FA CUP-ROBO FAINALI: LEO ARSENAL KUIVAA EVERTON!!

>>JUMAPILI MABINGWA WIGAN WAKO ETIHAD KUIVAA CITY!

FA CUP

RATIBA

ROBO FAINALI

[Saa za Bongo]

Jumamosi Machi 8

1545 Arsenal v Everton

PATA TATHMINI/DONDOO:

Hali za Timu

Arsenal watacheza bila Kiungo Jack Wilshere ambae alivunjika Mguu kwenye Mechi ya England na Denmark Juzi Jumatano.

Meneja wa Arsenal, Arsene Wenger, amegusia kuwa Sentahafu Laurent Koscielny yuko fiti lakini Aaron Ramsey na Kim Kallstrom bado ni Majeruhi.

Nahodha wa Everton, Phil Jagielka, ana hatihati kubwa ya kucheza akikabiliwa na tatizo la Musuli za Pajani [Hamstring] lakini Beki mwenzake, Antolin Alcaraz, yuko tayari kurejea baada kuwa nje Gemu 6 akikabiliwa na tatizo la Musuli.

Tathmini

Arsenal walifungwa 1-0 na Stoke City Wikiendi iliyopita kwenye Mechi ya Ligi Kuu England lakini Wenger anategemea Timu yake kuibuka na ushindi ili waendelee kwenye mbio za kutwaa Kombe lao la kwanza tangu Mwaka 2005.

Wenger amesema: “FA CUP ni moja ya vitu muhimu kwetu! Tulihuzunishwa kufungwa na Stoke na ni muhimu kushinda Mechi hii!”

Nae Meneja wa Everton Roberto Martinez, ambae Timu yake ilitoka Sare ya 1-1 na Arsenal kwenye Ligi Mwezi Desemba Uwanjani Emirates, anaamini Timu yake ipo kwenye wakati mbaya kucheza na Arsenal wakati huu.

Amesema: “Itakuwa Gemu ya kusisimua! Wao kucheza Nyumbani ni kitu kikubwa na watajaribu kila kitu kushinda Mechi hii baada ya kufungwa Mechi iliyopita!  Pengine huu ni wakati mbaya kucheza nao!”

Dondoo muhimu

-Arsenal na Everton wamekutana mara 3 tu kwenye FA CUP na mara ya mwisho ni 1981.

-Everton wameshinda mara 2, Miaka ya 1910 & 1981, na Arsenal mara 1, Mwaka 1928.

-Everton hawajashinda hata Mechi moja Nyumbani kwa Arsenal katika Mechi 19 zilizopita na Rekodi ni Ushindi: 0, Sare: 4 Kufungwa: 15 lakini wameambua Sare 2 katika Mechi zao 2 za mwisho.

-Roberto Martinez alikuwa Meneja wa Wigan Athletic ilipotwaa FA CUP Msimu uliopita.

VIKOSI VINATARAJIWA

ARSENAL [Mfumo: 4-2-3-1]:

-Szczesny

-Sagna, Mertesacker, Koscielny, Gibbs

-Arteta, Oxlaide-Chamberlain

-Cazorla, Ozil, Podolski

-Giroud

EVERTON [Mfumo: 4-2-3-1]:

Howard

-Coleman, Stones, Distin, Baines

-McCarthy, Barry

-Deulofeu, Osman, Pienaar

-Naismith

Refa: Mark Clattenburg [Mechi: 29, Kadi Nyekundu: 1 Kadi za Njano: 95]

FA CUP

RATIBA

ROBO FAINALI

[Saa za Bongo]

Jumapili Machi 9

1500 Sheffield United v Charlton

1700 Hull City v Sunderland

1905 Manchester City v Wigan

THE FA CUP WITH BUDWEISER

MSIMU 2013-14

TAREHE ZA RAUNDI:

-NUSU FAINALI: Jumamosi Aprili 12 & Jumapili Aprili 13

-FAINALI: Jumamosi Mei 17