LIGI KUU ENGLAND:WEEKEND HII BIG MECHES MAN UNITED v LIVERPOOL,NA SPURS v ARSENAL!

>JUMAPILI: MAN UNITED v LIVERPOOL, SPURS v ARSENAL!

>>JUMAMOSI: VINARA CHELSEA VILLA PARK NA VILLA!!

WIKIENDI ZIPO Mechi 10 za Ligi Kuu England, Timu zote 20 dimbani, lakini ‘Habari ya Mujini’ ni SUPA SANDE wakati BIGI MECHI mbili, Manchester United v Liverpool, na ile Dabi ya London ya Kaskazini, Tottenham v Arsenal, zitakapokuwa Mechi pekee.

PATA TAARIFA/DONDOO/RATIBA:

LIGI KUU ENGLAND

RATIBA:

[Saa za Bongo]

Jumamosi Machi 15

1545 Hull v Man City

1800 Everton v Cardiff

1800 Fulham v Newcastle

1800 Southampton v Norwich

1800 Stoke v West Ham

1800 Sunderland v Crystal Palace

1800 Swansea v West Brom

2030 Aston Villa v Chelsea

Jumapili Machi 16

1630 Man United v Liverpool

1900 Tottenham v Arsenal

SUPA SANDE-Jumapili Machi 16

MANCHESTER UNITED v LIVERPOOL

-Old Trafford

IMEZOELEKA, kwenye Ligi Kuu England, kila Mechi hii ikifika, ni Man United ndio wanawania Ubingwa na Liverpool ndio wasindikizaji lakini safari hii, licha ya Man United kuwa ndio Mabingwa Watetezi, Liverpool ndio wanaowania Ubingwa na Man United sasa wanapigania walau waingie 4 Bora.

Hii ni Mechi ya 42 kwa Man United Msimu huu na pengine hii itakuwa mara ya 42 kwa Meneja wao David Moyes kutaja Kikosi tofauti kwa mara nyingine tena tofauti na Liverpool ambao panga pangua wamo Luis Suarez, Daniel Sturridge na Raheem Sterling.

TAKWIMU MUHIMU=

MAN UNITED v LIVERPOOL

VIKOMBE-Jumla:

LIVERPOOL 59 [Ubingwa England=18]

MAN UNITED 62 [Ubingwa England=20]

MECHI-Uso kwa Uso

LIVERPOOL=Ushindi 63

MAN UNITED=Ushindi 75

SARE=51

MECHI 6 ZILIZOPITA:

11 FEB 2012 Man United 2 Liverpool 1

23 Sep 2012 Liverpool 1 Man United 2

13 Jan 2013 Man United 2 Liverpool 1

1 Sep 2013 Liverpool  1 Man United 0

25 Sep 2013 Man United 1 Liverpool 0

Huku Jumatano wakikabiliwa na Mechi muhimu ya UEFA CHAMPIONZ LIGI dhidi ya Olympiakos ambao walishinda 2-0, ni vigumu kujua Moyes atapanga Kikosi kipi hasa kwa vile atataka kupindua kipigo cha Bao hizo 2-0 Siku ya Jumatano.

Hata hivyo, kama alivyonena Mchezaji wa zamani wa Man United, Gary Neville, ambae sasa ni Mchambuzi wa Sky Sports, kwamba: “Sikubali Gemu na Olympiakos ndio yenye presha kubwa. Nadhani hata Mashabiki wa Man United hapo Jijini kwao hawadhani kama watafuzu UCL. Kitu ambacho Mashabiki hao hawataki ni fedheha Jumamosi au Jumanne. Hawataki Wapinzani wao wa Jadi watue Old Trafford na kuwaonyesha wao ni wabovu kama walivyokuwa kwenye baadhi ya Mechi Msimu huu.”

Itakuwa kujitia kitanzi shingoni kwa Moyes kuboronga katika upangaji Kikosi.

TOTTENHAM v ARSENAL

-White Hart Lane

Tottenham na Arsenal zote zinatoka kwenye Mechi za Ulaya zote zikiwa na vipigo na kwa Arsenal ni kubwagwa nje ya UEFA CHAMPIONZ LIGI baada kufungwa Jumla ya Mabao 3-1 na Mabingwa Watetezi, Bayern Munich, wakati Tottenham wamechapwa 3-1 na Benfica kwenye Mechi ya Kwanza ya Raundi ya Mtoano ya Timu 16 ya EUROPA LIGI.

Wiki iliyopita, kwenye Ligi, Tottenham walichapwa 4-0 na Chelsea kwenye Ligi na kuibomoa azma yao ya kumaliza 4 Bora.

