KOMBE LA DUNIA 2014; KUNDI E UFARANSA WASHINDWE WENYEWE TU

 

UFARANSA, mabingwa wa mwaka 1998 wapo kundi moja na Uswisi, Ecuador na Honduras katika Kombe la Dunia mwaka huu.

BIN ZUBEIRY inaendelea kukuletea makala za mchambuzi na beki wa zamani wa England, Martin Keown hapa akilichambua Kundi E.

+4

Les Bleus: Ufaransa haijatwaa taji lolote kubwa tangu wabebe Kombe la Dunia nyumbani kwao miaka 16 iliyopita

Kundi E

Ufaransa

Ecuador

Honduras

Uswisi

Utabiri wa Keown;

1 Ufaransa

2 Usiwsi

3 Honduras

4 Ecuador

Ratiba (Saa za Afrika Mashariki)

Jun 15        Usiwsi v Ecuador     Saa 1:00 usiku   Brasilia
Jun 15        Ufaransa v Honduras Saa 4:00 usiku P. Alegre
Jun 20        Uswisi v Ufaransa      Saa 4:00 usiku   Salvador
Jun 20        Honduras v Ecuador  Saa 7:00 usiku  Curitiba
Jun 25        Honduras v Uswisi    Saa 5:00 usiku   Manaus
Jun 25        Ecuador v Ufaransa   Saa 5:00 usiku R. Janeiro

USWISI    

Viwango vya FIFA: Namba 6

Kocha: Ottmar Hitzfeld. Baada ya miaka zaidi ya 30 ya kufundisha mpira, Mjerumani huyo atastaafu baada ya Kombe la Dunia.

Nahodha: Gokhan Inler (Napoli)

Mchezaji wa kumulikwa: Granit Xhaka (Borussia Monchengladbach). Na alivyo na mwili mkubwa ni kama lilivyo jina lake. Ana umri wa miaka 21 tu, lakini tayari kiungo ameichezea timu yake ya taifa mechi 22, ana uwezo mkubwa wa kupitia mipira miguuni mwa wapinzani na kuipandisha timu haraka kushambulia.

+4

Nakuja kwako? Xherdan Shaqiri wa Uswisi amekuwa akihusishwa na kuhamia England

Ubora wao: Wazee wa maajabu. Wakiwa na ukuta wa nguvu na mfumo wa kutengeneza mashambulizi ya kushitikiza walifanikiwa kumaliza wimbi la Hispania kushinda mechi 11 mfululizo katika Fainali zilizopita za Kombe la Dunia na kuifunga Brazil 1-0 Agosti mwaka jana. 

Hatari: Kutafuta mfungaji wa mabao. Mfungaji wao bora katika mechi za kufuzu alikuwa beki wa FC Basle, Fabian Schar aliyefunga mabao matatu. Hii si sawasawa kuelekea Kombe la Dunia.

Watakwenda England? Xherdan Shaqiri yumo katika orodha ya wachezaji wanaotakiwa Liverpool na amekubali kuondoka Bayern Munich iwapo atapata nafasi zaidi ya kucheza. Beki Schar anatakiwa na Tottenham.

Matokeo mazuri Kombe la Dunia: Robo Fainali (1934, 1938 na 1954)

Walivyofika hapa: Waliongoza kundi lao bila kupoteza mechi, japokuwa walipangwa pamoja na Iceland, Slovenia, Norway, Albania na Cyprus haikuwa kazi ngumu kwao.

Je, wajua? Wachezaji 13 katika kikosi cha Uswisi wangeweza kuchezea nchi nyingine.

ECUADOR        

Viwango vya FIFA: Namba 26

Kocha: Reinaldo Rueda. Pamoja na kuwa kocha wa soka, Mcolombia huyo pia ni Profesa wa Chuo kikuu.

Nahodha: Antonio Valencia (Manchester United)

Mchezaji wa kumulikwa: Felipe Caicedo (Al Jazira). Valencia ndiye anayefahamika zaidi, lakini Caicedo ni tegemeo lao la mabao. Mshambuliaji huyo wa zamani wa Manchester City ana nguvu, mtaaoamu na alikuwa mfungaji bora katika mechi za kufuzu. 

+4

Antonio Valencia (kulia) alipewa kadi nyekundu katika mechi ya kirafiki Ecuador ikitoka sare na England baada ya kugombana na Rahim Sterling

Ubora wao: Wanacheza kitimu. Mshambuliaji Christian Benitez alifariki dunia katikati ya mechi za kufuzu, lakini kama timu, waliunganisha nguvu zao na kucheza hadi kufuzu, ushindi wa 1-0 dhidi ya Uruguay ndiyo uliowavusha.

Hatari: Ukuta wa ufa. Wana washambuliaji wengi wenye vipaji, lakini wanakosa mabeki imara – wamecheza mechi mbili tu bila nyavu zao kutikiswa kati ya michezo 10.

