AUWAWA KWA KIPIGO BAADAYA KUIBA PIKIPIKI MBALIZI MKOAN MBEYA

TAARIFA YA JESHI LA POLISI MKOA WA MBEYA KWA VYOMBO VYA HABARI

 

MWANAUME MMOJA ASIYEFAHAMIKA JINA WALA MAKAZI MWENYE UMRI KATI YA  MIAKA 30-35 ALIUAWA KWA KUPIGWA SEHEMU MBALIMBALI ZA MWILI WAKE NA KUNDI LA WANANCHI WALIOAMUA KUJICHUKULIA SHERIA MKONONI WAKITUMIA SILAHA ZA JADI FIMBO, MAWE NA RUNGU KUTOKANA NA TUKIO LA UNYANG’ANYI  WA PIKIPIKI.

TUKIO HILO LIMETOKEA MNAMO TAREHE 11.06.2014 MAJIRA YA SAA 17:30 JIONI KATIKA KIJIJI CHA IDIGA, KATA YA USONGWE, TARAFA YA BONDE LA USONGWE, WILAYA YA KIPOLISI MBALIZI, MKOA WA MBEYA. INADAIWA KUWA MAREHEMU ALIMKODI MWENDESHA PIKIPIKI YENYE NAMBA ZA USAJILI T.773 CDJ AINA YA T-BETTER ALIYEFAHAMIKA KWA JINA LA IMANI EMANUEL (19) MKAZI WA KIJIJI CHA SONGWE NA WALIPOFIKA MBELE ZAIDI NDIPO ALIJITOKEZA MTU MWINGINE NA KWA PAMOJA WALINYANG’ANYA PIKIPIKI NA KISHA KUMFUNGA MIKONO NA MIGUU KWA MIPIRA NA KUTOWEKA NA PIKIPIKI HIYO.

MWENDESHA PIKIPIKI HUYO ALIFANIKIWA KUJIFUNGUA NA KUKIMBIA KUOMBA MSAADA KWA WAENDESHA PIKIPIKI WENZAKE NA WANANCHI WA ENEO HILO NA KUANZA KUWAFUATILIA WATUHUMIWA HAO KISHA KULIZINGILA ENEO HILO NA KUFANIKIWA KUWAKUTA WATUHUMIWA WAKIIKOKOTA PIKIPIKI HIYO MARA BAADA YA KUISHIWA MAFUTA. MTUHUMIWA MMOJA KATI YA WAWILI ALIKAMATWA NA KUPIGWA SEHEMU ZA KICHWANI HALI ILIYOSABABISHA KIFO CHAKE, AIDHA MTUHUMIWA MWINGINE ALIFANIKIWA KUKIMBIA NA KUINGIA KATIKA DIBWI LA MAJI NA KUTOKOMEA HUMO. JUHUDI ZA KUMTAFUTA ZINAENDELEA.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA WANANCHI KUACHA TABIA YA KUJICHUKULIA SHERIA MKONONI KWANI NI KINYUME CHA SHERIA NA BADALA YAKE WAWAFIKISHE WATUHUMIWA WANAOWAKAMATA KWA TUHUMA MBALIMBALI KATIKA MAMLAKA HUSIKA KWA HATUA ZAIDI ZA KISHERIA.

KATIKA TUKIO LA PILI:

MWANAMKE MMOJA ALIYETAMBULIKA KWA JINA LA MADAWA JASTON (29) MKAZI WA KIJIJI CHA ISANGATI ALIUAWA KWA KUCHOMWA KISU KICHWANI, USONI NA MIGUUNI NA MUME WAKE AITWAYE JOSEPH JOHN (49) MKAZI WA KIJIJI CHA ISANGATI.

MWILI WA MAREHEMU ULIKUTWA NDANI YA NYUMBA ALIMOKUWA AMELALA MAREHEMU MNAMO TAREHE 11.06.2014 MAJIRA YA SAA 11:00 ASUBUHI. TUKIO HILO LIMETOKEA KATIKA KIJIJI CHA ISANGATI, KATA YA IHANGO, TARAFA YA TEMBELA, WILAYA YA  KIPOLISI MBALIZI,  MKOA WA MBEYA.

