UEFA CHAMPIONZ LIGI LEO BIG MECH BAYER LEVERKUSEN NA MAN UNITED

UWANJA: BayArena JIJINI: Leverkusen SAA: 22:45

LEO USIKU huko Germany ipo Mechi ya Marudiano ya Kundi A la UCL, UEFA CHAMPIONZ LIGI, kati ya Bayer Leverkusen na Manchester United.

Katika Mechi ya kwanza iliyochezwa Old Trafford Mwezi Septemba, Man United iliifunga Bayer Leverkusen Bao 4-2.

Katika Mechi ya leo, Man United wanahitaji ushindi ili wafuzu kuingia Raundi ya Mtoano ya Timu 16 ya UCL lakini pia hata Sare itawafanikisha.

MSIMAMO:

KUNDI A
NA	TIMU	P	W	D	L	F	A	GD	PTS
1	Manchester United	4	2	2	0	6	3	3	8
2	Bayer 04 Leverkusen	4	2	1	1	8	5	3	7
3	FC Shakhtar Donetsk	4	1	2	1	3	5	-2	5
4	Real Sociedad	4	0	1	3	1	5	-4	1

Lakini, Bayer Leverkusen, ambao Meneja wao ni Mchezaji wa zamani wa Liverpool, Sami Hyypia, hivi sasa wamegangamala na tangu wafungwe 4-2 na Man United wamepoteza Mechi 1 tu katika Mechi 12 na kwenye Bundesliga wapo Nafasi ya Pili nyuma ya Bayern Munich.

Vile vile, Uwanjani kwao BayArena hawafungiki na mara ya mwisho kufungwa ni Mwezi walipofungwa na Mabingwa Bayern Munich.

Hali za Wachezaji

Marouane Fellaini ataikosa Mechi hii baada ya kupewa Kadi Nyekundu walipotoka 0-0 na Real Sociedad katika Mechi iliyopita ya Kundi A la UCL.

Wengine ambao hawakusafiri kwenda Germany kwa sababu wana maumivu ni Michael Carrick, Nemanja Vidic na Robin van Persie lakini Rafael na Phil Jones waliokuwa majeruhi wamo kwenye Kikosi kilichosafiri.

Bayer Leverkusen watamkosa Sidney Sam ambae amewafungia Bao 8 Msimu huu baada kuumia walipocheza na Hertha Berlin Mechi iliyopita na pia upo wasiwasi kuhusu Beki wao Sebastian Boenisch ambae ana maumivu.

Katika Mechi iliyopita kati ya Man United na Bayer Leverkusen, Bao za Man United zilifungwa na Wayne Rooney, Bao 2, Robin van Persie na Antonio Valencia huku Bao la Bayer Leverkusen likifungwa na Simon Rolfes.

VIKOSI VINATARAJIWA:

BAYER LEVERKUSEN: Leno; Donati, Toprak, Wollscheid, Can; Rolfes, Bender, Castro; Son, Kießling, Hegeler

MAN UNITED: De Gea; Smalling, Ferdinand, Evans, Evra; Cleverley, Giggs; Valencia, Rooney, Januzaj; Welbeck

REFA: Svein Oddvar Moen [Norway]

UEFA CHAMPIONZ LIGI

RATIBA:

[Mechi zote kuanza Saa 22:45 isipokuwa inapotajwa]

Jumatano 27 Novemba 2013

Bayer 04 Leverkusen v Manchester United FC

FC Shakhtar Donetsk v Real Sociedad de Fútbol

Real Madrid CF v Galatasaray A.Ş.

Juventus v FC København

RSC Anderlecht v SL Benfica

Paris Saint-Germain v Olympiacos FC

PFC CSKA Moskva v FC Bayern München [20:00]

Manchester City FC v FC Viktoria Plzeň