33% YA WATOTO WANA UPUNGUFU WA VITAMIN A

TAKWIMU za taifa kuhusu demografia na afya ya jamii zimeonyesha upungufu wa Vitamin A unaathiri asilimia 33 ya watoto walio chini ya miaka mitano na asilimia 37 wanawake walio na umri wa kuzaa. Takwimu hizo zilitolewa jijini Dar es Salaam jana na Elifatio Towo kutoka Taasisi ya Chakula na Lishe Tanzania, aliyeeleza kwamba njia ya kupunguza tatizo hilo ni kutumia teknolojia ya kuongeza vitamin na madini katika vyakula vikuu ambavyo ni unga wa ngano, sukari, mafuta ya kupikia na unga wa mahindi. Towo alisema ili teknolijia hiyo ipate matokeo mazuri ni vema viwango sahihi vya uongezaji wa vitamin na madini katika chakula vikafanyika kwa uangalifu zaidi ikiwemo udhibiti, usimamizi na tathmini ya mpango wa uongezaji virutubisho kwa ngazi zote. Alizitaja changamoto wanazokabiliana nazo ni  pamoja na upelekaji elimu sahihi juu ya mpango wa kuongeza virutubisho vya chakula kwenye jamii, ikihusisha na mambo mengine ikiwamo kupunguza uzazi wa mpango. Changamoto nyingine ni kutokuwa na mfumo wa usambazaji wa vyakula, hali inayosababisha walengwa kuvipata kwa usumbufu na utambuzi wa vyakula vilivyoongezwa virutubishio bado haujaeleweka kwa jamii. na Happiness Mnale  TANZANIA DAIMA GAZETI