JOSE MOURINHO AMPONDA REFA CHRIS FOY BAADA CHELSEA KUFUNGWA!

MENEJA wa Chelsea Jose Mourinho amemponda Refa Chris Foy baada Jana Chelsea kufungwa Bao 1-0 na Aston Villa huko Villa Park kwenye Mechi ya Ligi Kuu England na Wachezaji wake wawili kutolewa nje kwa Kadi Nyekundu.

Vile vile, Mourinho mwenyewe alitimuliwa na Refa Foy na kuamriwa kuondoka Benchi kwenda Jukwaani kufuatia rabsha baada kutolewa kwa Ramires aliecheza Rafu mbaya na mapema Willian nae alitolewa nje baada kuzoa Kadi za Njano mbili.

Akiongea baada ya Mechi hiyo, Mourinho alilalamika: “Lazima tulikuwa hatuna bahati kabisa baada uchezeshaji wa Refa wa namna hii. Hii si kosa moja toka kwa Refa bali uchezeshaji wa aina hiyo tangu Dakika ya 1 hadi 94.”

MAREFA NA CHELSEA:

-REFA Chris Foy amewatoa Wachezaji 6 wa Chelsea katika Ligi Kuu England akipitwa tu na Refa Mike Dean ambae ameshawapa Wachezaji 7 wa Chelsea Kadi Nyekundu kwenye Ligi hiyo.

Akiongea kuhusu kutolewa kwake nje na Refa Chris Foy, Mourinho alisema: “Sijui kwanini nilitolewa. Nilimuuliza lakini Refa alikataa kuniambia!”

Aliongeza: “Gabriel Agbonlahor alikuwa Benchi na yeye akaingia Uwanjani na kumvuta Ramires. Kisha kila Mtu aliingia Uwanjani, mimi, Paul Lambert [Meneja wa Villa] na Wasaidizi wangu! Kama ni kutolewa wote ilibidi tutolewe.”

LIGI KUU ENGLAND:

MSIMAMO:

NA	TIMU	P	GD	PTS
1	Chelsea	30	33	66
2	Man City	27	44	60
3	Liverpool	28	38	59
4	Arsenal	28	24	59
5	Tottenham	29	0	53
6	Man United	28	12	48
7	Everton	27	11	48
8	Newcastle	28	-2	43
9	Southampton	30	2	42
10	Aston Villa	29	-6	34
11	West Ham	28	-4	31
12	Stoke	29	-14	31
13	Hull	29	-7	30
14	Swansea	28	-4	29
15	Norwich	29	-22	29
16	Crystal Palace	28	-19	27
17	West Brom	28	-11	25
19	Cardiff	29	-28	25
18	Sunderland	26	-16	24
20	Fulham	29	-36	21