WAKAZI WA UKANDA WA ZIWA JIPE WALALAMIKIA UMASKINI

Na  Mahmoud Ahmad Mwanga .

WANANCHI  wanaoishi  ukanda  wa  Ziwa    Jipe  wilayani  Mwanga  mkoani  Kilimanjaro 

 wamelalamikia kukabiliwa  na  umaskini  unaochangia   kutoweka  kwa ziwa hilo  

 ambalo  sehemu  kubwa  limefunikwa na  

magugu  na  wameomba  serikali  kufanya kila  linalowezekana  kushughulikia  tatizo hilo.

 

Wananchi  hao  ambao  asilimia  kubwa  ni  wa Tarafa  ya  Jipendea  ambao ndio  walioko  mpakani  na ziwa  hilo  wamesema  tatizo  la  magugumaji  linaendelea  kuongezeka  hasa  kwa

  upande  wa Tanzania  na  licha  ya  kutishia 

 kutoweka  kwa  ziwa  hilo  yamesababisha  kuongezeka kwa  makali  ya maisha  hasa 

 kwa  vijana  waliokuwa  wanaishi  kwa  kutegemea  uvuvi.

wananchi  hao  akiwemo  Bw, Rashidi  K idundi   ambaye  ni  Afisa  mtendaji  kata  ya

  Jipe amesema tatizo hilo linawaathiri zaidi  vijana  ambao  kutokana  na  kukwama  kwa  shughuli za  uvuvi  wanakosa

 uvumilivu  na  kujikuta  wakiingia  upande  wa  pili  wa  ziwa  hilo  ambao  uko nchini  Kenya  kuendesha uvuvi  

haramu  na  kuishia  mikononi mwa  polisi.

 

Bw  kidundi  ameongeza  kuwa  hali hiyo  imesababisha  viujana  wengi   kukamatwa  na  

kufunguliwa mashtaka  nchini  Kenya  na kwamba  hadi sasa  vijana wanne  wamehukumiwa

  na wamefungwa  katika magereza  ya nchi  hizo.

 

“Pamoja  na  kwamba  ni  Kinyume  cha sheria  lakini  kuna  vijana wamekamatwa  na  kufungwa  nchini Kenya tumejaribu  kufuatilia  kupitia  kamati  za  ulinzi  na  usalama  lakini  bado  na  tumeshamweleza 

mkuu  wa  wilaya  na   anasema  anaendelea  kulishughulikia”

Naye  Bw, Yusuph  Ramadhani  na Bi  Zukra  Mohamed  wamesema  tatizo  hilo  pia  limeoangeza uharibifu wa  mazingira  kwani  vijana  wengi  wanalazimika  kujiingiza  katika  ukataji  wa  miti  na  kulima katika

  maeneo  ya  miinuko na vyanzo  vya maji.

Akizungumzia changamoto hiyo  waziri  wa  maji  Mh Prf  Jumanne  Maghembe  ambaye  pia  ni mbunge wa

  Mwanga  amesema    wataalam  wa  ndani  na  nje  

wanaendelea  kushughulikia  tatizo hili na   amewataka  wanachi  kuendelea  kuheshimu sheria   hasa

  za  uvuvi  kwani  kuzikiuka  ni  kuongeza matatizo.

Ni  kweli  kuna  tatizo  la  magugu  katika  ziwa  hili  na maziwa  mengine  laikini serikali  haijakaa  kimya bado inaendelea  kutafuta  ufumbuzi  kwa  kushirikiana  na  wataalam kutoka nchi mbalimbali  lakini 

 cha msingi hapa  ninachowaomba ni kuwa  muendelee  kufuata sheria  hasa za  zinazosimamia  uvuvi  kwani kuzivunja  

sio  suluhu  ya  matatizo “alisema  Prf  Maghembe waziri  wa  maji na  pia  Mbunge  wa Mwanga

 

Kwa  muda  mrefu sasa  ziwa  jipe  limekuwa  katika  changamoto  kubwa  ya  kufunikwa  na  

Magugu  na licha  ya  kuwepo  kwa  jitihada  za

  wataalam  wa  ndani  na  nje  wa  kuyakabili  hadi  sasa  bado  tatizo ni  kubwa  na  kama  lingeweza 

kupata ufumbuzi  licha  ya  kuwawezesha  wananchi  wa

  ukanda  huo kiuchumi na  pia  kuongeza  hata  pato  la  taifa  kupitia  uvuvi .