KOMBE LA DUNIA: PATASHIKA RAUNDI YA MTOANO JUMAMOSI, BRAZIL v CHILE!! ANGALIA RATIBA HAPA

>>KISHA COLOMBIA v URUGUAY!!

>>VITA ‘BUTI YA DHAHABU’, MESSI, NEYMAR NA THOMAS MULLER!

FAINALI za Kombe la Dunia huko Brazil sasa zimeingia Hatua ya Mtoano na zipo Timu 16 zinazowania kutinga Robo Fainali.

Jumamosi, Juni 28, Wenyeji Brazil watacheza na wenzao wa Marekani ya Kusini Chile huko Estadio Mineirao Jijini Belo Horizonte.

Baadae Siku hiyo hiyo, Colombia wataivaa Uruguay Uwanjani Maracana Jijini Rio de Janeiro na Uruguay watacheza bila ya Straika wao Luis Suarez, anaechezea Liverpool huko England baada Mchezaji huyo kupigwa rungu na FIFA na kufungiwa Miezi Minne kutoshiriki shughuli yeyote ya Soka pamoja na Mechi 9 za Uruguay baada kupatikana na hatia ya kumng’ata Meno Beki wa Italy, Giorgio Chiellini.

Mbali ya Timu kuwania kutinga Robo Fainali pia ipo vita binafsi ya kugombea Buti ya Dhahabu na hadi sasa Wachezaji Wanne wanafukuzana wakiwa na Bao 4 kila mmoja.

Hao wanne ni Thomas Muller wa Germany, ambae ndie alietwaa Tuzo hiyo Fainali zilizopita Mwaka 2010 huko Afrika Kusini, Lionel Messi na Supastaa wa Brazil, Neymar.

KOMBE LA DUNIA

RAUNDI YA PILI YA MTOANO

**Saa za Bongo

JUMAMOSI, JUNI 28, 2014
SAA	MECHI NA	MECHI		UWANJA	MJI
1900	49	Brazil v Chile		Mineirão	Belo Horizonte
2300	50	Colombia v Uruguay		Maracanã	Rio de Janeiro
JUMAPILI, JUNI 29, 2014
SAA	MECHI NA	MECHI		UWANJA	MJI
1900	51	Netherlands v Mexico		Castelao	Fortaleza
2300	52	Costa Rica v Greece		Pernambuco	Recife
JUMATATU, JUNI 30, 2014
SAA	MECHI NA	MECHI	UWANJA		MJI
1900	53	France v Nigeria	Nacional		Brasilia
2300	54	Germany v Algeria	Beira-Rio		Porto Alegre
JUMANNE, JULAI 1, 2014
SAA	MECHI NA	MECHI	UWANJA		MJI
1900	55	Argentina v Switzerland	Corinthians		Sao Paulo
2300	56	Belgium v USA	Fonte Nova		Salvador

**KWA RATIBA/MATOKEO KAMILI BOFYA: