KOMBE LA DUNIA: JUMATATU, 2 ZIPI BRAZIL, MEXICO, CROATIA KUSONGA?

>>KUNDI(B): NANI KUMALIZA KILELENI ‘KUMKWEPA MWENYEJI’ BRAZIL?

JUMATATU Usiku Makundi A na B ya Fainali za Kombe la Dunia yatacheza Mechi zake za mwisho na wakati Kundi B tayari Netherlands na Chile zimefuzu kuingia Raundi ya Pili ya Mtoano ya Timu 16, Kundi A bado zipo Timu 3 zinazogombea nafasi mbili.

Kwenye Kundi A, Wenyeji Brazil, Mexico na Croatia ndizo zinazowania nafasi mbili za kucheza Raundi ya Pili huku Cameroon ikiwa nje ya Mashindano.

Kundi B tayari Netherlands na Chile zimefuzu kuingia Raundi ya Pili lakini kinachopiganiwa ni nani atamaliza Nambari Wani ili ‘kumkwepa Mwenyeji Brazil’ Mechi ijayo.

Wadau wengi wanaipa nafasi kubwa Brazil kushinda Kundi A na hivyo kucheza na Mshindi wa Pili Kundi B na hilo ndio motisha ya Mechi ya Netherlands na Chile.

IFUATAYO NI TATHMINI YA KUNDI KWA KUNDI:

KUNDI A
TIMU	P	W	D	L	F	A	GD	PTS
Brazil	2	1	1	0	3	1	2	4
Mexico	2	1	1	0	1	0	1	4
Croatia	2	1	0	1	5	3	2	3
Cameroon	2	0	0	2	0	5	-5	0

Mechi za Mwisho:

-Croatia v Mexico

-Cameroon v Brazil

Brazil na Mexico zinahitaji Sare tu kufuzu.

Lakini Brazil inaweza kufuzu hata ikifungwa na Cameroon ikiwa Mexico itaifunga Croatia.

Ili Croatia ifuzu inahitaji ushindi ingawa Sare inaweza kuwapitisha ikiwa tu Brazil itafungwa na Cameroon.

KUNDI B
TIMU	P	W	D	L	F	A	GD	PTS
Netherlands	2	2	0	0	8	3	5	6
Chile	2	2	0	0	5	1	4	6
Australia	2	0	0	2	3	6	-3	0
Spain	2	0	0	2	1	7	-6	0

Mechi za Mwisho:

-Australia v Spain

­-Netherlands v Chile

Tayari Netherlands na Chile zimefuzu na Mechi kati yao itaamua nani Mshindi wa Kwanza wa Kundi.

Netherlands wanahitaji Sare tu wabaki kileleni.

KOMBE LA DUNIA

MECHI ZA MWISHO ZA KUNDI A na B:

JUMATATU, JUNI 23, 2014
SAA	MECHI	KUNDI	UWANJA
1900	Australia v Spain	B	Arena da Baixada
1900	Netherlands v Chile	B	Arena Corinthians
2300	Croatia v Mexico	A	Arena Pernambuco
2300	Cameroon v Brazil	A	Nacional