YANGA YAKANUSHA KUMCHUKUA HALL, KUMBWAGA BRANDTS!!

WASISITIZA: BRANDTS YUPO, ATAREJEA NOVEMBA 24 BAADA LIKIZO!

AKIREJEA, KUITAYARISHA TIMU KUIVAA SIMBA ‘NANI MTANI JEMBE’ DESEMBA 14!!

MABINGWA wa Tanzania Bara, Yanga, leo imekanusha vikali taarifa zilizozagaa kuwa wapo mbioni kumchukua aliekuwa Kocha wa Azam FC, Stewart Hall, na kusisitiza kuwa Kocha wao Ernie Brandts bado yupo na ataendelea na kazi yake.

Mbali ya kukanusha kutaka kumchukua Hall, anaetoka Uingereza na ambae hivi Juzi aliondolewa kuifundisha Azam FC, Yanga pia imesisitiza haijawahi kufanya mazungumzo na Kocha huyo.

Yanga imefafanua kuwa Brandts, ambae amemudu kuifanya Yanga imalize Raundi ya Kwanza ya Ligi Kuu Vodacom ikiwa kileleni,  kwa sasa yupo Likizo ya Wiki mbili ambayo pia Wachezaji wamepewa na Kocha huyo anatarajiwa kurejea Nchini Novemba 24 na Siku inayofuatia yeye na Kikosi chake wataanza Mazoezi kwa ajili ya mchezo wa Hisani, Nani Mtani Jembe, dhidi ya Simba utakaochezwa Desemba 14.

Taarifa hiyo ya Yanga ilisisitiza uvumi huu ulikuwa na lengo la kutaka kuwavuruga ili wasifanye vizuri kwenye Raundi ifuatayo ya Ligi na pia Mashindano ya Kimataifa.

Ligi Kuu Vodacom itaanza Raundi ya Pili hapo Januari 25.

LIGI KUU VODACOM

MSIMAMO:

NO	TEAMS	P	W	D	L	GF	GA	GD	PTS
1	Young Africans	13	8	4	1	31	11	20	28
2	Azam FC	13	7	6	0	23	10	13	27
3	Mbeya City	13	7	6	0	20	11	9	27
4	Simba SC	13	6	6	1	26	13	13	24
5	Kagera Sugar	13	5	5	3	15	10	3	20
6	Mtibwa Sugar	13	5	5	3	19	17	2	20
7	Ruvu Shootings	13	4	5	4	15	15	0	17
8	Coastal Union	13	3	7	3	10	7	3	16
9	JKT Ruvu	13	5	0	8	10	16	-6	15
10	Rhino Rangers	12	2	4	6	9	16	-7	10
11	JKT Oljoro	13	2	4	7	9	19	-10	10
12	Ashanti United	13	2	4	7	12	24	-12	10
13	Tanzania Prisons	12	1	5	6	6	16	-10	8
14	Mgambo JKT	13	1	3	9	3	23	-20	6

RATIBA

RAUNDI YA PILI

25 Januari 2014

Ashanti United v Yanga

Azam FC v Mtibwa Sugar

Coastal Union v JKT Oljoro

Kagera Sugar v Mbeya City

Tanzania Prisons v Ruvu Shootings

JKT Ruvu v Mgambo JKT

Simba v Rhino Rangers