MISRI YA ILITAARIFU ISLAEL KABLA YA KUMPINDUA MORSI

Taarifa za kituo kimoja cha habari zinasema kuwa mchambuzi wa masuala ya kijeshi wa utawala wa Israel, Rooney Daniel amefichua kuwa Waziri wa Ulinzi wa Misri, Abdul Fatah Al-Sisi, aliitaarifu Israel kuhusu kuwepo kwa njama za kumpindua Rais Muhammad Morsi wa nchi hiyo siku tatu kabla ya tukio hilo.

Taarifa hizo zinasema kuwa Rooney Daniel akizungumza kupitia chaneli ya televisheni ya utawala huo, amesema kuwa Al-Sisi aliutaka utawala wa Israel kuimarisha ulinzi dhidi ya Harakati ya Mapambano ya Kiislamu ya Palestina, HAMAS, kwa kuhofia kuwa inaweza kutoa radiamali kali dhidi ya Misri.

Aidha amesema kuwa, Al-Sisi aliwambia viongozi wa Tel Aviv kwamba, anaiogopa harakati ya HAMAS na Israel ilimuhakikishia waziri huyo wa ulinzi wa Misri kwamba, itaweka ulinzi mkali katika mipaka ya Ukanda wa Ghaza ili kuzuia hatua zozote zinazoweza kuchukuliwa na HAMAS.

Kwa upande wake utawala wa Israel ulimtaka Al-Sisi kuharibu njia za chini kwa chini zinazotumiwa na wakazi wa Ukanda wa Ghaza mkabala na ulinzi huo wa Israel. 

 CHANZO WAVUTI.COM