upya Mtibwa ikitumia zaidi wachezaji vijana kutoka timu ya pili na si kusajili wachezaji wengi wanaotemwa katika klabu za Yanga na Simba. Lakini mpango kama huo unahitaji muda zaidi, bila shaka klabu na Mecky mwenyewe walikuwa wakitambua hilo ndiyo maana wameendelea kufanya kazi pamoja licha ya timu hiyo kuporomoka hadi nafasi ya Tisa msimu uliopita.

“ Ili kocha akupe namba  ni lazima umpe kocha pesa, hafanyi kwangu tu ni wachezaji wengi wanakutana na hali hiyo” anaendelea kusema mchezaji huyo ambaye alifanya vizuri mno msimu uliopita licha ya timu kumaliza katika nafasi mbaya tangu ilipopanda daraja mwaka 1997. Mtibwa itacheza na Kagera Sugar katika uwanja wa Kambarage, Shinyanga Jumatano hii wapo nafasi ya nane katika msimamo baada ya kucheza michezo 18 na kukusanya alama 23 ilianza vizuri msimu huu na kuongoza ligi kwa miezi mitatu mfululizo lakini wamefanikiwa kushinda mara moja tu tangu kuanza kwa mwaka huu na sababu kubwa wachezaji wanasema ni Mecky. Naendelea kumtafuta mwalimu huyo na chochote atakachosema nitawajuza .

0714 08 43 08

 

Bofya kusoma Zaidi

Mwendesha mashitaka auawa Uganda

 

Askari akikagua gari ambalo lilikuwa likiendeshwa na Joan Kagezi

Watu wenye silaha wamemuua mwendesha mashitaka mkuu katika kesi ya watuhumiwa wa Kiislam wanaotuhumiwa kuua watu kadha katika mashambulio ya bomu mwaka 2010.

Mwendesha mashitaka huyo Joan Kagezi ambaye alikuwa kaimu mkurugenzi mwendesha mashitaka msaidizi nchini Uganda ameuawa kwa kupigwa risasi na watu waliokuwa katika pikipiki wakati akiendesha gari kurudi nyumbani mjini Kampala.
Kesi inayoendelea inawahusu watu kumi na watatu wanaotuhumiwa kuwa wapiganaji wa kikundi cha al-Shabaab.
Wanatuhumiwa kuua watu zaidi ya sabini wakati wakiangalia Fainali za Kombe la Dunia za mwaka 2010 katika mgahawa mmoja na katika uwanja wa klabu ya rugby.
Wiki iliyopita Marekani ilisema ilipata "habari za kuwepo uwezekano wa shambulio" katika maeneo ya mji ambayo raia wa mataifa ya magharibi wanakutana.
Serikali ya Uganda imesema Marekani ilionya juu ya uwezekano wa kuwepo kwa mtu anayejitoa mhanga akijaribu kuingia nchini humo.
Msemaji wa serikali amesema Uganda ilikuwa katika kitisho kwa sababu imechangia askari wengi katika jeshi la Umoja wa Afrika linalolinda amani nchini Somalia wakipambana na kundi la al-Shabab ndani ya Somalia.

Bofya kusoma Zaidi

HOT NEWS Mpinzani Buhari aongoza katika matokeo ya awali Nigeria

Jenerali Muhammadu Buhari anaongoza kwa zaidi ya kura milioni mbili zaidi ya mpinzani wake wa karibu ambaye ni rais Goodluck Jonathan

Matokeo ya awali ya kura zilizopigwa siku ya jumamosi huko Nigeria zinaonesha kuwa kiongozi wa upinzani Muhammadu Buhari

anaongoza kwa zaidi ya kura milioni mbili zaidi ya mpinzani wake wa karibu ambaye ni rais Goodluck Jonathan.
Generali Buhari wa chama cha All Progressives Congress (APC) anaonekana kusajili matokeo mema mapema hata kabla ya kuhesabiwa kwa kura za mjini Lagos.

Mwandishi wa BBC mjini Abuja amesema mchuano bado ni mkali.

Matokeo ya uchaguzi mkuu nchini Nigeria yanatarajiwa kutangazwa saa chache zinazokuja wakati majimbo yaliyosalia yakisubiriwa kutangaza matokeo yao.
Huku zaidi ya nusu ya matokeo yakiwa yametangazwa mgombea wa upinzani Muhammadu Buhari yuko mbele ya rais wa sasa Goodluck Jonathan.
Hata hivyo matokeo bado hayawezi kutabiriwa kwa kuwa majimbo yenye watu wengi kama Lagos na Rivers hayajatangaza matokeo yake.
 
