TAARIFA YA JESHI LA POLISI MKOA WA MBEYA KWA VYOMBO VYA HABARI WATONO WASHIKILIWA KWA MAKOSA MBALIMBALI

 

 “PRESS RELEASE” TAREHE 13.03.2014.

• JESHI LA POLISI MKOA WA MBEYA  LAWASHIKILIA WATU WATANO KWA TUHUMA ZA MAKOSA MBALIMBALI  KUTOKANA NA MISAKO ILIYOFANYIKA

JESHI LA POLISI MKOA WA MBEYA LAWASHIKILIA WATU WATANO [05] KWA TUHUMA ZA MAKOSA MBALIMBALI KUTOKANA NA MISAKO ILIYOFANYIKA.

JESHI LA POLISI MKOA WA MBEYA LINAWASHIKILIA WATU WATANO [05] KUHUSIANA NA TUHUMA ZA MAKOSA MBALIMBALI. KATIKA TUKIO LA KWANZA ALPHONCE PATRICK [19] MKAZI WA KIJIJI CHA MBALA WILAYA YA CHUNYA ALIKAMATWA AKIWA NA BHANGI KETE 10 ZENYE UZITO WA GRAM 50. TUKIO HILO LILITOKEA TAREHE 11.03.2014 MAJIRA YA SAA 15:13 ALASIRI KATIKA KIJIJI CHA MBALA, KATA YA MBALA, TARAFA YA KWIMBA KUFUATIA MSAKO ULIOFANYWA NA JESHI LA POLISI.

 AIDHA WATU WENGINE WAWILI 1.KILLY SHUSHA [18] NA 2. MLAWA SAKSON [18] WOTE WAKAZI WA KIJIJI CHA MAGAMBA WILAYA YA CHUNYA WALIKAMATWA NA JESHI LA POLISI WAKIWA NA BHANGI GRAM KUMI [10]. TUKIO AMBALO LILITOKEA TAREHE 12.03.2014 MAJIRA YA SAA 11:00 ASUBUHI KATIKA KIJIJI NA KATA YA   MAGAMBA, TARAFA YA  SONGWE, KUFUATIA MSAKO ULIOFANYWA NA JESHI LA POLISI.

KATIKA TUKIO JINGINE WATU WAWILI 1. CHAZALI INYAMAGOHA [45] NA 2. SAMWEL MTOKOMA [50] WOTE WAKAZI WA KIJIJI CHA ISONGOLE WILAYA YA ILEJE WALIKAMATWA WAKIWA NA MALI IDHANIWAYO KUWA YA WIZI.  CHAZALI INYAMAGOHA ALIKAMATWA AKIWA NA MIFUKO MINNE [04] YA SIMENTI NA SAMWEL MTOKOMA ALIKAMATWA AKIWA NA NONDO 55 MALI INAYODHANIWA KUWA NI YA WIZI KUTOKA KAMPUNI YA SIMU ZA MKONONI YA VODACOM. TUKIO HILO LIMETOKEA TAREHE 12.03.2014 MAJIRA YA SAA 08:00 ASUBUHI KATIKA KIJIJI HICHO CHA ISONGOLE TARAFA YA BULAMBYA, KUFUATIA DORIA /MSAKO ULIOFANYWA NA JESHI LA POLISI.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA  WITO KWA JAMII KUACHA TABIA YA  KUTUMIA DAWA ZA KULEVYA KWANI NI KINYUME CHA SHERIA NA NI HATARI KWA AFYA YA  MTUMIAJI. AIDHA ANATOA RAI KWA JAMII KUACHA TAMAA YA  UTAJIRI WA HARAKA KWA KUTUMIA NJIA ZA MKATO KWANI HUWEZI KUPAMBANA NA UMASIKINI WA KIPATO KWA NJIA ZA MKATO BADALA YAKE WANANCHI WAFANYE KAZI HALALI KWA LENGO LA KUPATA KIPATO HALALI IKIWA NI PAMOJA NA KUNUNUA MALI HALALI KATIKA SEHEMU HUSIKA. PIA KAMANDA WA POLISI MKOA WA MBEYA ANATOA WITO KWA WANANCHI KUENDELEA KUTOA TAARIFA SAHIHI NA KWA WAKATI KUHUSIANA NA UHALIFU NA WAHALIFU ILI WAKAMATWE NA HATUA ZA KISHERIA ZICHUKULIWE DHIDI YAO.

Signed by:

[AHMED Z. MSANGI – SACP]

KAMANDA WA POLISI MKOA WA MBEYA.