Watakwenda England? Watford inamtaka beki wa pembeni Juan Carlos Paredes, wakati Swansea, West Ham, Wigan na Cardiff zinagombea saini ya iwnga mwenye kipaji Jefferson Montero.

Matokeo mazuri Kombe la Dunia: 16 Bora (2006)

Walivyofika hapa: Walishika nafasi ya nne na ya mwisho ya kufuzu kwa Amerika Kusini, lakini iliwapiku Uruguay kwa wastani wa mabao ya kufunga na kufungwa.

Je, wajua: Kocha Rueda amewahi kufika Kombe la Dunia kabla, lakini kama kocha wa wapinzani wake katika Kundi E, Honduras mwaka 2010.

UFARANSA    

Viwango vya FIFA: Namba 17

Kocha: Didier Deschamps. Ameitwa ‘mbeba maji’ na Eric Cantona, lakini ushindi unaweza kuongeza heshima ya gwiji huyo.

Nahodha: Hugo Lloris (Tottenham)

Mchezaji wa kumulikwa: Paul Pogba (Juventus). Manchester United watajilaumu wenyewe kwa kumruhusu Pogba kuondoka. Kiungo huyo chipukizi ni mahiri, anakimbia na alikuwa nyota Juventus wakitwaa ubingwa Serie A.

+4

Jaribio la Ufaransa: Kiungo Paul Pogba ametabiriwa kung'ara Kombe la Dunia akiwa na Les Bleus

Ubora wao: Kutawala sehemu ya kiungo. Ufaransa ina vipaji vingi na Deschamps ameonyesha wepesi kwa kuamia kuhamia kutoka mfumo wa 4-2-3-1 na kutumia mfumo wa kushambulia zaidi wa 4-3-3.

Hatari: Kuzorota. Tangu watwae Kombe la Dunia nyumbani mwaka 1998, Ufaransa imekuwa ikivurunda katika mashindano mengi yaliyofuatia na kushuka kwa thamani yao.

Watakwenda England? Nyota wa Porto, Eliaquim Mangala yuko njiani kutua Chelsea ingawa pia Manchester City nap wanamtaka. Antoine Griezmann anatakiwa na Arsenal na Liverpool.

Matokeo mazuri Kombe la Dunia: Washindi (1998)

Walivyofika hapa: Walishika nafasi ya pili kwenye kundi lao nyuma ya Hispania na walilazimika kukipikua kipigo cha mabao 2-0 katika mchezo wa kwanza wa kufuzu dhidi ya Ukraine. Ushindi wa 3-0 nyumbani uliwapa tiketi ya Brazil.

Je, wajua? Deschamps atakuwa mtu wa pili tu kutwaa Kombe la Dunia kama Nahodha na kama kocha baada ya Franz Beckenbauer. Mario Zagallo wa Brazil ameshinda pia Kombe hilo kama mchezaji na kocha, lakini Nahodha wa nchi yake.

HONDURAS   

Viwango vya FIFA: Namba 33

Kocha: Luis Fernando Suarez

Nahodha: Noel Valladares (Olimpia)

Mchezaji wa kumulikwa: Carlo Costly (Real Espana). Ni hatari mno anapokuwa karibu na lango na mchezaji huyo wa Honduras mwenye urefu wa futi 6 na inch 3 ni tishio kwa mabeki. Anafunga mabao muhimu na anacheza kwa moyo.

Ubora wao: Hawana makuu. Bila kuwa na nyota yeyote mkubwa, Honduras wanatumia mfumo wa kigumu wa 4-4-2 wakicheza na viungo wakabaji wawili na mawinga wenye kasi kumlisha mipira mtu wao wa mwisho.

Tatizo: Kufunga mabao. Hawakufunga bao Fainali za mwaka 2010 na mara ya mwisho kufunga kwenye Kombe la Dunia ilikuwa mwaka 1982.

Atakwenda England? Sehemu ya wachezaji wake bora tayari wanacheza England, lakini winga wa Anderlecht, Andy Najar anatakiwa na Hull na Tottenham.

Matokeo mazuri Kombe la Dunia: Hatua ya Makundi (1982 na 2010)

Walivyofika hapa: Waliongoza kundi lao katika hatua ya kwanza ya kufuzu kabla ya kushika nafasi ya tatu katika hatua ya pili na ya mwisho ya kufuzu, nyuma ya Marekani na Costa Rica hivyo kujikatia tiketi ya Brazil.  

Je, wajua? Baada ya Honduras kufuzu Kombe la Dunia, Rais Pepe Lobo alitangaza siku ya mapunziko kitaifa. Pia anafikiria kumpa kila raia mapumziko ya siku kuangalia mechi za Honduras.