Mawakala wa wagombeaji wakuu

Bofya kusoma Zaidi

Mbeya City FC wapania kuzifunga Yanga SC, Azam FC

 

Kiungo mshambuliaji wa City, Peter Samson Mwalyanzi, amesema hesabu zilizopo kwenye kikosi chao hivi sasa ni kushinda michezo yote mitatu ijayo watacheza ugenini dhidi ya Ndanda FC, Azam FC na Yanga SC.

Mwalyanzi aliye kwenye kiwango bora hivi sasa, ameyasema hayo wakati akizungumza na mtandao rasmi wa City baada ya kumalizika kwa mazoezi ya asubuhi kwenye Uwanja wa Sokoine jijini Mbeya.
“City itakuwa nje ya Mbeya kwa michezo mitatu, dhidi ya Ndanda, Azam na Yanga, tumejiandaa vyema kuhakikisha tunapata matokeo kwenye michezo yote mitatu, watu wengi wanaweza wasiamini hili ninalosema, lakini kwenye soka inawezekana, tunafahamu jinsi timu hizi zote zinavyocheza kwa kuwa tayari tushakutana nazo. Nina imani tutafanikiwa kushinda zote tatu,” amesema.
Mwalyanzi aliyefanikiwa kurudisha makali yake uwanjani baada ya kusota benchi kwa muda mrefu kufuatia majeraha aliyokuwa nayo, ameweka wazi kuwa kwa sasa City iko kwenye kiwango kizuri tofauti na ilivyokuwa mwanzo, na kwamba hiyo ndiyo jambo pekee inayompa imani ya kufanya kweli kwa kuzikusanya pointi zote tisa dhidi ya timu hizo tatu. “Michezo kadhaa iliyopita tulicheza  tukiwa chini ya kiwango na hii ni kwa sababu wachezaji wengi ndani ya kikosi walikuwa majeruhi, kwa sasa ni tofauti kabisa, wote tuko safi na kila mmoja ana ari kubwa ya kucheza kwa mafanikio ili kupunguza kile kilichopotea  mwanzoni mwa msimu ndiyo maana nikasema tunataka kushinda mechi zote  tatu za nje,” ametamba mchezaji huyo.
Hata hivyo, City itakuwa na mtihani mgumu kupata ushindi dhidi ya Yanga SC ambayo haijawahi kufunga na timu nyingine yoyote ya Ligi Kuu kwenye Uwanja wa Taifa mbali na Simba SC na Azam FC tangu uwanja huo ulipoanza kutumika rasmi 2007.
City haijawahi kuzifunga Azam FC na Yanga SC tangu ipande Ligi Kuu msimu uliopita na timu hizo kwa sasa ndizo zinakimbizana kuwania ubingwa wa msimu huu.
Kikosi cha kocha bora wa msimu uliopita, Juma Mwambusi cha City, kiko nafasi ya 9 katika msimamo wa ligi ikiwa na pointi 23, mbili mbele ya timu iliyoko nafasi ya pili kutoka mkiani mwa msimamo, Polisi Moro FC, hivyo kuwa hatarini kuporomoka daraja.

 

Bofya kusoma Zaidi

30 Yanga SC kuifuata Platinum Jumatano

Msafara wa watu 30 wa Yanga SC, wakiwamo viongozi, utaondoka jijini hapa Jumatano kwenda Zimbabwe kwa ajili ya mechi yao ya marudiano ya Kombe la Shirikisho dhidi ya Platinum FC, mtandao huu umeelezwa.