Hii ni Mechi muhimu kwa Arsenal kushinda kwani Mwezi huu wanakabiliwa na Mechi nyingine nzito dhidi ya Chelsea na Man City.

Jumamosi Machi 15

HULL CITY v MAN CITY

-KC Stadium

Ndoto ya kutwaa Mataji manne kwa Man City Msimu huu imeyeyuka baada, ndani ya Wiki moja, Wiki hii, kubwagwa nje ya FA CUP na Wigan na kutupwa nje ya UEFA CHAMPIONZ LIGI na Barcelona, na sasa wamebakia na Kombe moja, CAPITAL ONE CUP, ambalo wamelitwaa Majuzi na bado ipo ndoto ya kuwa Bingwa.

Wapo Pointi 9 nyuma ya Vinara Chelsea ingawa wao wana Mechi 3 mkononi, hivyo Mechi hii na Hull City kwao ni ‘piga ua’ ushindi lazima.

EVERTON v CARDIFF CITY

-Goodison Park

Everton bado wana ndoto za kumaliza ndani ya 4 Bora na Cardiff City wao wanapigania uhai wao kubaki Ligi Kuu England.

Baada kubwagwa nje ya FA CUP na Arsenal kwa kutandikwa 4-1 na Arsenal, Everton watataka kumaliza machungu yao dhidi ya Kikosi cha Nguli wa Man United, Ole Gunnar Solskjaer, ambao Wikiendi iliyopita waliambua ushindi wao wa pili katika Mechi 9 walipoichapa Fulham 3-1.

FULHAM v NEWCASTLE

-Craven Cottage

Fulham wako mkiani na bila ushindi watazidi kujichimbia shimo lao na safari hii wanapambana na Newcastle ambayo haina Meneja baada Alan Pardew kufungiwa Mechi 7 na hii ni Mechi yake ya kwanza Kifungoni ambayo pia haruhusiwi kabisa kuwepo Uwanjani.

SOUTHAMPTON v NORWICH

-St Mary’s

Southampton  hawajashinda katika Mechi zao 3 zilizopita za Ligi Uwanjani kwao lakini wanatinga kwenye Mechi hii wakitoka kwenye ushindi wa Ugenini walipoichapa Crstal Palace Bao 1-0.

Wikiendi iliyopita, Norwich, ambao nao si salama kwenye Ligi, walitoka Sare 1-1 na Stoke City.

STOKE v WEST HAM

-The Britannia

West Ham na Stoke, pamoja na Aston Villa, zote zina Pointi 31.

Stoke watawakosa Jonathan Walters na Charlie Adam, wote wakiwa Kifungoni, na wanapambana na West Ham ambayo ilishinda Mechi 4 mfululizo kabla kufungwa na Everton.

SUNDERLAND v CRYSTAL PALACE

-Stadium of Light

Hii ni Mechi muhimu kwa Timu zote mbili katika vita yao kujinusuru kushushwa Daraja.

SWANSEA v WEST BROM

-Liberty Stadium

Swansea hawajashinda katika Mechi 3 za Ligi na wapo Pointi 4 juu ya zile Timu 3 za mkiani, pamoja na West Brom, ambao wako Nafasi ya 4 toka mkiani, hivyo ushindi kwao ni kufa na kupona.

West Brom, chini ya Meneja mpya, Pepe Mel, hawajashinda hata Mechi moja na hii ni moja ya mlolongo wa Mechi ambazo ushindi kwao unawezekana na, baada ya hii, zitafuata Mechi dhidi ya Cardiff na Norwich, wote wakipigania uhai wao.

ASTON VILLA v CHELSEA

-Villa Park

Ushindi kwa Chelsea utawabakisha Pointi 7 au zaidi kileleni na bado Jose Mourinho, Meneja wa Chelsea, anadai wao sio Mabingwa watarajiwa.

Baada kufungwa Mechi 4 mfululizo, Aston Villa waliibuka kwa kuitandika Norwich 4-1 katika Mechi yao ya mwisho.

MSIMAMO:

NA	TIMU	P	GD	PTS
1	Chelsea	29	34	66
2	Liverpool	28	38	59
3	Arsenal	28	24	59
4	Man City	26	42	57
5	Tottenham	29	0	53
6	Man United	28	12	48
7	Everton	27	11	48
8	Newcastle	28	-2	43
9	Southampton	30	2	42
10	West Ham	28	-4	31
11	Aston Villa	28	-7	31
12	Stoke	29	-14	31
13	Hull	28	-5	30
14	Swansea	28	-4	29
15	Norwich	29	-22	29
16	Crystal Palace	28	-19	27
17	West Brom	28	-11	25
19	Cardiff	29	-28	25
18	Sunderland	26	-16	24
20	Fulham	29	-36	21