RASMI! MAHAKAMA YARUHUSU UCHAGUZI SIMBA SC KUFANYIKA JUNI 29

 

Mahakama yaruhusu uchaguzi ya Simba kufanyika juni 29 mwaka huu.

Na Baraka Mpenja, Dar es salaam

Imechapishwa Juni 27, 2014, saa 12:58

BAADA ya mizengwe kugubika uchaguzi wa Simba sc , sasa kimeeleweka baada ya mahakamu kuu kuruhusu mchakato huo kuendelea kama kawaida.

Baadhi ya wanachama wa Simba walienda mahakama kuu wakihitaji chombo hicho cha dola kusimamisha uchaguzi wa Simba unaotarajia kufanyika juni 29 mwaka huu.

Sababu ya wanachama hao ilikuwa ni kupinga maamuzi ya kamati ya uchaguzi ya Simba, chini ya mwenyekiti wake, Wakili Damas Daniel Ndumbaro, kuliengua jina la aliyekuwa mgombe wa Urais, Michael Wambura kwa mara ya pili.

Hii hapa ni kauli ya katibu mkuu wa Simba, Ezekiel Kamwaga aliyotoa jioni hii.

“Confirmed.... Uchaguzi upo Jumapili. Mahakama imeruhusu. Kazi kwenu wana SIMBA”.

Hata hivyo, suala la wanachama kupelekea suala la michezo katika mahakama ya kawaida ilikuwa ni hatari zaidi kwa klabu ya Simba kwasababu sheria za mpira ziko wazi na hairuhusiwi kupeleka mambo ya mpira mahakama za dola.

FIFA wanataka masuala ya mpira yasuluhishwe katika mifumo yake ya haki na si vinginevyo.

Kupeleka mambo ya mpira mahakama za kawaida ilikuwa moja ya sababu iliyokuwa na nguvu kumuengua Wambura kwa mara ya kwanza.

Hata hivyo kwa mujibu wa taarifa iliyotumwa kwa vyombo vya habari na katibu mkuu wa Simba, Kamwaga jioni ya leo imesema kamati ya Uchaguzi ya Simba SC imesema kuwa inapenda kuwaalika wanachama wote wa Simba katika Mkutano Mkuu wa Uchaguzi wa Klabu uliopangwa kufanyika Keshokutwa Jumapili, Juni 29 mwaka huu, katika Ukumbi wa Bwalo la Maofisa wa Polisi, Oysterbay jijini Dar es Salaam.

Kamwaga alifafanua kuwa katika uchaguzi huo, jumla ya wagombea 27 wanatarajiwa kushiriki na Kamati ya Uchaguzi imeazimia kwamba suala la muda litazingatiwa sana safari hii kutokana na ukweli wa kuwepo kwa wagombea wengi.

COUTINHO NDANI YA DAR, SASA YANGA MAMBO BOMBA!

 

BAADA ya kocha mpya wa klabu ya Yanga, Mbrazil,  Marcio Maximo kuwasili jana nchini pamoja na msaidizi wake Leonadro Martins Neiva , mchana wa leo kiungo mshambuliaji Andrey Macrcel Ferreira Coutinho tayari yupo ndani ya Dar.

Coutinho amewasili mchana wa leo kwa shirika la Ndege la Afrka Kusini tayari kwa ajili ya kujiunga na kikosi cha Young Africans kwenye maandalizi ya msimu mpya wa 2014/2015