Mkuu wa Idara ya Habari na Mawasiliano ya Yanga, Jerry Muro, katika mahojiano na mtandao huu jijini hapa muda mfupi uliopita, amesema kikosi chao kilichopiga kambi jijini hapa, kitasafiri kuwafuata wapinzani hao Aprili Mosi, yaani Jumatano.
Amesema kila kitu kimekamilika kwa ajili ya safari hiyo na wana uhakika wa kufanya vyema na kuwang’oa wapinzani wao hao.
“Wachezaji waliokuwa na timu zao za taifa, wataanza kuingia kambini leo jioni. Mashabiki wetu wataondoka Jumanne. Maandalizi yote yamekamilika, kila kitu kiko safi na tumejipanga vyema kwa ajili ya mechi,” amesema Muro.
Yanga SC ilitanguliza mguu mmoja kusonga katika hatua ya pili ya michuano hiyo baada ya kuibuka na ushindi mnono wa mabao 5-1 dhidi ya timu hiyo iliyoing’oa Sofapaka FC ya Kenya katika hatua ya awali.
Endapo Yanga SC  ikifanikiwa kuwang’oa Wazimbabwse hao, itakutana na mshindi kati ya Benfica FC ya Angola na Etoile du Sahel ya Tunisia katika hatua inayofuata ya michuano hiyo ya pili kwa ukubwa barani Afrika katika ngazi ya klabu.
Benfica FC na Etoile du Sahel FC iliyomnunua Emmanuel Okwi wa Simba SC misimu miwili iliyopita, ni miongoni mwa timu tajiri barani Afrika na zimekuwa zikisajiri wachezaji ‘mafundi’ na wenye uwezo mkubwa.
Etoile du Sahel FC ilishinda 1-0 katika mechi ya kwanza iliyochezwa mjini Tunis, Tunisia wiki mbili zilizopita.

 

Bofya kusoma Zaidi

Samatta aibeba Stars ikitoka sare na Malawi 1-1

 

Timu ya Taifa ya Tanzania, Taifa Stars leo imegawana pointi na timu ya Malawi baada ya sare ya bao 1-1 kwenye mchezo ambao umepigwa kunako Uwanja wa  CCM Kirumba Jijini Mwanza.

Bao la Stars limefungwa na Mbwana Samatta akisawazisha bao baada ya kupokea pasi safi ya Ngassa kunako dakika ya 76.

Malawi walipata bao katika dakika ya 4 kupitia kwa Esau Kanyenda kufatia mpira wa Kona baada ya Kipa Mwadini Ally akapangu mpra na kuangukia miguuni mwa mchezaji wa Malawi ambaye hakufanya makosa .

Katika kipindi cha pili ambapo Tanzania ilionyesha kushambulia sana lango la Malawi, Cannavaro alikosa bao katika dakika ya 52 baada ya kupiga kichwa safi laki ikawa sio bahati kwa Tanzania.

Samatta alikosa bao dakika ya 57 baada ya kuwapiga chenga mabeki wa Malawi na kupiga shuti ambalo linatoka nje kidogo ya lango.

Dakika ya 60 Ngassa aliingia kuchua nafasi ya Chanongo .

Malawi ilimtoa John Banda na nafasi yake ikachukuliwa na kaka yake Frank Banda dakika ya 64.

Dakika ya 68 Amri Kiemba alitoka na nafasi yake ikachukuliwa na Salum Abubaka Sure Boy.

Ngassa alipiga shuti kalilakini linakuwa halina macho, ikiwa ni katika dakika ya 74.

John Bocco aliingia kuchukua nafasi ya Thomas Ulimwengu katika dakika ya 80.

 

Bofya kusoma Zaidi

BRAZIL YA DUNGA YAENDELEA KUDUNGA WATU, SANCHEZ NA CHILE CHALI EMIRATES!

Brazil, chini ya Kocha Dunga, Leo tena imeendeleza wimbi la ushindi tangu Kocha huyu ashike Timu Mwaka Jana kwa kuitungua Chile 1-0 Uwanjani Emirates Jijini London katika Mechi ya Kirafiki.
Brazil, ikiongozwa na Neymar, na Chile, ikiongozwa na Mchezaji wa Arsenal aliekuwa Uwanja wa Nyumbani hapo Emirates, Alexis Sanchez, walikamiana sana na mchezo kutawaliwa na rafu za mara kwa mara ingawa Refa Mwingereza Martin Atkinson alidhibiti kwa kutembeza Kadi za Njano 7.
Bao pekee na la ushindi kwa Brazil lilifungwa na Straika Chipukizi wa Miaka 23 anaechezea Klabu ya Bundesliga Hoffenheim, Roberto Firmino, katika Dakika ya 71 kwa pande safi la Danilo ambalo Firmino alilidhibiti na kumzunguka Kipa Bravo na kufunga.
Huu ni ushindi wa 8 mfululizo kwa Brazil chini ya himaya ya Dunga.
VIKOSI:
Brazil: Jefferson; Danilo, Thiago, Miranda, Marcelo; Souza, Fernandinho; Douglas Costa, Coutinho; Luiz Adriano, Neymar.
Chile: Bravo; Medel, Jara, Albornoz; Isla, Millar, Aránguiz, Mena; Vidal; Alexis, Hernandez.
REFA: Martin Atkinson