MTUHUMIWA KABLA YA KUTEKELEZA TUKIO HILO ALIMVAMIA NA KISHA KUMCHOMA KISU MKE WAKE AKIWA AMELALA NDANI KISHA KUKIMBIA. CHANZO CHA TUKIO BADO KINACHUNGUZWA, JUHUDI ZA KUMTAFUTA MTUHUMIWA ZINAENDELEA.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA MAHALI ALIPO MTUHUMIWA WA TUKIO HILI AZITOE KATIKA MAMLAKA HUSIKA ILI AKAMATWE NA HATUA ZA KISHERIA ZICHUKULIWE DHIDI YAKE.

KATIKA TUKIO LA TATU:

WATU WAWILI WALIOTAMBULIKA KWA MAJINA YA 1. RASHID MFINANGA NA 2. GODENI KATEMU (60) MKAZI WA UYOLE WAMEFARIKI DUNIA PAPO HAPO BAADA YA MAGARI MAWILI WALIYOKUWA WAKISAFIRIA KUGONGANA NA KISHA KUPINDUKA.

AJALI HIYO IMETOKEA MNAMO TAREHE 11.06.2014 MAJIRA YA SAA 19:30 JIONI KATIKA ENEO LA KIJIJI CHA ITEWE, KATA YA INYALA, TARAFA YA TEMBELA, WILAYA YA KIPOLISI MBALIZI, MKOA WA MBEYA KATIKA BARABARA KUU YA MBEYA/NJOMBE.

KATIKA AJALI HIYO, GARI LENYE NAMBA ZA USAJILI T.254 BFZ AINA YA MITSUBISHI FUSO LILILOKUWA LIKIENDESHWA NA DEREVA RASHID MFINANGA (37) MKAZI WA MOSHI LIKITOKEA UYOLE KUELEKEA NJOMBE LILIGONGA UBAVUNI GARI T.837 ATC AINA YA TOYOTA HAICE LILILOKUWA LIKITOKEA CHIMALA KUELEKEA MBEYA MJINI  LIKIENDESHWA NA DEREVA MRADI CHANDE (34) MKAZI WA KIJIJI CHA ILONGO KISHA MAGARI YOTE KUPINDUKA

AIDHA KATIKA AJALI HIYO WATU WANNE WALIJERUHIWA AMBAO MAJINA YAO BADO KUFAHAMIKA KATI YAO WANAUME WATATU NA MWANAMKE MMOJA. CHANZO CHA AJALI KINACHUNGUZWA.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO IKIWA NI PAMOJA NA KUFUATA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA.

KATIKA TUKIO LA NNE:

MTOTO MWENYE UMRI WA MIAKA 03 ALIYETAMBULIKA KWA JINA LA JOSHUA SHUKRANI MKAZI WA ILEMI ALIFARIKI DUNIA WAKATI ANAPELEKWA HOSPITALI YA RUFAA MBEYA KWA MATIBABU BAADA YA KUGONGWA NA GARI LISILOFAHAMIKA WALA DEREVA ASIYEFAHAMIKA.

AJALI HIYO ILITOKEA MNAMO TAREHE 11.06.2014 MAJIRA YA SAA 12:15 MCHANA KATIKA ENEO LA MTAA WA MWAFUTE, KATA YA ILEMI, TARAFA YA IYUNGA,  JIJI NA MKOA WA MBEYA KATIKA BARABARA YA TRANSFORMER JIJINI MBEYA. CHANZO CHA AJALI KINACHUNGUZWA.  MWILI WA MAREHEMU UMEHIFADHIWA HOSPITALI YA RUFAA MBEYA. DEREVA ALIKIMBIA NA GARI MARA 

BAADA YA TUKIO, JITIHADA ZA KUMTAFUTA ZINAENDELEA.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO IKIWA NI PAMOJA NA KUFUATA SHERIA NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA. AIDHA ANATOA WITO KWA YEYOTE MWENYE TAARIFA ZA MAHALI ALIPO MTUHUMIWA AZITOE KATIKA MAMLAKA HUSIKA ILI AKAMATWE NA HATUA ZA KISHERIA ZICHUKULIWE DHIDI YAKE.

Imetolewa na:

[AHMED Z. MSANGI – SACP]

KAMANDA WA POLISI MKOA WA MBEYA.