FA CUP: ARSENAL 4 EVERTON 1, WATINGA NUSU FAINALI!!

>>JUMAPILI MABINGWA WIGAN WAKO ETIHAD KUIVAA CITY!

WAKICHEZA kwao Emirates, Arsenal wametinga Nusu Fainali ya FA CUP baada ya kuifunga Everton Bao 4-1.

Mesut Ozil aliipa Arsenal Bao la Kwanza katika Dakika ya 7 baada kupokea pasi toka kwa Santi Cazorla hilo likiwa shambulio la kwanza tu kwa Arsenal.

Everton walisawazisha Dakika ya 32 kwa Bao la Romelu Lukaku kutokana na kazi nzuri ya Kiungo Ross Barkley amabe alikokota Mpira toka Nusu yake wa Uwanja na pasi yake kumkuta Kevin Mirallas aliepiga shuti fyongo na Mpira kumaliziwa na Romelu Lukaku huku Kipa Lukasz Fabianski akiwa amegaa chini.

Arsenal walipata Bao la Pili kwa Penati ya Mikel Arteta katika Dakika ya 67, Penati ambayo ilitolewa baada Alex Oxlade-Chamberlain kuangushwa na Gareth Barry.

Penati hiyo ilipigwa mara mbili na Arteta kufunga ya kwanza lakini Refa Mark Clattenburg aliamua irudiwe kufuatia Olivier Giroud kuingia ndani ya Boksi kabla haijapigwa na Giroud kulambwa Kadi ya Njano.

Bao nyingine mbili za Arsenal zilifungwa na Olivier Giroud katika Dakika za 83 na 85.

Arsenal atamjua Mpinzani wake wa Nusu Fainali, zitakazochezwa Wikiendi ya Aprili 12, baada ya Droo itakayofanyika Jumapili Machi 9.

VIKOSI:

ARSENAL: Fabianski, Sagna, Mertesacker, Vermaelen, Gibbs, Flamini, Arteta, Oxlade-Chamberlain, Özil, Cazorla, Sanogo.

Akiba: Rosicky, Podolski, Giroud, Viviano, Jenkinson, Miyaichi, Gnabry.

EVERTON: Robles, Coleman, Stones, Distin, Baines, McCarthy, Barry, Mirallas, Barkley, Pienaar, Lukaku.

Akiba: Hibbert, McGeady, Deulofeu, Naismith, Ösman, Howard, Browning.

Refa: Mark Clattenburg

FA CUP

RATIBA

ROBO FAINALI

[Saa za Bongo]

Jumapili Machi 9 

1500 Sheffield United v Charlton

1700 Hull City v Sunderland

1905 Manchester City v Wigan

THE FA CUP WITH BUDWEISER

MSIMU 2013-14

TAREHE ZA RAUNDI:

-NUSU FAINALI: Jumamosi Aprili 12 & Jumapili Aprili 13

-FAINALI: Jumamosi Mei 17