Bofya kusoma Zaidi

Angalia mwandishi wa habari Alejandra Omaña Ruiz akaa utupu baada ya…

Alejandra Omaña Ruiz

‘Las promesas no se ha roto en Colombia, evidentemente’ Ndivyo unavyoweza kusema baada ya mwanadada mmoja mwandishi wa habari kutoa ahadi ya kukaa utupu na kuitimiza wiki hii baada ya timu anayoishabikia kupanda daraja. 

Huyu ni Alejandra Omaña Ruiz mwandishi wa habari wa jarida  la SoHo la mjini Bogota nchini Colombia ambaye alitoa ahadi ya kupiga picha utupu na kuziweka katika jarida hilo endapo klabu yake ya Deportivo Cucuta ingepanda daraja.

Alejandra Omaña Ruiz

Timu ya Soka ya Deportivo Cucuta imeshindwa kupanda daraja kwa miaka mingi ikiishia daraja la kwanza na wakati mwingine daraja la pili.

Mwanadada Alejandra anaipenda sana timu hiyo ambayo Januari mwaka huu walipambana katika fainali dhidi ya Corporación Deportes Quindío na kushinda kibishi kwa mabao 2-1 hali iliyozua utata lakini ilikuwa bahati ilikuwa ya Cucuta iliyopanda daraja.

Mashabiki walikuwa wakisubiri nini atafanya mwanadada huyo anayefahamika sana jijini Bogota.

Alejandra alichora kwa peni ya rangi katika tumbo chini kidogo ya matiti yake maneno  yaliyosomeka ‘Cucuta Asciende’ ikiwa na maana ‘Cucuta juu zaidi’ akiwa amevalia jezi yenye mistari ya rangi nyekundu na nyeusi (jezi maarufu ya Deportivo Cucuta).

Jarida la SoHo lilianzishwa mwishoni mwa karne ya 20 (mwaka 1999) likijihusisha na kuweka masuala mbalimbali ya wanawake zikiwemo picha za utupu za waigizaji wa kike na utamaduni wa watu wa Colombia.

Gazeti hilo limekuwa maarufu nchini humo kutokana na kuwa na mvuto kwa jinsi ya kiume, ambao wanaonekana kuvutia sana na sehemu mbalimbali za wanawake wanapokuwa utupu.

Yawezekana hukuwahi kusikia klabu ya Deportivo Cucuta au jarida la SoHo… sasa umeyajua haya hutaweza kulisahau jarida hili na wahariri wake.

Alejandra Omaña Ruiz

Bofya kusoma Zaidi

Arsenal wapanga kumnunua Wanyama na Mitrovic msimu ujao 2015/2016

  

 Kiungo wa kati wa Southampton Mugubi Wanyama

Kocha wa Arsenal Arsene Wenger anapanga kumnunua kiungo wa kati wa Southampton Mkenya Victor Wanyama na mshambuliaji wa Anderlecht Aleksandr Mitrovic kulingana na gazeti la the Sun nchini Uingereza.

Wenger amejiandaa kutoa kitita cha pauni millioni 30 kwa wachezaji hao wawili,huku Wanyama akigharimu kitita cha pauni millioni 20 naye mshambuliaji huyo wa Anderlecht Mitrovic akigharimu pauni millioni 10.
Inaaminika kuwa Wanyama ataondoka katika kilabu ya Southampton iwapo atachukuliwa na kilabu kikubwa huku naye Mitrovic akiwa amekuwa akifuatiliwa na waajiri wa Arsenal katika kipindi cha wiki chache zilizopotea.
Mitrovic amekuwa akifananishwa na Didier Drogba kutokana na mchezo wake.

 

Bofya kusoma Zaidi

Mechi ya Urusi na Montenegro yatibuka

Mechi ya kufuzu ya kuwania kombe la taifa bingwa barani Ulaya kati ya urusi na Montenegro ilisitishwa baada ya wachezaji kutoka timu zote kupigana uwanjani.

