CHUJI AKATWA MSHAHARA KWA KUCHELEWA MAZOEZINI

 
Sh 50,000 imeondolewa katika mshahara wa kiungo nyota wa Yanga, Athumani Idd ‘Chuji’.

Kocha Mkuu, Ernie Brandts ndiye aliyepitisha uamuzi huo baada ya Chuji kuchelewa mazoezi ya jana.



Chanzo cha uhakika kutoka ndani ya Yanga kilieleza kwamba Chuji alijitahidi kujitetea baada ya kuchelewa nusu saa, lakini kocha huyo akasisitiza akatwe.

“Kocha alisema ni lazima akatwe mshahara kwa kuwa ilikuwa ni uamuzi aliousisitiza kwamba lazima kila mchezaji awahi.

“Chuji alijitetea kuwa ni majeruhi, lakini kocha akamuambia alijuaje hawezi kucheza na hiyo ni kazi ya dokta, hivyo akasisitiza tena lazima akatwe,” kilifafanya chanzo.


Brandts amepitisha adhabu ya wachezaji kukatwa fedha katika mshahara wao kila wanapochelewa mazoezini ikiwa ni sehemu ya kudumisha nidhamu katika kikosi chake.

chanzo salehjembeblog