BALAA! TORRES KUTIMKIA INTER MILAN, COSTA, BALOTELLI WATUPIWA NYAVU NA MOURINHO!!

• Inter wanataka Fernando Torres aungane na Nemanja Vidic, ambaye amekubali kujiunga na klabu hiyo ya Italia baada ya kumalizika kwa mkata wake na Manchester United mwishoni mwa msimu huu.
• Chelsea wanatarajia kuiwania saini ya nyota wa  Atletico Madrid,  Diego Costa,  nyota wa Monaco,  Radamel Falcao na mtukutu wa  AC Milan,  Mario Balotelli
• Chelsea wanataka kutumia dau kubwa zaidi kusajili majira ya kiangazi, lakini wanahitaji kuuza wachezaji ili kuendana na sheria ya matumizi ya fedha ya UEFA (UEFA’s Financial Fair Play restrictions).

KLABU ya Inter Milan imeandaa kitita cha paundi milioni 20 kuinasa saini ya mshambuliaji wa Chelsea, Raia wa Hispania, Fernando Torres ambaye mpaka sasa anashikilia rekodi ya uhamisho nchini England.

Torres amebakisha  miaka miwili katika mkataba wake ambao analipwa pauni laki moja moja na nusu kwa wiki.

Nyota huyo alijiunga na Chelsea akitokea Liverpool miaka mitatu iliyopita kwa ada ya uhamisho wa paundi milioni 50, lakini sasa inaoneakana anaweza kuuzwa kutokana na kocha wake Jose Mourinho kuhitaji kutumia fedha nyingi kufanya usajili msimu ujao.

Mourinho alinaswa na kamera siku za karibuni akiwa katika mazungumzo ya siri  na bosi wa Kampuni ya  Swiss watch company akilalamika kuwa timu yake haina mshambuliaji msimu huu wakati kuna changamoto kubwa ya kuwania ubingwa wa ligi kuu nchini England.

Diego Costa,  Radamel Falcao na  Mario Balotelli ndio chaguo la Mourinho, lakini Chelsea wanahitaji kuwa makini ili kutovunja sheria ya matumizi ya fedha ya UEFA.

Katika biashara hiyo, Torres ndiye atakayeamua kitita cha kulipwa hata kama thamani yake imeshuka kufuatia kuwa katika kiwango cha chini miaka yote mitatu darajani.

Mmiliki mpya wa Inter, mfanya biashara Raia wa Indonesia, Erick Thohir amesisitiza kuwa hatatumia pesa nyingi kujenga timu, lakini atatoa fedha kiasi ili kumuunga mkono kocha wake Walter Mazzarri katika msimu wa usajili.

Wawakilishi wa Inter walikuwa katika mzungumzo na Chelsea kipindi cha usajili wa dirisha dogo wakimuomba Juan Mata ili wabadilishane na  Fredy Guarin.  Lakini hakuna dili lililokamilika na b, hivyo klabu hiyo ya Italia inarudi kwa Torres.

Hali ngumu: Torres amekuwa katika wakati mgumu sana tangu asajiliwe na Chelsea akitokea Liverpool kwa ada ya paundi milioni 50

Jembe jipya!: Jose Mourinho  ametaja wachezaji anaowania akiwemo nyota wa Atletico Madrid,  Diego Costa

 Mtukutu: Mourinho anataka kuungana na mshambuliaji wa zamani wa  Inter Milian na sasa akiichezea AC Milan, Mario Balotelli, 

 Usajili wa Torres unakuja baada ya Iinter kutangaza kumsajili nahodha wa Manchester United Nemanja Vidic kwa ajili ya msimu ujao.

Mtandao wa Sportsmail uliweka wazi siku za nyuma jinsi ambavyo Inter wanahitaji kumsajili beki huyo mkongwe wa Man Unted ambaye aliweka bayana kuwa anataka kuondoka mwishoni mwa msimu.

Klabu ya Inter imethibitisha kukamilisha usajili wa Vidic jumanne ya wiki hii na picha ya mkongwe huyo iliwekwa katika mtandao rasmi wa Twita wa Inter na kuandikiwa maneno ya kumkaribisha ambayo yalisomeka; ” Hapa Vidic anasaini mkataba wake. Tutaonana mwezi wa sita, Nemanja!”

Makubaliano yameshafikiwa katika mkataba huo wa miaka miatatu ambao utampeleka Vidic katika kustaafu soka.

 Anasepa zake!: Vidic atajiunga na Inter baada ya kumalizika kwa mkataba wake msimu huu katika klabu yake ya Manchester United