Awali mechi hiyo ilikuwa imesitishwa kwa dakika 30 baada ya mlinda lango wa Urusi kugongwa na kifaa na kisha kupelekwa hospitalini.
Wakati Urusi ilipopoteza penalti katika cha kipindi cha pili wachezaji na maafisa kutoka pande zote walianza kupigana.
Kisha mchezaji mwingine wa Urusi aligongwa wakati vifaa zaidi viliporushwa uwanjani hatua iliyomfanya refa kusimamisha mechi hiyo.
Hakuna timu iliyokuwa imefunga bao wakati huo na haijulikani hatua ambayo itachukuliwa na shirikisho la soka barani ulaya.

 

Wachezaji wa Montenegro

Bofya kusoma Zaidi

Matatizo ya yameibuka yaathiri uchaguzi

 

Raia wengi wa Nigeria wamechelewa kupiga kura ya kumchagua rais wa taifa hilo.

Mwandishi wa BBC nchini Nigeria anasema kuwa matatizo yameibuka kwenye vifaa vya mkononi ambavyo hutumiwa kusoma kadi za kupigia kura.
Rais Goodlack Jonathan ni miongoni mwa watu walioathiriwa na tatizo hilo swala lililomfanya usubiri nje ya kituo cha kupigia kura kwa mda.
Pia kuna ripoti za kutimuliwa kwa waangalizi kutoka kwa vituo vya kupigia kura na maafisa wa chama tawala.
Rais Jonathan anakabiliwa na upinzani mkali kutoka aliyekuwa kiongozi wa utawala wa kijeshi Muhammadu Buhari.
Rais wa Nigeria Goodluck Jonathan akiongoea na wanahabari baada ya kushindwa kujisajili kutokana na sababu za kiufundi zinazokabili vifaa vya uchaguzi

Bofya kusoma Zaidi

Mungu wangu kumbe rubani aliyedondosha ndege Rubani Lubitz aliipata majinamizi

Mchumba wa zamani wa rubani aliyedondosha ndege kusudi katika milima ya Ufaransa ya Alps, ananukuliwa na gazeti moja la Ujerumani akisema kuwa Andreas Lubitz alikuwa akipanga njama kubwa.

Mwanamke huyo, muandalizi katika ndege, ambaye alikutana na rubani huyo kazini mwaka jana, aliliambia gazeti la
Bild kwamba rubani Lubitz alisema mara nyingi kwamba atafanya kitu ili kila mtu amkumbuke yeye ni nani.
Alimuelezea kuwa alikuwa mtu aliyekuwa akiteseka kichwani.
Mwandishi wa habari aliyemhoji dada huyo aliiambia BBC kwamba dada huyo alisema Lubitz alikuwa mtu mwema na hodari mbele ya watu, lakini faraghani alikuwa mkali hasa wakizungumzia kazi.
Anasema wakati mwengine anapata jinamizi na anaamka akipiga kelele "ndege inaanguka."
Anasema Lubitz alikasirika alipotambua hivi karibuni kwamba alikuwa hawezi kutimiza ndoto yake ya kuwa rubani kamili, kwa sababu ya ugonjwa wa akili.
Baada ya uhusiano wa siri baina yao kwa miezi mitano, dada huyo alijitenga na Lubitz kwa sababu ya hasira zake.

Bofya kusoma Zaidi

TFF YAIPIGA faini Simba, Yanga, NA Azam, Mrwanda, Niyonzima, Sure Boy Wagongwa Nyundo,

Kikao cha Kamati ya Uendeshaji na Usimamizi wa Bodi ya Ligi Kuu Tanzania  kilichoketi jumanne ya tarehe 24, Machi 2015 jijini Dar es salaam, kimepitia taarifa mbalimbali za michezo iliyochezwa na kutoa adhabu kwa wachezaji na vilabu vya Ligi Kuu ya Vodacom.

Katika mechi namba 107 iliyowakutanisha wenyeji Ndanda FC dhidi ya Coastal Unioni, klabu ya Ndanda imepigwa faini ya sh. 500,000 (laki tano) kwa mujibu wa Kanuni ya 42(1) ya Ligi Kuu ya Vodacom  kutokana na washabiki wake kumrushia chupa za maji mwamuzi msaidizi Anold Bugado.

