FIFA imemuondolea marufuku Beckenbauer.

FIFA imemuondolea marufuku Beckenbauer.

Shirikisho la Soka Duniani Fifa imefutilia mbali marufuku ya miezi mitatu dhidi ya aliyekuwa kocha wa Ujerumani Franz Beckenbauer.

Beckenbauer, ambaye ni moja kati ya wachezaji wachache ambao wamewahi kutwaa kombe la dunia wakiwa wachezaji na pia kama Kocha wa Ujerumani alikuwa amepigwa marufuku hiyo na FIFA kwa kususia uchunguzi dhidi ya tuhuma za hongo zinazoiandama ushindi wa Qatar kuwa mwenyeji wa kombe la dunia la mwaka wa 2022.

Beckenbauer 68,alikuwa mmoja wa wanakamati waliochagua Wenyeji wa kombe lijalo la dunia mwaka wa 2018 Urusi na Qatar 2022.

FIFA imemuondolea marufuku Beckenbauer.

Kulingana na meneja wake Beckenbauer,aliarifiwa jioni kuwa marufuku yake ikuwa imeondoplewa .
Licha ya habari hizo nzuri Beckenbauer,hatosafiri kwenda Brazil kwa kombe la dunia ambapo timu ya ujerumani imeratibiwa kuchuana na Algeria jumatatu ijayo katika mkondo wa pili.
Beckenbauer ameshauriwa na Fifa kushirikiana na wakili mmarekani Michael Garcia anayeongoza uchunguzi huo..
Beckenbauer, ambaye ni rais wa klabu ya Bayern Munich, anasisitiza kuwa alipewa maswali ya kizungu ambayo hakuelewa mbali na kunyimwa fursa ya kujadili maswala husika kwa kina akitumia lugha yake ya Kijerumani.

FIFA imemuondolea marufuku Franz Beckenbauer.

Garcia anachunguza tuhuma kuwa aliyekuwa mwakilishi wa Qatar Mohamed bin Hammam alitumia zaidi ya pauni milioni tatu kuwashawishi wanakamati wa shirikisho la soka duniani FIFA kupigia Qatar kura ya kuwa mwenyeji wa kombe la dunia la mwaka wa 2022.
Ripoti yake inatarajiwa kutolewa ifikapo mwezi Julai.