WASTARA JUMA KUINGIZA SOKONI FILAMU YA SHYMAH

BAADA ya kukaa nje ya ulingo wa filamu  kutokana na kukumbwa na matatizo mbalimbali ikiwamo kumpoteza mumewe, mwigizaji wa filamu nchini, Wastara Juma, anatarajia kupeleka sokoni filamu mpya itakayojulikana kama Shaymah. Akizumgumza na Tanzania Daima jana jijini Dar es Salaam, Wastara alisema filamu hiyo imetengenezwa na Kampuni iitwayo Wastara Juma na amewashirikisha waigizaji wenzie akiwamo Yusuph Mlela, Saumu Jabu ‘Nisha’ na wengineo. Wastara alisema anatarajia kuisambaza filamu hiyo mwezi huu na kuielezea kuwa imenena kisa cha kweli cha mapenzi yenye mafunzo ndani yake na kudai kuwa kinaweza kumtokea mtu yeyote. “Kwa muda mrefu sasa, nilikuwa nje ya sanaa kutokana na matatizo ambayo wote mnayajua, lakini namshukuru Mungu kanipa roho ya ujasiri, nakuja na ‘movie’ yangu mpya inayoitwa ‘Shaymaa’ ambayo imebeba uhalisia wa kisa cha kweli,” alisema. Wastara alisema kuwa filamu hiyo itatoa funzo kutokana na kisa kilichobebwa, ambacho kinaweza kumkuta mtu yeyote ambaye atampoteza mtu muhimu katika maisha yake na kumsababisha kuwa katika hali tofauti. na Happiness Mnale TANZANIA DAIMA GAZETI