Mechi namba 108 iliyochezwa Uwanja wa Kambarage mjini Shinyanga, (Stand United dhidi Simba SC), wenyeji timu ya Stand United imepigwa faini ya sh. 300,000 (laki tatu) kwa mujibu wa Kanuni ya 14(8) kutokana na timu yake kuchelewa kufika uwanjani kwa dakika ishirini.

Mchezo namba 117 uliozikutanisha Simba SC dhidi ya Yanga SC kwenye Uwanja wa Taifa jijini Dar es salaam, timu ya  Simba imepigwa faini ya sh. 300,000 (laki tatu) kwa mujibu wa Kanuni ya 14(9) kwa kukataa kuingia kwenye vyumba vya kubadilishia nguo.

Nayo klabu ya Yanga imepigwa faini ya sh. 500,000 (laki tano) kwa mujibu wa Kanuni ya 42(11) baada ya timu yake kuonyeshwa kadi zaidi ya tano kwenye mchezo dhidi ya Simba SC, huku mshambualiji wake Dany Mrwanda  akipigwa faini ya sh. 500,000 (laki tano) kwa mujibu wa Kanuni ya 14(12) kwa kutopeana mikono na wachezaji wa timu hiyo.

Mchezaji Haruna Niyonzima wa Yanga amepigwa faini ya sh. 500,000 (laki tano) kwa mujibu wa Kanuni ya 37(f) kwa kupiga teke meza ya   mwamuzi wa akiba baada ya kutolewa nje kwa kadi nyekundu. Suala la mshambuliaji wa Yanga Amissi Tambwe kumshika korodani beki wa Simba SC Murshid Juuko limepelekwa kwenye Kamati ya Nidhamu.

Kipa wa timu ya Simba SC, Ivo Mapunda amepewa onyo kwa kufunika tangazo la mdhamini wa Ligi Kuu  (Vodacom) kwa kutumia taulo lake wakati wa mechi dhidi ya Yanga, hatua kali za kinidhamu zitachukuliwa dhidi yake iwapo atarudia kufanya tukio la aina hiyo.

Nao wachezaji Salum Abubakar wa Azam FC na Richard Maranya wa JKT Ruvu wamepigwa faini ya sh. 500,000 (laki tano) kila mmoja na kusimamishwa mechi tatu kwa mujibu wa Kanuni ya 37(3) kwa kupigana uwanjani kwenye mechi namba 123 ambapo walitolewa nje kwa kadi nyekundu.

Klabu ya Kagera Sugar imepigwa faini ya sh. 300,000 (laki tatu) kwa mujibu wa Kanuni ya 14(9) baada ya timu yake kugoma kuingia kwenye vyumba vya kubadilishia nguo kwenye mchezo namba 130 dhidi ya Young Africans uliofanyika kwenye Uwanja wa Taifa.

Mechi namba 132 iliyozikutanisha Azam na Ndanda SC kwenye uwanja wa Chamazi, klabu ya Ndanda imepigwa faini ya sh. 500,000 (laki tano) kwa mujibu wa Kanuni ya 42(1) baada ya washabiki wake kuwamwagia maji na kuwarushia chupa za maji washabiki wa Azam.

Aidha klabu ya Stand United imepigwa faini ya sh. 300,000 (laki tatu) kwa mujibu wa Kanuni ya 14(8) kwa kuchelewa kufika uwanjani kwenye mechi namba 134 dhidi ya timu ya Mbeya City, pia imepigwa faini ya sh. 500,000 (laki tano) kwa mujibu wa Kanuni ya 14(9) kwa kutoingia kwenye vyumba vya kubadilishia nguo kwenye mchezo huo.

Kiongozi wa Stand United, Muhibu Kanu amepelekwa kwenye Kamati ya Nidhamu baada ya kuondolewa kwenye benchi na mwamuzi wa mchezo dhidi ya Mbeya City kutokana na kutumia lugha ya kuhamasisha vurugu kwa timu yake na kupinga uamuzi wa refarii.

Katika mchezo namba 135 uliochezwa jijini Tanga na kuwakutanisha wenyeji Mgambo Shooting dhidi ya Yanga SC, Yanga SC imepigwa faini ya sh. 500,000 (laki tano) kwa mujibu wa Kanuni ya 42(1) kutokana na washabiki wake kuvamia uwanja baada ya mechi namba 135 dhidi ya Mgambo Shooting kwenye Uwanja wa Mkwakwani.

 

Bofya kusoma Zaidi